وكما عودناكم اعزاءنا القراء في تطبيق زاكي على مجموعه من المقالات الاجتماعيه الهادفه متابعه ممتعه نتمناها لكم أحباءنا.
لما بتتركي صور لحدا من قريباتك او رفقاتك بموبايلك وبتعرفي منيح ان جوزك فضولي وممكن يفتح ويشوف
#وين_بيكون_عقلك ؟؟
لما بتفتحي قدامو تسجيل صوتي لحدا من رفقاتك وهي عم تشكيلك او تبكي اوتضحك وبتقعدي تتسمعي عليها وهو قاعد جنبك ومشغل الرادار ومو هامك لا امانة ولا خوف من ان هالصوت يغريه او يخليه يتخيل صاحبتو #وين_بيكون_عقلك
لما بتحكيلو كلشي بيصير معك ومابتعرفي تحفظي سر ولا بتعرفي توفري كلمة وتضلي عم تلتي لت لت لت فوق راسو .. وبالاخر بتعملي حالك مابتحكي على حدا وبتستغربي ليش طفشان وقرفان منك ومابيحكيلك شي لانو بيعرفك لسانك اطول من الموكيت الاحمر تبع المشاهير #وين_بيكون_عقلك
لما بتتركي شعرك يزيت وريحة عرقك توصل لراس باب الحارة .. وتنخر بأنف العكيد … #وين_بيكون_عقلك ؟
لما بتتركي شواربك مئنبذة من تحت كريم الاساس الممشح تمشيح لان بشرتك نشفانة واخر همك ترتطبيها …وشعر رجليكي مغزوز من تحت جرابات الليكرا اللي صارو متل المصفاية ومو طالع بأيدن يخبو غابات السافانا #وين_بيكون_عقلك
لما بتتركي ولادك يسرحوا ويمرحوا عند العالم بدون ماتخجلي او تتدايقي لانك مابتعرفي تضبطيهم وتعلميهم على اداب زيارة الناس #وين_بيكون_عقلك
حكي النسوان خاااااص بالنسوان عيب يوصل لادن رجال
موبايلك وصورك وتسجيلاتك الصوتية مع قريباتك ورفقاتك امانة برقبتك لازم ماتخونيها وتمسحي فورا وتاخدي احتياطك وخصوصا اذا بتعرفي جوزك فضولي وممكن يفتش
(اللي رح تقول مالازم تبعتو شي بقلا معك حق بس بزمن التكنولوجيا وغربتنا والبعد بيناتنا الواحد بيضطر )
استعملي عقلك بليز … وقلبك وعواطفك وفضولك بهيك حالات عطيهم حبة منوم
عنايتك بنفسك لاتهمليها ..
وصورتك قدام اللي حواليكي احفظيها
وهيبتك لاتضيعيها
وحقوقك حفظيها
وواجباتك اعمليها
لان الدنيا مرة وحدة بتعيشيها