اطيب تشيز كيك لن تصدقوا سهولتها وبساطة مكوناتها

اطيب تشيز كيك لن تصدقوا سهولتها وبساطة مكوناتها
معكم صديقة زاكي المذهلة غرام الورد

المقادير :

٥ باكيتات بسكوت شاي

مقادير البودينج:

باكيت دريم ويب

٥ أكواب شراب الكاكاو (لكل كوب معلقه كاكاو صغيره ومعلقين سكر وخمس ملاعق صغيره حليب بودره )

بنضيفلهم مغلف كريمه اختياري ونرفعهم عالنار حتى الغليان بندوب نشا بمي بارده وبنضيف بالتدريج حتى يسمك الخليط ونرفعه عن النار

مقادير الكروكان:
كوب سكر كوب اي نوع مكسرات متوفر محمصه معلقه زبده كبيره

الطريقة:

هي لازم يكون عندك قالب التشيز كيك مشان يسهل عليكي الشغل أنا بصراحه ما عندي جبت صينية صغيره وغلفتها بالنايلون مزبوط بعدين بتجيبي بسكوت الشاي الساده العادي بتصفيته بالطول داير ما يدور الصينية

بعدين بتكوين مجهره بودينج الشوكولاتة مهلبية بالكاكاو يعني أنا عملت خمس كاسات كاكاو ومعهم مغلف كريمه هاي أنا جربتها كتير زاكية مع المهلبية بعدين بس يغلي بتكوني مدوبه نشا مع مي بارده وبتديري بالتدريج مع التحريك المستمر هلا بتوخدي بسكوته وبتدهنيها من المهلبية وبتلزقيها على اول بسكوته من الي صفيتيهم بالصينية

وبعدين التانيه نفس الشي لما يصيرو متل كانك بتبني سُوَر داير ما يدور بالترتيب يعني بتكون دواير كبيره بعدين بصيرو اصغر لما تخلصي كل المقدار بكل الصينية متل هيك بتحطيها بالتلاجه شوي وبتعملي كريمه من فوقها

وانا زينتها بالكروكان وهو عباره عن كوب سكر عالنار لما يدوب بدون تحريك بس يدوب بتحطي معلقه زبده كبيره وانتبهي لانه بفور وبتحطي كوب مكسرات اي نوع محمص

بعدين بتشيلي عن النار وبتسكبيه على ورقه قصير كبيره ومدهونة بشويه زيت وما تقربي عليه لحدها يبرد كليا لانه كتير سخن وبس يبرد بتكسريه وبتزيني فيه وصحه ومئة هنا عقلبكم وهاي هي ألطريقه بالتفصيل الممل يارب تكون واضحه