المقادير:
علبة كريمة الخفق الكبيرة
نفس كمية الكريمة حليب سائل
جيلاتين شفاف ( تلات ملاعق كبار)
فانيلا
نص كاسة سكر او اكتر حسب الرغبة
الطريقة:
– اول شي نخلط الجيلاتين مع نص كاسة حليب سائل و نتركها ع جنب لحالها.
– نخلط الكريمة و الحليب و السكر و الفانيلا و نحطهم عالنار ليغلي و بعدين بنسكب عليه الجيلاتين المذوب مع الحليب و نحرك كتير منيح مشان ما يتكتل.
-بعدين بنسكبها بكاسات صغيرة للضيافة, البانا كوتا الها قوالب خاصة بس لو مو متوفرة ممكن نسكبها عادي بكاسات صغيرة.
– بعدين نحطها بالبراد عالاقل اربع ساعات.
– بعدين نزينها باي نوع فواكه بنحب او مربى قبل التقديم انا عملت مربى برتقال حطيت منو شوي لانو البانا كوتا مو كتير حلوة مع فريز و عنب اخضر.
نرحب بك لتكون من أصدقاء زاكي, وذلك بالانضمام لجروب “زاكي” على الفيس بوك:
بانا كوتا حلو من المطبخ الايطالي