مجبوس الدجاج على الطريقة الامارتية
المقادير:
2 دجاجة
5 بصلات مقطعة جوانح
ملح
فلفل اسمر
رشة هيل
5 حبات بندوره مفرومه
6 كاسات أرز حبة طويلة
راسين توم
ضمة كزبره خضراء
٥ قرون فلفل حار
حبة فليفله
عود قرفة مسمار
لومي ناشف
زنجبيل مطحون
كمون
بهارات برياني
نصف معلقة كركم
قرفه
مكسرات
زبيب
الطريقة:
– انقعي الأرز بالماء مع إضافة نصف ملعقة ملح عليه.
– اغسلي الدجاج وقومي بتظيفه جيداً بالملح والليمون والطحين.
– ضعي طنجرة على النار, وضعي فيها القليل من الزيت, ثم أضيفي بصل جوانح بالطنجره مع رشة ملح وفلفل اسمر, عندما يذبل البصل, ضعي الدجاج, واتركيه على النار الهادئة حتى يأخذ لون ذهبي, مع إضافة رشة هيل.
– بعد يأخذ الدجاج اللون الذهبي الجميل, قومي بتنزيل البندورة المفرومة وضعي البهارات وهي حب هيل كزبره فلفل اسمر عود قرفة مسمار لومي ناشف مع الانتباه أن نضع كمية قليلة جدا, ثم نترك الدجاج مع البندورة على نار هاديه لمدة ٧ دقايق, في هذه الأثناء بتكوني فرمتي التوم والكزبره ضيفي تلت أرباعهم ع الخلطه وحطي شوية بهارات مطحونه لو عندك يعني فلفل اسمر زنجبيل مطحون كمون كزبرا بهارات برياني نص معلقة كركم قرفه هيل مطحون لو عندك بودرة توم , ثم وطي النار واتركيهم يستوي الدجاج وحطيلهم نص كاسة مي وعنار هاديه جدا.
– عندما يستوي الدجاج اما بتخليه تحت بالخلطه وبتزيدي الرز فوقه او بترفعيه بتحطي الرز وبتزبطي الملح والشوربا ع قد الرز وحطي الدجاج على الوجه مع باقي خلطة الكزبره والتوم وبس تتشرب المي وطي وحطي حديدة الرز تحت الطنجره وخليهم ربع ساعه ل تلت ساعه.
– انا حطيت الفليفله اخر شي عالوجه وحطيت الدجاج فوقها اعطته نكهه بتشهي.
– بتكوني مجهزه خلطة المكسرات والزبيب بتسكبي طبختك وبتزينيها وصحتين وألف عافية, مع تحيات ام يوسف “ندوش غانم”.
نرحب بك لتكون من أصدقاء زاكي, وذلك بالانضمام لجروب “زاكي” على الفيس بوك:
مجبوس الدجاج على الطريقة الامارتية