بقلاوة
مع صديقة زااكي المذهلة و الملهمة نور طعمة
المقادير
نصف كيلو عجينة بقلاوة جاهزة باكيت كامل
نصف كيلو فستق حلبي أو حسب الرغبة وممكن كاجو أو جوز
نصف كيلو سمنة
وللقطر :
كاستين وربع سكر
كاسة إلا ربع مي
وعصرة ليمون أو رشة صغيرة من ملح الليمون
ماء زهر
الطريقة
صينية فرن وسط يفضل ألمنيوم بنرتب نصف كمية الرقائق في قاع الصينية كأول طبقة مع ترك حواف بسيطة عالجوانب بنتبل الفستق الحلبي المفروم خشن بشوية سكر ورشة مي خفيفة بتفركيهن حتى تدبق الحشوة
نرتب القسم الثاني من الرقائق بشكل مرتب وبندخل أطراف الرقائق يلي فوق على حواف الصينية لتحت حتى تغطي الفستق بنضغط عالوجه بايدينا حتى تنكبس تقطع مربعات أو معينات
بنسكب السمنة السايحة على كامل الصينية. بنكون مسخنين الفرن على حرارة 160-170 بنخبزها لمدة 50 دقيقة تقريبا حسب فرن كل بيت بهالوقت بنحضر القطر بنحطهن عالنار بس يغلي 5 د فقط
بنحط ماء زهر بس تشقرت واخدت لون حلو البقلاوة بنطلعها بنسقيها قطر عم يغلي بكل كمية القطر بنتركها تبرد تماما وبنقطعها وبنقدمها وألف هنا سهلة كتير
