المقادير

• 2 كيلو كوسا محفورين ومغسولين ..
• 2كاسة رز مصري منقوع ربع ساعة ومغسول ..
• ربع كيلو لحمة مفرومة بندبللها بصلة كبيرة بفنجان قهوة زيت نباتي وبنضيف اللحمة عليها وبنسبكها واخر شي بنحطلها بهارات مشكلة وكاري وملح..
• كاسة لبن رايب مع كاسة لبن جميد سائل مع معلقة مربى بندورة بنضربهم عالخلاط سوا..

الخطوات

بنحضر الحشوة …

بنضيف اللحمة للأرز وبنخلطن منيح وبنضيف ملح ازا لازمها..

وبنحشي حبات الكوسا وبعد ما نخلص بنصفهم بطنجرة وبنضيفلهم مي تغطيهم اكتر من النص بشوي وبنخليهم على النار ربع ساعة بعد الغليان وبنغطي الطنجرة لحتى يتفتح الرز بعدين بنضيف اللبن ..

وبنخليه ربع ساعة وهيك بتجهز عنا الطبخة ..

بنطالع حبات الكوسا مجرد ما نطفي النار لحتى ما تتفتح معنا..

وصحتين وعافية 😊😊