كبه مقليه وكبه بلبن

مع صديقة زاكي المذهلة و المبدعة و الفنااانة Reemas Ghassan

الطريقة:

كوب ونص برغل ناعم ، بنضيف عليه كوبين وربع ماء مغلي وبنتركه يرتاح نص ساعه
بعدين بنضيف كوب طحين ، نص كوب سميد ، نص كوب زيت ، ملح وفلفل اسود وكمون ، وبصله مفرومه بالخلاط المكسر ناعم كتير …. وبنعجنها مع بعض وبنطحنها بالمكسر لتنعم زياده , وبنبدأ نشتغل فيها ونكبكبها ونحشيها لحمه مفرومه .. ونقليها في زيت متوسط الحراره

طريقة الحشوه /

في القلايه بنفرم بصلتين ناعم كتير وبنقلبهم في شوية زيت ، وبنضيف نص كيلو لحمه مفرومه وبنقلبها ، وبنضيف عليها ملح وفلفل اسود وكمون وبنقلبها الى ان تنشف ونتركها تبرد للحشو

طريقة اللبن /

٤ علب لبن زبادي ، ملعقتين نشا ، كاسة ماء ، ملح وفلفل اسود وكمون بنقلبهم عالبارد في قدر وبنحطهم عالنار الى ان يغلو اللبن بنضيف الكبه فوق اللبن وبنتركها تغلي غلوه ،
وبنعمل قلاية فص ثوم مع شوية كزبره خضراء مفرومه وشوية زيت وبنصبها فوق الكبه باللبن وتقدم بالعافيه