كيكة السينابون اللزيزة وخاصة مع كاسة شاي
كيكة السينابون اللزيزة مع سيدة الموهبة Ekram Shhadeh
الطريقة:
بحرارة الغرفة (اربع بيضات) بنخفقهم مع معلقه فانيلا ومعلقه خل لتتكاثف الرغوه بنضيفلهم كاسه سكر وبنخفق للنحصل قوام كريمي بنضيف تلات ارباع كاسة حليب دافي وربع كاسه لبن رايب وبنخفقهم
هلأ تلات ارباع كاسه زيت ومعلقه زبده وحده بنخل كاستين ونص طحين وتلات معالق بيكنج باودر ومعلقة صغيره كربونه ومعلقه كبيره قرفه وبنضيفهم للخليط بالتدريج
وبندهن القالب طحينه وبنضيف نص الخليط وفوقه الخليط ( عباره عن جوز الهند محمص وجوز قلب ولوز ومعلقة كبيره قرفه ومعلقه سكر ) وبنكمل خليط الكيك بالتدريج فوقه وبالفرن ليستوي
بنسقيه التشريبه(فنجان حليب مكثف محلى مع جبنه كريميه او كيري بنخفقه سوا ممكن نقسمه نصين ونضيف معلقه كاكاو للقسم التاني )
