عندما ألد أنثى تجربة حقيقة اقرؤها وأنتظر تعليقاتكم

#عندما -ألد -انثى
#فوزية عزام
شو احكيلكم؟؟؟؟ ولا من وين ابدا ؟؟؟
صعب اختصر عمر وسنين مرت بكم سطر ….
آااخ.😥😥آااااخ بس 😥😥بس مرت بذاكرتي اتوجعت الحمد لله ايام ومرت تنذكر وما تنعاد…
#بلشت معاناتي من يوم ما خلفت بنتي الثالثة ضحى..وكان معي تقى وسجى وصارو سلفاتي يطلعو علي نظرات غريبة 😬وحماتي اجت باركتلي والكشرة بين عنيها 😬بس ابو سجى كان اكثير مبسوط وحكالي هي اجت الثالث الي راح ادخليني الجنة ان شاء الله
مع اني حسيت بحزن في عيونه بس حرام ما كان يحكي اشي سلافاتي لما اجو يباركولي كان بدل مبروك يحكولي يحرام😦..يالله الله يجبر عنك 😯..الله يعوض عليكي 😯.. الله يطول بال جوزك عليكي .😥
اقولكم حتى امي صارت اتعيط يوم ما عرفت انها بنت!!
ليش انتو ما كنتو بنات؟؟ليش الله يعوض علي؟؟ مهو عوض علي !!!بعتلي بنت زي القمر وهي وخواتها كانوا دنيتي
طبعا سلفاتي كانت خلفتهم معظمها اولاد يعني اكثر واحدة عندها بنتين
واتكرررت القصة نفسها لما جبت بنتى جنى بس هالمرة صرت احس جوزي مدايق وبخبي عيونه مني عشان ما اشوف انو زعلان ونفس الاشي بعد ما جبت الثلاثة الاخيرات منى وجنى وربى بس هالمرة كانت اسوء وخاصة لما حماتي حكتلو(انا حكتلك هاي ما بتجيب الا بنات لازم اتغير العتبة بس انت بدكش اترد خليك هيك مقطوع لا ولد ولا تلد مين راح يحمل اسمك ويعينك ع هالمصايب الثمانية الي الله ابتلاك فيهن مين ؟؟)
ساعتها اعرفت انها حاولت اكثر من مرة اتجوزو وما رضي والله هو اكثير منيح بس كثر النق ع راس يوجع صار عصبي ومش طايق الدار وكل ما يجي يضل يصرخ ع البنات وبعد بشوي يروق ويسير يراضي فيهم وقرر انو يبعد عن اخوانو عشان ما يضلو يعايرو بإنو ما عندو ولد يحمل اسمو وفعلا سكنا بمنطقة ابعيدة عنهم وكانت احوالنا من سيء لأسوء….
وكانوا البنات شاطرات بالمدرسة ولما بنتي الكبيرة نجحت بتوجيهي كل اولادهم رسبو وهي نجحت اجت ركاض من المدرسة تعيط وتصرخ وتحكي يابا بنتك رفعت راسك يابا بنتك رفعت راسك وكل الجيران صارو يطلعو من الشبابيك وبحكوا لولادهم هي الي برفعو الراس كانت جايبة معدل عالي قد ما فرح ابوها حكالي والله لو أجاني عشر اولاد ماني فرحان قد اليوم
بتصدقوا 😮😮يا بنات الحلال ماحد منهم رفع سماعة التلفون يبارك النا!!!!! ول ول عليكم اول فرحة والله لما كان ينجح عندهم حد اداين واروح عليهم ول ما هان عليكم مكالمة تلفون اتباركولنا فيها ؟،؟؟؟،
طبعا الله عالم بالحال ما كان معنا الي يطعمينا عشان هيك ومع انها معدلها عالي ما درست وتكررر نفس الحكي مع خواتها التنتين وكلها نجحو بتوجيهي
كانت حماتي من فترة لفترة تيجي اتزورنا ولما اتشوف الوضع ما اتخلي اشي الا وتجيبو حرام وتعبي الدار اكل بس من غير نفس كانت تتمنى جوزي يتجوز عشان ايجيب ولد والله ياجماعة الخير انا بتمنى اجيبلو ولد بس مش بإيدي والله وكانت اكثير تزعل ع وضعو وتنجن وتروح من عنا وهي زعلانة عليه وكانت تتترجى يرجع جنب اخوانو بس هو كان مش راضي انا فاهم عليه هو كان يحس انو عندو نقص وانو الناس بتعايرو وهو هاد الواقع حتى بشغلو كان يحكيلي بسيرو يأشرو علي ويحكو ابو البنات حملو اثقيل مسكين عشان هيك ما رضي يرجع بحكي بكفي نظرات الناس لسى بدي اتحمل نظرات اخواني
المهم كانت بنتي جنى توجيهي لما اجت حماتي مع سلفي احمد يطلبو ايد بنتي الكبيرةسجى …..بصراحة انصدمت😮😮 ولا ع البال وكمان لابن احمد الي دارس بأمريكا والله اشي بحط العقل بالكف!!!!!
