طريقة عمل قوالب الشوكولا محشي بوظة
معكم صديقة زاكي المتألقة صاحبة أشهى و أروع الوصفات الشيف المبدعة Doha Chehab Sinjikdar
قوالب الشوكولا محشي بوظة
الطريقه :
- اول شي منسوح شوكولا بمايكرويف أو حمام مائي منجيب قوالب سيليكون مندهن بين وجين أو 3 وجوه كل وج بندهن في الشوكولا منحطوا بالفريزر شي 10 دقايق حتى تجمد انا دهنت 3 طبقات وبعدين حشيت البوظة
- فيكن بوظه خالصة أو شغل ايدكن الي بتفضلوا منرجع بس نحشيها بوظه منسكر عليها ببسكوته سادة مدورة منغمسها تغميسه خفيفه بالحليب ومنسكر فيها البوظة
- وآخر شي مندهن البسكوته بالشوكولا ومنحطها بالتلاجه .ملاحظة بس نحسبها شوي شوي حتى ما تتكسر
طريقه بوظه فريز: ايس كريم الفريز
المقادير :
2 كوب حليب بنكهة الفريز
نص كوب فريز مطحون
15 ملعقة كبيرة سكر أو اقل حسب الرغبه
2 ملاعق نشاء بودر
1 ملعقة سحلب كبيرة سريع الدوبان انما اذا خام ربع ملعقة صغيرة
بيضا واحدة
فانيلا ملعقة صغيرة
منكه فريز بضعة نقاط
عصير ليمونة(حامض) مع برش قشرتا لخارجية
علبة كريما بودرة منخفقها مع نص كوب حليب بارد لحين التماسك
الطريقة :
- نضع الحليب و النشا و السحلب و السكر و الفانيلا منحركن كلن عالبارد منحط البيضا و نخفق جيدا ومنحطن على النار لحين الغليان حتى تجمد مع التحريك المستمر
- بعدين منغطيهن بنايلن يلامس السطح حتى يبردوا في البراد بعدين نخفق الكريما مع الحليب حتى تجمد عندما يبرد المزيج منحط عصير الليمون و البرش و الفريز المطحون منحط الكريما فوقون ومنحطن كلن مع بعض ومننخفق بالخفاقة الكهربائة 3 دقائق
- ومنحطن بعلبة الها غطا منحط المزيج في الفريزر و نحرك المزيج كل ساعة 3 مرات ثم ندعها تتماسك
وصحتين وهنا
Doha Chehab