خبز بالجبن والاعشاب
معكم صديقة زاكي الشيف المميزة om sham
المقادير
- كيلو طحين
- جبن شيدر مبروش
- فنجان زيت زيتون
- بيضه
- معلقه كبيره خميره ومعلقه كبيره سكر ومعلقه صغيره ملح ومعلقه خل
- اربع معالق لبن زبادي ومعلقتين جبن كريمي
- نص كاسه بقدونس مفروم
- معلقه صغيره من زعتر ناشف اكليل الجبل شبت
الخطوات
اول شي منجهز الخميره والسكر مع كاسه مي فاتره ومنتركن عجنب
بنخل الطحين مرتين بضيف عليه الملح الجبن المبروش وكل الاعشاب الناشفه والبقدونس وبخلطن منيح بعدا بضيف الخميره والسكر يلي جهزتن وبضيف الزيت والجبنه الكريمي هاد الجبن انا جبتو قريب للفيلا دلفيا في حموضه وعجنت لحتى تكونت عجينه طريه خليتا تخمر بعدين شكلتا اقراص دهنت وجه الخبز بحليب ورشيت سمسم شغلت الفرن على حراره 50 وحطيت الخبز بعد ربع ساعة عليت الحراره لل 100
وبعد ربع ساعة عليت لل 150
كمان ربع ساعة واخر شي رفعت الحراره لل 250 وشغلت فوق وتحت
لحتى اخد الخبز اللون المطلوب
هي طريقه الخبز مهمه مشان الخبز يطلع هش ورغوي وقلبو مانو معجن
وصحه وهنا للجميع
