الوربات بالقشطه

مع صديقة زاكي الرااائعة و المذهلة Moyser Hamed Om Ali

الطريقة

هاد عجينة البقلاوه بتحيبيها جاهزه فيها قريب عشرين ورقه رقيقه

بتحطي في صحن سمنه سايحه وفرشاه لدهن السمنه

وبتحطي على كل ورقه سمنه بالفرشاه بتدهنيها

بتحطي نص بكيت العجينه وبحطي الحشوه

وبتعملي النص التاني نفس اشي بتدهني سمنه

وبتحطي فوق الحشوه كل ورقة عجينه بتدهنيها سمنه

وبتحطيها فوق الحشوه لتخلصيها جميعا اخر شي بتحطي فوقهم سمنه على وجه الصنيه

بتقطعيها وبتحطي فنجان قهوه سمنه على لخطوط الي قطعتيها بالسكين عشان السمن يفوت لتحت

وبتحطيها بالفرن على الرف الي بالنص على نار عاليه

ولما تتحمر من تيحت بتحمري الوجه

بس دقيقه ديري بالك احسن تنحرق ما بتتحمل كتير حراره لما تحمري الوجه وطي النار على الخفيف احسن تنحرق وطلعيها

واسقيها قطر جامد وصحه وهنا

القشطه

عملتها بالبيت

تلات كاسات حليب

تلات معالق نشا كبار

معلقتين سميدناعم

معلقتين سكر

وحركيهم منيح وعلى النار

ضلي حركي فيهم ليجمدو وطفي النار وبس

الطفي النار حطي نص علبة قشطه عليهم

وحركيهم منيح واتركيهم يبردو وبعدين احشيهم