المندي بدي تشجيع من الكل على هالاكلة الزاكية
المندي بدي تشجيع من الكل على هالاكلة الزاكية
معكم صديقة زاكي النجمة المتألقة صاحبة الوصفات الشهية الشيف الرائعة غدير العمور
(( المندي )) بتمنى تعجبكم أول مرة بعملها ^-^
#الطريقة :
بتقطعي الجاجة 8 قطع وبتحطي معها نص معلقة صغيرة من كل نوع بهار هﻻ بدي أحكي ( هيل مطحون . بهارات مشكلة . فلفل أسود . بابريكا . قرفة مطحونة . كركم . لومي مطحون أو بتكسري الحبة وبتحطيها . كزبرة ناشفة ومطحونة وشطة وزنجبيل) و ملعقتين كبار زيت زيتون واربع مﻻعق عصير ليمون و 2 سنين تومة وملح حسب الحاجة بتخلطيهم مع الجاجة وبتتركي على جنب
خليط الأرز :
بتكوني نائعة كيلو رز أبو كاس وبتفرمي بصلتين ناعم وبتحوسيهم مع معلقتين سمنة وزيت زيتون لحتى يصير لونهم ذهبي
بتصفي الرز وبتحطي البصل علي وبتحطي 2 قرفة و تقريبا 8 حبات قرنفل و حب هيل 8 حبات ازا ما في حطي ملعقة صغيرة مطحون .وورق غار . وملح حسب الحاجة .
وبتفرمي تﻻت حبات بندورة وبتحطيهم وكمان تﻻت قرون فلفل حاار شرايح أو أنصاف وحطيت كمان حبة فلفل حلو شرايح و ملعقة صغيرة بهار مندي وملعقة زنجبيل وشوية زيت
بتخلطي كل هاد مع الرز وبضيفي علي مي مغلية حسب ما بحتاج وبتغطي بقصدير وبتخزئي وبتحطي الجاج فوقة وبتردي بتغطي بقصدير وبتحطي بالفرن لمدة ساعة وربع او ساعة ونص حسب حرارة الفرن
لما تتأكدي انو الرز تشرب كل المرئة والجاج استوى مزبوط بتحطي فحمة مولعة في قصديرة فيها معلقتين زيت وبتحطيها على المندي وبتغطيها منيح لحتى تاخد نكهة التدخين وبعدين ئيمي القصدير وحطي الجاج فوق الرز وحمري شوييية وبتكون خلصت
وألف صحة وعافية على قلوبكم ♡
محبتكم غدير العمور
