المقادير

• علبه بسكوت داجستيف وزنا 300غ
• علبه جبنه كريم فيلادلفيا وزن 250غ
• علبتين كريمه سائله حجم 150
• نص كاسه شكولا مذابه او شكولا نوتيلا
• للتزيين صوص شكولا حبيبيات شكولا وصوص كراميل
• فنجان زبده مذابه و3 معالق كاكاو غير محلى

الخطوات

اول شي منطحن البسكوت ناعم ومنضيف عليه الزبده والكاكاو ومنخلط منيح وبعدا على قالب التشيز كيك ومنرصو منيح وعلى الفريزر عشر دقايق

بهي الاثناء منخفق الكريما لحتي تتماسك بعدا منضيف عليها الشكولا ومنخفق بسرعه لتختلط كل الموكونات منيح واخر شي منحط الجبنه ومنخفق بسرعه لتختلط لاتبالغوا بالخفق مشان ماتفصل الكريمه

منطالع القالب منصب فوقو الكريما ومنسوي الوجه وبعدا على الفريزر ساعه ومنطالعوا منزينو طبعا الزينه على ذوقكم انا استخدمت صوص شكولا مع حبيبات شكولا هيرشي وصوص كراميل قبل التقديم بعشر دقائق طالعوا من الفريزر اهداء مني لنور وصحه وهنا للجميع

(ممكن استبدال الكريما السائله بكريما بودره حوالي 3 ظروف مع كاسه ونص حليب بارد كتييير وكمان الفيلادلفيا ممكن استبدالا بنوع مشابهه او استخدموا عشر حبات كيري

والبسكوت ممكن استخدام بسكوت الشاي

مهم جدا تكون الكريما السائله بارده جدا قبل الخفق )