اطيب عجينة مناقيش كتيير بتشهي
معكم صديقة زاكي المبدعة صاحبة الوصفات المميزة الشيف الرائعة Yussra Al Jerjawy
اطيب عجينة مناقيش كتيير بتشهي
المقادير :
٤كوب كبير طحين
معلقتين كبار خميره مدوبه بمعلقه عسل او قطر مع ربع كوب ماء دافي
نص معلقه ملح
فنجان قهوه زيت ذره
لملمه العجين بالاخر اربع معالق كبار سكر
اربع معالق لبن زبادي
بيضه واحده
معلقتين زبده كبار بدرجه حراره الغرفه
ماء دافي او حليب للعجبن
الطريقة :
- بنضيف الزبده والسكر والملح والبيضه واللبن للطحين ونفركهم مضبوط بالعجانه او بالإيد
- وبعدها بنضيف خليط الخميره المذوب بالماء بعد تفاعله ونعجن جيدا بإضافه الحليب الدافي او الماء الدافي حسب الرغبه
- وبعد مانعجن جيدا نضيف فنجان قهوه زيت ذره للملمه العجين ثم نغطيها ونتركها لتختمر
- بعدها نقطع العجين لدوائر بحجم البرتقال ونكورها ونرقها بقليل من الزيت ازا لزم الامر بالنسبه للحشو حسب الرغبه
- انا حشيتها زعتر مخلوط بزيت زيتون وجبنه بيضا حلوم مبشوره وعليها جبنه مدزاريلا وقليل من البيض ورشه فلفل اسود
- وحشيت نقانق مع فلفل حلو عليهم صلصه بيتزا جاهزه
- بالنسبه للخبيز خبزتهم بطنجره الكهربا ممكن عالغاز من فوق عالمقلاي بعد دهنها بقليل من الزيت
- وبعدها تحمير الوجه بالشواي وممكن بالفرن العادي يكون حامي وصحتين
وصفة كتير سهلة و مميزة
محبتكم Yussra Al Jerjawy