المقادير

• بسكوت…وزبده…وجبنه كيري..وكريمة خفق باقي المقادير في الطريقه

الخطوات

تشيز كيك تحفه..وخطيره..

الطبقه الاولى بسكوت دايجستيف مطحون..واضيف عليه اصبع زبده سايحه 120 جرام..واخلط كويس لغاية البسكوت مايبقى كله متشبع بالزبده وارصه في صينيه تشيز كيك…الطبقه التانيه..

هضرب في الخلاط..

6 حبات كيري…علبة قشطه…ظرفين دريم ويب…معلقتين سكر باودر كبار..نص كوب كريمة خفق..وجيلاتين باودر معلقه صغيره مدوبه في شويه ميه سخنه…هخلط كله يتشكل عندي كريمه تقيله جدا..احطها على طبقة البسكوت وادخلها التلاجه ليله كامله..الطبقه النهائيه..

هجيب علبة حليب مكثف محلى بحطها في حله على النار مليانه ميه واحط العلبه وهي مقفوله في الحله واسيبها تغلي لمدة ساعتين..وكل الميه مابتنقص ازود ميه تغطي العلبه..

وبعد الساعتين..اطلع العلبه واسيبها تبرد هلاقي الحليب بقى كراميل..اصبه على التشيز كيك وادخله التلاجه تاني..واطلعها واذوقها