المقادير

• لحم بعظم حسب عدد الاشخاص
• 4 كاسات رز بسمتي
• بصلتين
• حبتين بندوره
• 10 سنن ثوم مقطعين
• كمون وملح وفلفل اسود
• حب هال ورق غار وعيدان قرفه
• لوز للتزين القليل من الصبغه
• فحم للندخين

الخطوات

تبلي اللحم بملح وكمون فلفل اسود واي نوع مطيبات بتحبي ضيفيا لازم تفركيا بايدك منيح للحمه

بعدين بطنجره حطي شويه زيت بس يحمي حطي قطع اللحم بس مو كل الكميه مشان ما طالع اللحمه ميتا

مجرد تشويح دقيقتين تلاته

خلصي كميه اللحمه وشيليا من الطنجره حطيا عجنب

بنفس الطنجره اذا لقيتي الزيت قليل ضيفي

حطي البصل وقلبي

وبعد الثوم والبندوره ولازم يتشوحوا منيح بعدا ضيفي البهار الهال القرفه ورق الغار وحركي

رجعي قطع اللحم وضيفي كاسه ونص مي بس مابدنا كميه مي كتيره

خليا تغلي وهدي الغاز وغطي الطنجره بدا ساعه

بهي الأثناء اذا لقيتي نشفت المي واللحم لسا مطول ضيفي مي سخنه كميه قليله

منغسل الرز منيح ومننقعوا عشر دقايق بعدا بحط بطنجره مي وملح وزيت وحب هال

بس تغلي بضيف الرز

بخلي يستوي نص استواء

بصفي من المي وبشيل الهال هي الخطوه لازم تكون قبل مانحط الرز مباشره فوق اللحم

بعدا منحط الرز فوق اللحم مع الصبغه

ومنشغل فحمه منيح

منعمل حفره بوسط الرز وبحط ورق قصدير بقلبو زيت وبحط الفحمه بس دخنت بغطي الطنجره وبخليا ربع ساعه تقريبا على نار هادئة

بعدا منسكب الرز ومنزين با اللوز

وصحه وهنا للجميع