وصارت الامور بسرعة كتب الكتاب والخطبة الي كانت ستة شهور ع اساس انو العريس مستعجل بدو يسافر ع اميركا يكمل دراسات عليا وفعلا راحت حماتي جهزت البنت من الف للياء جابت كلشي هي لحالها وما اخدت البنت معها ولما راجعتها وحكتلها ليش يامرت عمي ما اخدتي البنت معك؟؟؟؟؟ ع الاقل اتشوف واتنقي الي بنفسها!!!!!
…. قالت: (ع اساس بنتك بتفهم بلموضة مهي زي المدب بس انا عشان خاطر ابني الي حملو اثقيل وبدي اخفف عنو ولا كان ضلو بايرات بوجهك!!!!!! الله عالم شو اترجيت وشو سويت عشان يوخدوهم؟)
يومها اعرفت انو حماتي رايحة لسلافي وحكيالهم كل واحد فيكم بدو يوخد بنت من اخو!اخوكم حملو اثقيل واذا انتو ما وقفتو معو مين يوقف معو !!؟؟؟ابوكم وصاني عليه قبل ليموت كأنوا قلبو حاسوا انو راح يتشحر ويجي 8بنات وكل تكاليف الزواج علي من بابو لمحرابو واصلة لدار ويومها اعرفت انها بدها ضحى وتقى كمان وبس يخلصو الباقي توجيهي بدبرهم ……
بيني وبينكم افرحت قلت بتشيل عني هم كنت خايف يضلو بوجهي وما حد يدق بابي صح بناتي حلوات بس احنا ناس بسطى وما بعرف اذا راح يجي حد مناسب اولاد عمامهم اولى فيهم ع الاقل بنعرفهم
وفعلا بعد شهرين من خطبة سجى خطبت تقى وضحى

راحت ايام واجت ايام وصار ضايل للعرس اسبوع اجى علي خطيب سجى وطلب يطلع هو واياها ع المطعم وطلعو ولما رجعت البنت كانت طايرة من الفرح😆😆 وخاصة انو زيارات علي قليلة لانو كان مسافر ولاول مرة حسيتها بتحب وجها احمر وعيونها
شاردة…. معنا ومش معنا وكان جايبلها تلفون كمان وضلو يحكو مع بعض طول الليل هيك خواتها حكولي وبعد يومين اجى علي كمان مرة وحكالي بدي اروح انا وياها مشوار وطلعوا بس يومها طولو اكثير قلبي اكلني متت من الخوف عليها ليش ما بعرف يمكن لأني مش متعودة يبعدو عني حكيت لأبو يرن على علي بس ما رضي حكالي: يابنت ليش الخوف ابن عمها وخطيبها وكاتبين لكتاب خليهم ع راحتهم شو بدك تعملي لما تتجوز فعلا قعدت افكر واحكي مع حالي :والله ﻷنجن لما تتجوز كيف بدي اترك بنتي الي ربيتها عشرين سنة وصارت ادموعي تهر لحالها وصارو خواتها يعيطو معي بس ام لسان جنى صارت تحكي: انسي يما خليها تتجوز برتاح منها وباخد التخت الي لحالي
اخرسي يم السانين انتي قاتلة حالك ع التخت اه والله يما مهي نومها دفش الله يستر بكرة ما اتوقع جوزها عن التخت!!
