المقادير:
لحمة بفتيك
بصل مقطع جوانح
مكعب ماجي
معلقتين كبار دبس رمان
شوية ملح
معلقة صغيرة نشا
الطريقة:
– بتبل البفتيك بخل وفلفل أسود وبهار حلو وبودرة بصل وبتركه منقوع في التتبيلة أقل شي ساعة.
– بقطع كمية من البصل الجوانح وبشلوحهم بشوية زيت لحد ما يدبلوا شوي وبشيلهم على جنب.
– بحط في طنجرة شوية زيت وبحميهم مزبوط وبقلب اللحمة على الوجهين بس تاخد لون وبعملهم على مراحل واللي بقلبه بحطه على جنب وبعمل غيره لحد ما تخلص الكمية بعدين برجعهم كلهم على الطنجرة وبتبلش تنزل ميتهم وبترك البفتيك ساعة كاملة لحد ما يستوي على نار هادية.
– بعدين بضيف شوية ماء مغلي وبضيف البصل اللي قلبته أول ومكعب ماجي ومعلقتين كبار دبس رمان وشوية ملح وبدوب معلقة صغيرة نشا في شوية ماء باردة وبضيفهم مع التحريك وبتركهم يغلوا لحد ما تصير المرقة كثيفة شوي وصحتين.
نرحب بك لتكون من أصدقاء زاكي, وذلك بالانضمام لجروب “زاكي” على الفيس بوك:
بفتيك بصوص البصل ودبس الرمان