وصفة كريم الثوم بدون بيض (نيئ )ولا بطاطا طعم لا يقاوم
وصفة كريم الثوم بدون بيض (نيئ )ولا بطاطا طعم لا يقاوم
معكم صديقة زاكي المتألقة بوصفاتها الشهية و الرائعة و اللذيذة الشيف المبدعة Oumaima Hakim
يسعد مساكم اعزائي
اليوم جبتلكم وصفة كريم الثوم بدون بيض (نيئ )ولا بطاطا وخلو وصفة الدجاج المشوي او الشيش طاووق عليكن ههههههههه
كتير سهلة بس بدها دقة بطريقة حتى ماتفرط
وممكن حفظها بلبراد لمدة اكتر من شهر لانو المادة الحافظة هية الزيت
المقادير :
كوب لبنة
او جبنة فيلادلفيا او ماشابه او كيري يعني جبن كريمي( ابيض )
نصف كوب ثوم حصوص ( رأس ونصف )
ملعقة صغيرة ملح
نصف ليتر زيت نباتي
ونصف عصير ليمونة او ربع ملعقة صغيرة ( ملح الليمون )
الطريقة :كما هو في الصور ..
اول شي بحط ملح والثوم وممكن ازا عندك ثوم مهروس مثلج كمان بيصير
هيك اول مرحلة بتصير
بحط اللبنة وبطحن شوية
هيك
وبلش نزل الزيت متل الخيط مع الطحن هيدي الخطوة ضرورية حتى تنجح معكن وتطلع متل لكريمة ازا نزلنا الزيت دفعة واحدي او دفعة كبيرة بتفرط ما بتعود يتجانس الزيت مع اللبنة والثوم بيضل لاحال
ازا صار معكن هيك مابتكبوهن الشيفات بقولو خلاص خربو ماعاد يتجانسو لا غلط انا من تجاربي جربت مرة تانية بنفس الزيت ونفس اللبنة والثوم ورجعت تصلحت الوصفي من المكونات زاتها ماكبيتهن
شو بتعملو بتوقفو خلط وبتتركو المزيج على جنب يمكن اكتر من نصف ساعة
وكل شوية بتشوفو عم يطفو الزيت على وجه اللبنةبيكون الزيت معكر عادي بتشلوهن هيك حتى مايضل يطفو الزيت على الوجه بترجعو بنفس الزيت واللبنة والثوم بتنزلو مع الخلط الزيت متل الخيط هيك حتى تنتهي كمية الزيت كلها وتصير الوصفي متل لكريمة او المايونيز
هون بحط عصير النصف ليمونة او الملح الليمون وبكفي خلط
وانا هون رجعت كملت على هيدي المكينة حتى تشفو كيف فينا نعمل على اي
مطحنة عندكن وحتى على الإبريق الكوكتيل بتزبط
شفو القوام كيف كثيف وناعم متل الكريمة
شفو كيف متماسكة من اسفل الشوكة حاملتها هيدا نجاحها
بحطهن بعلبة او مرطبان محكمة الغطاء وبمسد السطح ديماً كل ماشيل منهو
حتى مايطلع الزيت
الوصفي كتير هينة بس بدها دقة بتنزيل الزيت على اللبنة المخفوقة مع الثوم
شوفو كيف قوامها مع انو فيه نصف ليتر زيت نباتي بس الكمية بتطلع كبيرة
زيت عباد الشمس ( ميال الشمس ) او زيت مازولا (زيت ذرة )
الزيت الزيتون مابيطلع طيب لانو الطعمة قوية وبيتغير لونها بتصير على لون اخضر
وبحفظها بلبراد مدة اكتر من شهر وشهرين ازا كانت محكمة الغطاء
والف صحة
مع تحياتي
oumaima Hakim