كيكه المثلثات من مطبخى حاجة لذيذه كدة
كيكه المثلثات من مطبخى حاجة لذيذه كدة
معكم صديقة زاكي النجمة المتألقة صاحبة الوصفات الشهية الشيف المبدعة Heba Mohamed
كيكه المثلثات من مطبخى حاجة لذيذه كدة
المقادير
كوبايه سكر
كوبايه لبن
كوبايه زيت
اربع بيضات
معلقه صغيره فانيليا
معلقه كبيرة بيكنج بودر
وثنه ملح
تلت كوبيات دقيق وبتنخليهم كويس ومعاهم البودر
الطريقه
هنحط الفانيليا على البيض وثنه الملح
وعليهم كوبايه السكر ونضرب بالمضرب الكهربا لحد ما قوامه يتقل معاكى
هنحط الزيت
وهنحط اللبن ونضررب تانى
ننزل بقى بالدقيق بس شويه شويه والضرب على الهادى بقى
حطتها فى صينيه مستطيله ومحطوط ورق الزبدة ودخلتها الفرن طبعا الفرن هيكون سخن على 180
هى خدت عشر دقايق معايا لان فرنى عالى وسبتها تبرد وقطعتها
وهى فى الفرن بقى نجهز صوص الشوكولاته بتعنا
وهو كوبايه الا ربع لبن وومعلقه كبيرة سكر ومعلقه كبيرة كاكاو وقالب شوكولاته
تحطيهم على نار هاديه لحد ما يسحيو وسيبيه يبرد ويبقى كدة خلص
لو هعمل صوص مربى
معلقه ميه ع لى معلقتين مربى ودوبيهم على النار لحد ما يسيحيو ويبقى جاهز هو كمان وجوز الهند كمان
وزوقتها بصوص الشوكولاته والمربى وجوز الهند وتبقى كدة خلصت وبالف هنا وشفا
ومش عاوزة غير دعوةه حلوة لولادى