محشي الملفوف الرائع ومتل ماعودتكم بذكر كامل الخطوات
معكم صديقة زاكي الشيف الموهوبة Noor el Huda
المقادير
- اربعة كيلو ونص ملفوف
- 3 كاسات رز مصري قصير
- نصف كيلو لحمة ودهنة عطلبك
- 3 حبات ثوم
- ملح وفلفل
- ملعقتين كبار كمون
- ملعقة كبيرة بهار مشكل
- ملعقة كبيرة كاري
- اربع ملاعق كبار سمنة
الخطوات
نسلق الملفوف بالطريقة المعتادة
ننقع الرز ساعة ثم نغسله ونصفيه
نهرس الثوم ومنضيفه عالرز ومنحط اللحمة والدهنة والسمنة والملح والفلفل والبهار والكمون والكاري ومنخلطون ومنقطع الملفوف بالحجم المطلوب ومنحطله الرز ومنلفه وبعد مانخلص لف الكمية منصفه بالطنجرة ومنحط عليه طبق و شي ثقيل لمنع طفو المحشي ومنحط عليه المرق ولازم يكون مغطي المحشي تماما.
ومنحطه عنار عالية وبس بلش يغلي ومنهدي عليه بدو مالساعة لساعة ونص حسب نوعه
المرق بطنجرة بتحطي ماء و ملح و كمون وكاري وليمون معصور وبتدوقي حموضته عحسب ذوق الشخص انا بحبو حموضته ظاهرة
ملاحظة لو حبيتي شكله يطلع معك هيك بتغطي الطنجرة من اسفلها واطرافها من الملفوف وبتصفي المحشي وبترجعي بتحطي طبقة ملفوف وبعد السواء بتشيلي طبقة الملفوف وبتقلبيه بطبق التقديم وبترجعي بتشيلي الطبقة الثانية لانك حاطة بإسفله وفوقه
وبالهنا والعافية
