المقادير:
قشور 5 برتقالات
المقادير للقطر:
كاستين ماء
كاسة و نص سكر
عصير نص ليمونة
ماء ورد
الطريقة:
– بعد تقشير البرتقال قمت بتقطيعهم إلى أصابع رفيعة.
– نقعتهم بماء لمدة تلات الى اربع ايام ليشيل المرارة كل3 ساعات بغير الماء و بنقعهم بماء جديد.
– بعد تلات الى اربع ايام نقع نحطهم بطنجرة و نغمرهم بماء و نغليها
بعدين بنكب المي و نرجع نغمرهم بماء و نغليهم, بنعيد هالحركة مرة تالتة.
– بعد الغلي بنصفيهم و بنخليهم يبردو شوي بنكون محضرين قطر كافي انو شبه يغطي البرتقال بالطنجرة.
– للكمية اللي عندي استخدمت تقريباً كاستين ماء مع كاسة و نص سكر و عصير نص ليمونة و ماء ورد.
– بخلي السكر الخاص بالقطر يدوب منيح و اسقط القشور بالقطر و اخليه يضل يغلي لتقريباً ساعة حتى اشوف القشور صار لونها شبه شفاف و يبدا ينشف القطر.
– اشيلهم ع صينية وحدة وحدة لتنشف شوي بعدين بغطس بعضهم بسكر حبيبات و البعض بجوز هند و ممكن اذابة شوكولاه خام و تغطيس جزء من القشر فيها.
– و صحة و هنا 😋 بتتاكل هيك طيبة كتير و ممكن استخدامها كقطع مكعبات صغيرة مع الكيك و نخبرو طيبة كتير.
نرحب بك لتكون صديقا لزاكي بالانضمام لجروب “زاكي” على الفيس بوك:
حلى قشر البرتقال