طريقة عمل كبة بصينية كتير شهية
معكم صديقة زاكي المتألقة بوصفاتها الشهية و المميزة الشيف الرائعة نور الهدى والإيمان
السلام عليكم ورحمة الله وبركاته
حضرت اليوم كبة بالصينية بتمنى تنال إعجابكم
الكبة بالصينية
المقادير :
كيلو برغل
نص كيلو لحمة هبرة
بصلة
ملح + ملعقة صغيرة بهار بتفضليه منطحنون دورين بمكينة الكبة عالراس الناعم
للحشو :
- نحمس بصلتين بعد ما يدبل البصل منضيف اللحمة وملح وفلفل وبهار مشكل وكاري تبلة اللحمة يلي بتفضليها
- ملاحظة لو حبيتي تضيفي مكسرات مع اللحمة بتحمسيون لحال وبعد ماتبرد اللحمة والمكسرات تماما منضيفون مع بعض
- مندهن الصينية بالسمنة الوفيرة ولنجاح شكلها منقسم العجين قسمين منفرد اول قسم على كيس التفريز ومنحطها عالصينية
- ومنحط الحشو ومنرجع منفرد العجينة التانية ومنضغط عليها واهم شي الأطراف ومنحطها فوق الصينية ومندهنا سمنة
- ومنقطعها ومنزينها بالمكسرات
- ملاحظة خلص اللوز عندي واطريت حط مع اللوز فول سوداني او فستق عبيد بتختلف التسمية بين الدول
و صحة و ألف هنا يا رب ♥