صرنا نضحك ونبكي بنفس الوقت وقلبي ومولع نار وانا أوقف عالشباك مرة وافتح الباب مرة وين ع الساعة 11الى همو شرفو
فات علي ودخلت سجى حكتلو ليش طولتو
حكالي اسف مرت عمي هاي اخر مرة نطلع
فاتت سجى بس البنت مش طبيعية !!!!!
مالك يما شوفي؟؟؟؟
لا ولا اشي يما بس بردانة….
بردانة ؟؟؟؟بعز الصيف يما؟؟؟؟شكلك راح اتفلوزي يا حسرتي ضل يومين ع العرس وفلوزتي نامي يما نامي ع قد ما هي بردانة ماضل حرام بدار الا وغطيتها في وتاني يوم حرارة فوق الاربعين وانا اعصر لمون واشربها وجبتلها ابر عشان اسرع العلاج ولما اجت اختها تعطيها الابرة مهي تقى دارسة تمريض بس توجيهي
صارت البنت تصرخ ولك مالك يا هبلة ؟؟؟
بديش بديش ماحد يقرب علي ما حد يلمسني
ولك عشان اتطيبي وين لما هديت اشوي واخدت الابرة
اجى يوم العرس وكانت رغم مرضها احلى عروس شافتها عيني وقعدنا نستنى العريس
العريس !!!!وين العريس؟؟؟؟؟ الكل بسال الجيران والاهل والناس ولكم وين العريس ؟؟؟؟؟
فش عريس !!😢😢😢
اجى ابو العريس وفات هو وجوزي ع الغرفة وبعد بشوي طلع جوزي وحكاى لناس بعد اذنكم صار عنا ظرف فش عرس روحو لو سمحتو
طلعو الناس ونظراتهم 😒راح تقتلني بدهم السبب زي انا بزبط الي واقفة زي الملطوشة مش فاهمة اشي
اجى جوزي واطلع هيك بسجى وحكالها قومي انقلعي اشلحي البدلة يا فاجرة وقعد ع الكرسي انا اغمى علي وسامعة صوت اصراخ سجى بتحكيلو والله يابا ماالي ذنب والله يابا غصب والله وبعديها ما ادريت عن حالي الا جنى بتصحي في وبرش كلونيا ع صدري قمت صرت اضرب فيها من غير وعي ومن غير ما اعرف اشي وهي مش قادرة اتقاومني اصلا رجعتلها لسخونة وما القيت الا البنت فجأة لا من تمها ولا من كمها شو اعمل وين اروح صرت انادي ع ابوها الحقني البنت ماتت وهو مسكر الباب ع حالو وصوت اعياطوا لعندي حكالي خليها اتموت وان شاء الله بتلحقيها انتي وبناتك الله ينتقم منكم زي ما ذلتوني ووطيتو راسي
ساعتها شو ما كانت عاملة هاي بنتي ياجماعة بنتي ربيتها كل شبر بندر اااااااخ يازمن وحملتها انا وجنى وصرنا نركض ع المستشفى حكو الدكاترة حالتها صعبة جدا انهيار عصبي من الدرجة الاولى وكانت في دكتورة بنت حلال حكتلها الوضع واني مابعرف شو صار بس الظاهر انها البنت فرطت بحالها حكتلي
:خالتو لا تحكمي عليها قبل تسمعي منها ياما بسجن مظاليم وانتي بتحكي لا بتطلع ولا بتنزل وضعها لا يسمح اني استجوبها هس لازم انريحها ونبعد عنها اي توتر ضلت بلمستشفى ومعها جنى
روحت اشوف ابوهم القيتو لسى امسكر الباب ع حالو دقيت عليه وترجيتو يفتح
ابو سجى افتح الله يجبر خاطرك افتح فتح الباب وحكى
:الله يوخدني وارتاح من عاري… وبعدين اوعك اوعك تحكي ابو سجى سجى بنسبة الي ماتت!!!
