تشيز كيك بطريقة مختلفة طعم ولا أرووووع
تشيز كيك بطريقة مختلفة طعم ولا أرووووع
معكم صديقة زاكي المتألقة التي تميزت بجمال و فخامة وصفاتها الشيف المبدعة Doha Chehab Sinjikdar
تشيز كيك بطريقه مختلفة:
الطريقة :
- اول طبقة علبه بسكوت دايجستف حجم كبير منطحنها مع نص قالب زبدة (١٠٠غ)منسوح عالنار
- بس يصير سائل منضيفوا عالبسكوت ومنفركن ببعض حتى يتشرب البسكويت كل الزبدة
- ومنرصها بالصينية ومنحطها بالفرن 5 دقايق حتى تنشف الزبدة
تاني طبقة:
- منخفق 8 حبات كيري او اي جبنه بيضا مثلثات وعلبه قشطة ونص علبة حليب مركز (نسلة)وملقعه فانيلا وظرفين دريم ويب منخفقن بنص كوب حليب او بارد او اكتر من نص( مهم يكون خليط كريما سميك )
- منخفقن كلن سوا ومنقسم خليط نصفين منحط اول قسم منحطوا بالبراد حتى يجمد
- بهالوقت منكون حضرنا جلو (انا حضرتوا قبل بيوم بكون اسهل ظرفين جلو عفريز عليهم كوب ماء ساخن وكوب ماء بارد )ومنحط بصينية تكون اصغر من صينية تشيز كيك (انا حطيت الجلو بقالب سيليكون حتى يسهل عليي طالعوا )متل ما مبين بالصورة ،
- منحط قالب الجلو فوق الكريما بعد ما تكون بردت منرجع منسكرها بقسم الكريما التاني ومنحط بالبراد شي 3 ساعات والتزيين حسب الرغبة وانا زينتوا بصوص الفريز
و صحة و ألف هنا يا رب ♥
Doha chehab sinjakdar
