طريقة عمل أطيب جبنة صحية و شهية يمييي
معكم صديقة زاكي المتألقة بوصفاتها الشهية الشيف الرائعة Øm Wâŝëëm
أطيب جبنة صحية و شهية يمييي
الطريقة :
- 800 جرام حليب جاف دوبيه في لتر مية ساخنة مش بتغلي ولا دافية يعني تتحملها الايد
- و بتكوني مدوبة ع جنب خميرة الجبنة نص ملعقة صغيرة لهالكمية و كالسيوم حوالي ملعقة كبيرة (بتلاقيهم عند اي عطار او سوبر ماركت وغالبا بكونوا مجهزين في بكيت كمية الخميرة والكالسيوم المناسبة لبكيت حليب 800جرام) ..
- بتديري الحليب الي دوبتيه في الصينية الي بدك تعملي فيها الجبنة تكون مناسبة للكمية
- و بتديري عليهم الخميرة و الكالسيوم و وبتحركي منيح و بتغطيها لمدة ساعة ودفيها لحتى يحافظ الحليب ع دفاوتو و يجمد ويصير قالب جبنة
- بعد ساعة او ممكن اكتر بتقلبي قالب الجبنة ع شاشة نظيفة بتكوني حطاها بصينية تانية او مصفاية وازا بتحبي الحبة السمرا معها رشي ع وجها و بتحطي ثقل عليها لتاني يوم حتى تتصفي ميتها و تمسك منيح بعدين اغلي مية ودوبي الملح فيها
- وسيبيها تبرد تماما و قطعي الجبنة و حطيها في المية
- لازم تغطيها المية و قطعي فيها ليمون وفلفل اخضر بيعطي نكهة و بيضيع زنخة الحليب
- و خليها تاخد في الملح لتاني يوم بكون افضل و صحتين ♥