:بس فهمني ليش بتحكي هيك شو في؟؟؟؟ شو في ؟؟؟؟
:بنتك الوسخة فرطت بحالها وعرضها وحاكية لابن عمها ( أستر علي) والشب قز منها وما قدر حكى ﻻبو( انا مش مجبر اصلح غلط غيري )وسافر هيك ارتحتي !!!

يا خيبتي علي وعلي جرالي متاكد طيب مع مين مين ومتى وكيف ؟؟؟؟مهي ما كانت تطلع لحالها ابدا ساعتها صار الزلمة وجهو ازرق وانخنق صرت اصرخ ولتموا علي الجيران واخدو ع المستشفى صابتو جلطة وبسببها انشل وحتى الحكي ما بقدر يحكي وبلشت معاناتي كانت فعلا زي ما بقولوها سنة سودة علي وساعتها اعرفت ليش بكرهوا البنات والله عيطت ع حالي لما ازهقت😢 ويلي البنت ويلي ابوها ويلي نظرت الجيران الي الفو مجلدات عن السبب ويلي اهلي ويلي اهلو
انا عندو الصبح وبليل بروح ع الدار انام عند البنات وجنى مع اختها كنت اطلع الصبح ع سجى اطمن عليها واروح عند ابوها اغسلو والبسو واطعمي
ويوم كنت رايح اطل ع سجى القيت جنى بتعيط صار قلبي بركبي صرت اركض بلكردور تبع مستشفى الفحيص (هاد للأمراض العقلية والنفسية حولها علي عشان وضعها كان سئء جدا)مالك يما شوفي شو صار لأختك رغم الي عملتو فينا بس مش هاينة علي والله يا ناس مش هاينة علي بنتي بنتي 😢😢😢 القيتها اموتى حالها اعياط وبتحكيلي اختي انجنت يما اختي ضاعت يما اختي اختي😢😢😢😢😢اآااااااااخ ضميتها وقلبي بتقطع عليها وعلى اختها فتحت باب الغرفة القيتها
ع التخت مرمية زي الشريطة ومربطين اديها و اجريها بتخت قربت عليها ولما شافتني صارت تضحك وتعيط تضحك وتعيط ساعة اتقول مش انا والله مش انا وساعة تحكي غصب غصب واول ما وقعت عيني عليها ما اعرفتها وجها مشطب باقية اتخرمش بحالها ومزع شعرها شفتها بهالمنظر وغاب صوابي هجمت عليها وصرت اعيط واعيط واعيط😢😢وصارو كل الممرضات يعيطو معنا اجت الدكتورة وكانت مش قادرة اتخبي ادموعها خاصة لما رفعت سجى عيونها علي وسألتني بتحبيني يما ؟؟؟؟مش عارف بأي لغة اوصف شعوري ساعتها ومن دون تفكير بلي سوتو حكتلها بحبك يما يما بحبك😭😭😭😭ومر اليوم ويلي ابوها المشلول ويلي البنت الي فقدت عقلها بس جنى الله يرضى عنها كانت قد حالها دارت بالها ع اختها منيح وكانت تدرس لتوجيهي وهي بلممرات ونجحت وجابت الاولى ع التوجيهي وما رضيت اتروح ع المقابلة طلعلها منحة طب ومن كثر الي صار بأختها قررت تدرس طب و كانت تشتغل بلمكتبة عشان اتساعدني بلمصروف خاصة بعد ما قاطعتني حماتي واهل جوزي ومرو سنتين اصعب من هيك مافي
وصارت سجى احسن بكثير بس ابوها زي ما هو
وآجى اليوم الي لازم سجى اتروح ع الدار يومها ما بنسى ابدا اجت الدكتورة وكنت انا وجنى حكتلها :سجى بدي احكي معك بموضوع ولازم تفهميني مزبوط ماشي
:ماشي دكتورة
بدي اعرف شو الي صار معك بزبط لا تخافي ماحد راح يقرب عليكي اصلا الي صار صار وانا ما ارضيت احكي معك وانتي تعبانة والحمد لله وضعك هسه ممتاز وانتي بنت عاقلة وواعية لازم نعرف مين وكيف صار هالشي
:مشان الله يا دكتورة انا ما صدقت انسى وانتي بدك اتذكريني
لاء لازم نعرف حتى لو كان برضاكي المستشفى هون مش راح يطلعوكي الا لما يعرفو شو صار وانا مابدي الدكتور هو الي يحكي معك عشان هيك انا فتحت معك الموضوع
صارت اتعيط واتعيط وهاد كان كلامها
(انا ماكان بدي وما فرطت بحالي ولا يمكن افكر في يوم اذل ابوي وأكسر خاطر امي رفعت عينها علي وحكت يما انتي اغلى من روحي علي والله يما وابوي كمان تاج راسي انا يما ما الي ذنب يوم ما اجى……….)
