كيكة النسكافيه هشة وبتشهي
معكم صديقة زاكي المتألقة بوصفاتها الشهية و الرائعة و اللذيذة الشيف المبدعة Om Ahmad Safady
كيكة النسكافيه هشة وبتشهي
المقادير (عيار الكاسة يكون بنفس الكاسة) :
كاسة سكر
كاستين طحين يكون ابيض وخاص للحلويات زيرو
كاسة الاربع زيت ذرة
كاسة حليب سائل
3 بيضات
ملعقتين صغار فانيلا
3 ملاعق بيكنج باودر صغار
ملعقة خل ابيض كبيرة
الطريقة :
- نخفق البيض مع السكر جيدا مع الفانيلا وبعدين الزيت ونخفقهم
- وبعدين بنصير نضيف مرة شوية طحين ومرة حليب سائل مع الخفق بالخفاقة ووضع البيكنج باودر لحد ما تخلص الكمية وما ننسى نضيف الخل
- وبنكون ولعنا الفرن وحميناه بنخبزها لمدة ثلث ساعة وما بنفتح الفرن حتى ماتهفت الكيكة او حسب الفرن ممكن تحتاج اكتر
- وبنطلعها وهي سخنة بنكون محضرين كاسة نسكافية بارد مذوب فيها 3 ملاعق نسكافيه سادة او ممكن كاسة ونص حسب الرغبة
- بنقطع الكيكة وبنسقيها بالنسكافيه البارد وبنتركها تبرد وبنزينها بكريمة دريم ويب مضاف الها شوية نسكافيه وتزين بحبوب النسكافيه وصحة وهنا 😙😙😙 تقدم باردة
