المقادير للكيك:
٦ بيض
معلقه كبيره فانيلا
معلقه كبيره عصير ليمون
معلقه خل ابيض
كوبين سكر
كوبين ونص طحين
معلقه بيكنج باودر كبيره
نص كاسه كاكاو مر
كاسه نحط فيها اربع ملاعق كبيره حليب بودرة و ملعقتين لبن (زبادي بالمصري) ونخلطهم بماء ليكمل الكاسه
كوب زيت مازولا
الطريقة للكيك:
– ٦بيض نخفقهم منيح مع معلقه كبيره فانيلا ومعلقه كبيره عصير ليمون ومعلقه خل ابيض.
– وبعدين بنضيف كوبين سكر ونخفق عشر دقائق.
– ثم نضيف كوبين ونص طحين منخولين مع معلقه بيكنج باودر كبيره ونص كاسه كاكاو مر.
– بعدين كاسه نحط فيها اربع معلق كبيره بودره حليب وتنين لبن ونخلطهم بمي ليكمل الكاسه واخر شي كوب زيت مازولا ونخلطهم شوي ونطفي الخلاط.
طبقه البسكوت:
– اصبع زبده ندوبو على النار ونحطلو ظرف كريم كراميل البودره, معلقه صغيره قرفه, ومعلقه نسكافيه, وربع كاسه سكر وباكيت 50غ بسكوت دايجستف, ونحركهم سوى.
– هلا بنحط نصف الخليط بقالب الكيك المدهون طبعا بالسمنه والطحين, وانحط فوقها خلطه البسكوت نوزعها على كل الكيك, ونرجع نحط باقي خليط الكيك.
– ونخبزها بفرن حامي وعلى نار هاديه لكي تستوي وعلى الرف الوسطاني.
– وبس استوت وانطلعا لتبرد, حطيت على وجها كريمه ظرفين دريم ويب, علبه قشطه, فنجان قهوه سكر, فنجان قهوه حليب بودرة, واربعه حبات جبنة كيري.
– وبس بردت سيحت بالمايكرويف شويه نيوتيلا مع زيت مازولا وحطيتها فوق الكريمه وفيكم تحطو اي نوع شوكولا بدكم ياها.
لمتابعة وصفات زاكي الزاكية, تابعونا على جروب “زاكي”:
كيك البسكويت