لقمة القاضي بطريقه سهله جدااا
معكم صديقة زاكي النجمة المتألقة صاحبة الوصفات الشهية الشيف المبدعة حنان السليتي
نعمة كريم والحمد للّه
✨لقمة القاضي بطريقه سهله جدااا✨
المقادير ….
كوبين طحين ابيض
ربع كوب زيت نباتي
ملعقه كبيره خميره فوريه
كوب ونصف ماء فاتر
رشة ملح
نصف كوب نشا
ملعقه كبيره سكر بودرة
الخطوات✨✨
منخلط كل المكونات الجافه مع بعضها البعض ومنضيف الماء الفاتر ومنحركها كلهم مع بعض ومنغطيهم ومنحطهم في مكان دافئ ليتخمروا لمدة ساعه
اول نصف ساعه منحركهم مع بعض لحتى يخرج الهوا منها ومنرجع نعطيها والنصف ساعه التانيه منرجع كمان مره منحركهم مع بعض لحتى تعطينا قرمشه…
القلي رح يكون على مرحلتين المرحلة رح نقليهم في زيت غزير وحامي على نار اتكون وسط الأولى منخليهم على شقار ومنخليهم يبردوا تماما ومنرجع نقليهم لحتى نوخد اللون الي بدنا اياه وعلى طول بالقطر البارد الي منكون عاملينه قبل بوقت..
بالنسبه لتشكيل الحبات منحط بجنبنا صحن زيت نباتي وعند التشكيل منحط الملعقه في الزيت وبوخد بقبضة ايدي شوي من الخليط وعلى الزيت ومنضلنا نعمل هيك لنخلص الكميه ..
💐💐القطر
كل كوبين سكر بدهم كوب ماء وعصرة ليمون وعلى الغاز لحتى يتقلوا
طبعا ازا بدك القطر اكتر منضاعف الكميه
