وصفة رولات دجاج محشية خضار بالبشاميل وصفة لذيذة وشهية جداً

رولات دجاج محشية خضار بالبشاميل وصفة مميزة من ابداع Hala Dara El Amar , تمزج فيها الدجاج مع تشكيلة غنية ومفيدة من الخضراوات ومع البشاميل, وتعلمنا طريقة طهي صحية بالفرن وبزيوت أقل, نتابع وصفة رولات دجاج محشية خضار معاً على موقع زاكي.

والان دعونا نبدأ وصفة رولات دجاج محشية خضار ونبدأ مع المقادير،

مقادير وصفة رولات دجاج محشية خضار:

كيلو صدور دجاج مفروم
فليلفه ألوان
جزر
كوسا
بطاطا
ذرة
مشروم
زيت زيتون
وحدة توم مهروسة
نص وحدة ماجي
بشاميل
كمون وفلفل أسمر وكاري
معلقتين لبن زبادي
بودرة توم وبودرة بصل
بيضة.

طريقة تحضير وصفة رولات دجاج محشية خضار:

– الحشوة بتعملي بشاميل سميك وضعيها على جنب.

– بزيت زيتون دبلي البصلة وحطي وحدة توم مهروسة بعدين الجزر والبطاطا والكوسا والفليفلة ونص وحدة ماجي ولما ينضجوا 80% حطي البهارات اللي ترغبيها انا وضعت بس كمون وفلفل أسمر وكاري عشان طعم الخضار ما يروح.

– بعد ما تستوي الخضار ضيفي الباشميل ولازم يكون سميك عشان ما يغلبك بالحشو وتغليهم غلوة وتطفي عليهم ولما يدفوا حطيهم بالثلاجة.

احضري كيلو إلا شوية دجاج مفرومة ناعم ولو ما عندك بمفرمة اللحم جيبي صدور وافرميهم وحطي عليهم معلقتين لبن زبادي بس ما تكتري عشان ما تفرط معك ويصعب عليك رقها وحشيها وحطي حبة بطاطا صغيرة كتير مهروسة وبهريهم ببودرة ثوم وبودرة بصل والبهارات اللي تحبيها بس ما تكتري ومكعب ماجي وزيت ذرة لكن الزيت زيتون لا لأنه بخلي لون الجاج غامق (انا حاطه زيت زيتون).

–جيبي شوباك العجين (أو الرولة وهي أداة لفرد العجين) وبتفردي بيها الدجاج زي كأنك بدك تعملي كرواسون و حشيها بالخضار بعدين ادهني الوجه ببيضة ولبن زبادي و زيت ذرة.

– وعلى الفرن درجة حرارة 180 يعني متوسطة ولمدة ساعة إلا ربع بعدين حمري الوجه وصحة وهنا على قلبكم.

ملاحظات:
يفضل تحطي الدجاج في الثلاجة عشان لما تكون باردة تتماسك معك وانت بترقيها.
لو لاحظتي اللحمة تلزق من شوباك العجين ادهنيها زيت درة أو زبدة سائحة بتعطي طراوة للجاج.

الى هنا نصل متابعينا الكرام الى نهاية وصفة رولات دجاج محشية خضار،
نتمنى ان تكون نالت رضاكم واستحسانكم، الى اللقاء.

يمكنكم متابعينا الكرام مشاهدة المزيد من وصفات الدجاج والطيور  على موقع زاكي.

أيضا يمكنكم متابعة صفحتنا على موقع فيسبوك لمشاهدة المزيد من الفيديوهات.