مين احكي احكي يما الي صار صار احكي واستغفري ربك لعلو يغفرلك ويعفو عنك
لاء يما لاء بس ربي عارف اني بريئة حتى الي صار معي صار بلحلال والله يما
شو 😮😮كيف يعني احكي اتجوزتو عرفي ولك احكي
لاء طبعا متذكرة يوم اجى علي الله لا يسامحو ولا يوفقو والله راح يوخد حقي منو انا متأكدة
ولك خلصي شو صار احكي
اخدني ع بيت بمزرعة وحكالي راح اورجيكي وين راح انقضي شهر العسل حكتلو ما بدي بعدين خليها مفاجأة حكالي لا بس عشان اذا في اشي مش عاجبك بغيرو
حكتلو ما بصير لاء ابدا
ليش احنا كاتبين اكتابنا خلص عادي خليكي منفتحة باميركا البنات……..
لاء ياعيبهم بستحوش
احنا بس راح نقعد قعدة رومنسية مش اكثر وعشان تتعودي علي ولا ما بدك اياني
لاء بدي اياك واخدني وغاد شربني عصير وصحيت وانا ع الكنبة مش لابسة ولا …….
وانا صرت الطم واصرخ ليش ليش اعملت هيك ياعلي ليش الله لا يسامحك ليش
هيك ستك بدها اتجوزك ودفعت كل التكاليف وانا ما باكل حرام لازم اتجوزك قبل ما ارجع لحبيبتي سارة ههههههه
لاء مشان الله لاء الله يخليك لا تفضحني وتكسر خاطر ابوي زقني باجرو وقد ما اترجيتو حكالي خلص اسكتي حكتلو اتجوزني يوم بس يوم وطلقني قدام الناس بس انت عارف اني شريفة وانت بس الي لمستني بس يوم وطلقني وافق وروحت ولما ما اجى اعرفت انو غدر في والله يما هاي الي صار والله
هيك الي صار وابن عمها راح لابو وكذب عليه وحكالو انها فرطت بحالها لواحد تاني حسبي الله ونعم الوكيل
الدكتورة:الحمد لله انتي ومازلتي طاهرة وعفيفة حتى الي سوا فيكي ابن عمك كان بلحلال بالشرع حلال بس وساختو اكبر حرام وانا شخصيا راح ادعمك بس لو حكيتي من زمان كان كشف عليكي الطب الشرعي وحطينا راسو بالارض هالخسيس
جنى: وعد يختي الا اخد حقك من بين عيونو والله لأفضحو لو أخر يوم بعمري
صرخت على جنى وحكتلها لاء هون حفرنا وهون طمينا ماحد راح يصدقنا اصلا بكفي الي احنا في
جنى:ليش يما يعني الي احنا في احسن !نظرات الناس الي كلها اتهامات وتبلي احسن
اسكتي خلص يما والله انا مش قادرة المهم انا عارف وربي عارف انك طاهرة خلص عوضنا ع ربي العالمين
روحنا ع الدارولما اوصلنا
ابوها دار وجهو عنها وما رضي يطلع فيها واكيد لو كان قادر يحكي كان طرها صح بحكيش بس بسمع حكتلو جنى الي صار وصار يدمع ما في بإيدو حيلة ومرت ع القصة 5سنين جنى صارت دكتورة وما حد دق باب بيتي يحكيلي شوفي عندك بنات للجيزة لا غريب ولا قريب بس جنى كان يجيها اكثير خاصة من الي درسو معها لأنها كانت متفوقة والدكاترة الي بدرسوها باحترموها وفي يوم كانت امداومة طوارئ اجى حادث سير طبعا عملت بنتي الي عليها وكان فيهم شب مخطر اكثير يادوب قدرو ينقذو حياتو بس صابو شلل رباعي
روحت جنى ع الدار وفي عنيها حكي حكتلي يما الله اكبير ما بضيع حق المظلومين ولو بعد حين وان الله شديد العقاب كمان يما احزري شو صار معي اليوم؟؟؟؟؟ حكتلي عن الحادث والشب الي صابوا شلل رباعي وانها عرفتوا من اسمو الي ع الهوية علي ابن عمها!!!!!
