المقادير لراس العبد:
كيك جاهز ( أو أي نوع كيك تتقنيه)
معلقه قرفه
معلقتين كبار جوز هند
معلقتين كبار زبدة
فنجان حليب
الطريقه لراس العبد:
– اي جاتو عشوكولا بتعملي او كيك جاهز منفتتو ونضيف معلقه قرفه ومعلقتين جوز هند كبار ومعلقتين زبدة وفنجان حليب ومنعجنو ليتماسك نقدر نمدو.
– نحضر صينية فرن متل البيركس او أي صينيه فرن صغيرة نلبسها نايلون لاصق ونضع طبقه من راس العبد ونمدها ونعمل لها حواف تمتد على جوانب الصينية.
المقادير للبوظة:
كاسه حليب
معلقتين بودرة سحلب
معلقه سكر كبيرة
النكهه يلي بتحبيا يعني مستكه او ماء ورد
مقادير الكريمة التي سنضيفها للبوظة:
علبه كريما شانتيه (ظرف كريمة بودرة أي نوع)
نصف كاسة كاسه حليب بارد
الطريقة للبوظة:
– كاسه حليب نضعها عالنار مع معلقتين بودرة سحلب ومعلقه سكر كبيرة والنكهه يلي بتحبيا يعني مستكه او ماء ورد وعندما يصبح الخليط سميكاً عالنار وغلت, نطفي النار, ونتركها تبرد قليلاً.
– نخفق علبه كريما شانتيه بنصف كاسه حليب بارد فقط و نضيف كاسه السحلب ( الخليط السابق) والتي تركناها تبرد, ثم نخفقها حتى يصبح الخليط سميك, ثم نسكبه فوق طبقة راس العبد.
– نحضر الان ما تبقى من عجينة راس العبد, ونفردها فوق طبقة البوظة, ونسهمدها بيدينا حتى نوزعها على كل المساحة بالتساوي, ثم نغلف الحلوى بكيس نايلون, ونضعها في الفريزر لمدة 6 ساعات.
صوص الفريز او الكرز او الاناناس:
– قومي بتجهيز قطر كاستين سكر وكاسه مي وعصرة ليمون
عندما يبدأ القطر بالغليان ويصبح قوامه سميكاً بعض الشئ, نضع فوقه ظرف جيلي فريز ونقوم بتذويبه وهو على النار.
– نطفي النار, ثم نتركو بالبراد يبرد ونعبي بعلب متل الكتشب الها فتحه لسهوله الصب والتزيين, وصحة وألف هنا.
نرحب بك لتكون من أصدقاء زاكي, وذلك بالانضمام لجروب “زاكي” على الفيس بوك:
راس العبد محشي بالبوظه