وتاني يوم راحت ع المستشفى وكانو الكل ملمومين عندو وطبعا ستها
وقفت بنص وبلشو يسالو فيها كيف وضعو دكتورة طمنينا مشان الله طمنينا؟؟؟؟😢😢😢
جنى :اكيد وضعو احسن بكثير وبالف مرة من الوضع الي حطنا في😤😤😤
استغربو وصارو يطلعو ببعض مالها هاي😕😕😕 واحنا شو خصنا فيها😮😮😮
ردت عليهم اكيد مش عارفيني😟😟😷😷😷 انا بنت اخوكم وبنت عمك يا باشا اه ليش مستغرب😮😮😮 بنت عمك الي كسرت خاطرو وخليت سيرتو ع كل السان بنت عمك الي قتلت برأءة اختها وظلمتها وحطيت بعرضها وانت عارف انها شريفة وطاهرة ورميتها ورحت اتكمل صياعة
بنت عمك الي قتلتو وهو عايش وخليتو يموت باليوم مليون مرة
كان نفسي اسيبك اتموت
طبعا انت انسييتنا بس انا مستحيل انساك مستحيل انسى الشخص الي سرق فرحتنا ولمتنا مستحيل انسى الي كسر خاطر ابوي واختي
وانت يا عمي كان ردك ع ابوي( لم بنتك )لو كانت اختي غلطانة ليش ما لميتها انت ياعمي يا سندي وانت ياستي شفتي لوين وصلوكي لولاد ؟؟؟؟
انجنو الكل وهو ضل مخروس وساكت وعيونه بالارض هدول الرجلين الي استدرجيت اختي فيهم الله حرمك اياهم لأنك ما تستاهلهم وهدول الايدين الي سلبت طهارتها فيهم كمان ما تستاهلهم
بتقدر تنكر قدام كل الناس بس وين وين بدك اتروح من رب الناس
وهاد السبب الوحيد الي خلاني انقذ حياتك رب الناس الي راح يوخد حقي وحق خواتي الي شوهت سمعتهم وحق ابوي الي كسرت خاطرو وحق امي الي قهرتها ومرمرتها
انجنو سلافي وخاصة لما ابنو اعترف في الي عملو اجى سلفي وحكالي خلص بنرجع المي لمجاريها والي صار بينهم مش حرام والتعويض الي بدك اياه انا جاهز بس سامحو ابني وسامحوني
اسامح ابنك مستحيل الي عملو اكبر من اني اسامح حط خطية 8ولاية برقبتو اسفة صعب وبالنسبة الك الله يسامحك ابنك وكذب عليك بس لو جبرت خاطر هالولية شو كان صار وبنسبة لتعويض مصاري العالم كلو ما بتعوضني
الحمد لله بناتي كلهم اتجوزو ما عدى جنى
حتى سجى الله بعتلها ابن حلال قد حالو عرف قصتها وقلها انتي الي راح ادخل فيكي الجنة واتجوزها
وجنى مصرة انها ما تتجوز عشان ما تتركني انا وابوها قال خايفة جوزها يمنعها عنا ما بدها تتجوز عشان ماحد يتحكم فيها
بالله…. امانة عليكم تحو معها بركي اقتنعت……