قصة الليلة قراءة ممتعة لأعزاءنا القراء
قصة الليلة قراءة ممتعة لأعزاءنا القراء
في قسم المنوعات وكما عودناكم في زاكي أن نقدم لكم مجموعة من المقالات الهادفة والقصص الاجتماعية المميزة, قراءة ممتعة, وننتظر رأيكم في التعليقات.
#قصص_من_الواقع
#انتقامي
#بقلمي_احلام
كنت لا اصدق بان الانتقام يجلب الراحه للقلب وكنت دائما اعتقد بانو يجلب السوء والالم فقط.. ولكن بعد قصتي ايقنت ان للانتقام طعم جميل لا يعلمه سوى كل مظلوم…
ابتدأت قصتي من وقت ما اعجب ابن عمي لؤي في وصار يحاول دايما يتقرب مني.. لكن انا ما كنت احس بشي تجاهه.. وكنت مخلصه جامعه وبلش النق عليا يلا يا بنت صار وقت الزواج.. لمتى بدك تضلك ترفضي العرسان؟ .. بكرى قطار الزواج بفوتك.. ونق بنق ما اله حل.. انا كان سبب رفضي للعرسان هوا اني حابه اكمل تعليمي وبس وما كان بهمني غير اني اكون نفسي واعزز شخصيتي..
رح احكيلكم شوي عن حالي وعن عيلتي… انا وداد وعمري 22 سنه وعندي 66 اخوه… سعاد ولبنى اكبر مني ومتزوجات.. وهند توجيهي…واحمد مسافر وعمرو 30سنه ورافض الزواج.. وعلي شقي التوأم ووليد اخي الوحيد المتزوج وعايش معانا بشقه فوق بيتنا وعندو 3 اولاد… اما والدي فهو احن واحسن اب بالدنيا كلها كان صديق مو اب النا كلنا وبعمرو ما فرق صبي عن بنت… عندو شركه خاصه وكتير وضعنا المادي منيح… ووالدتي ست بيت بمعنى الكلمه حنونه كتير… هادي هي عيلتي الحلوه…. اما لؤي ابن عمي فهو عمرو 30 سنه اتخرج واتعين بشركه والدي ولهيك كتير كان يجي علينا ووالدي كتير بحبو.. ولؤي طلبني للزواج ووالدي وافق والعيله كلها وافقت وصفيان موافقتي انا…. بصراحه ليش كنت خايفه او متردده ما بعرف لكن انا طلبت من والدي انو يخلي لؤي يجي يزورنا لانو قبل ما اعطي موافقتي لازم أسأله كم سؤال… وفعلا تاني يوم وقت الغدا رجع والدي على البيت ومعه لؤي.. بعد الغدا قعدنا لحالنا وسألته الآتي ::
لؤي: كيفك وداد؟ وانا بصراحه مبسوط انك رح تعطي فرصه لعلاقتنا
وداد: انا منيحه لؤي وعلاقتنا رح تصير اذا بتجاوب على أسألتي
لؤي: اتفضلي
وداد: انا بصراحه حابه اعرف شو السبب اللي خلاك تطلبني للزواج؟ وليش انا من بين كل بنات العيله؟
لؤي: ههههههههه ضحكني سؤالك ليش هو في سبب للزواج يا وداد؟
وداد: وليش مستغرب؟ اكيد في سبب
لؤي: حاضر يا ستي في سبب وهوا اني معجب فيكي وبصراحه بلشت احبك وبدي اكمل حياتي معك.. وليش انتي بن بين بنات العيله؟ لانك برأيي الاجمل والاذكى والاقرب لقلبي
وداد: مممم يعني هادا اكيد شعورك يعني مو لانو البنت لابن عمها؟
لؤي: هوا في من هادا الحكي بس صدقيني بنات عمي كتار بس انا فعلا بلشت احبك وبتمنى تكوني متلي واذا لا مع الوقت احس بحبك الي..
وداد: ماشي يا لؤي… انا موافقه وفيك تخطبني رسمي بس لازم يكون في فتره خطوبه لا تقل عن 66 شهور لحتى نتعرف على بعض منيح ونعرف طباع بعض
لؤي: بتأمري.. وكل شي بدك اياه رح يكون حاضر ولا يهمك وانا كتير مبسوط لانك وافقتي..
وفعلا صارت الخطبه وضلت متل ما بدي 66 شهور… بخلال هاي الفتره ما رح اكذب عليكم كان لؤي متل الحمل الوديع وكان كتير حريص على تلبيه طلباتي وما كان يرفضلي اي طلب واتحدد موعد العرس وانا بهاي الفتره بلشت احبه واتعلق فيه… واستنى بالدقيقه وقت الزياره الاسبوعيه الي كان يجي فيها علينا لؤي واكون مبسوطه فيه كتير… وكانت حفله العرس كتير حلوه والعيله والاصدقاء الكل كان موجود وشاركنا فرحتنا… وروحنا على بيتنا كان لؤي مستأجر بيت صغير على قدنا وفارش البيت فراش حلو وهادي وكان اغلب الفرش على ذوقي… مر اول اسبوع كإنو ساعه من كتر ما كنت مبسوظه مع لؤي كنت ناسيه الدنيا كلها وما بدي يتركني ولا دقيقه.. كان يحبني كتير ويحكيلي كلام حلو ويناديني يا اميرتي… وصار وقت السفر لشهر العسل… وليلتها اهلي ودار عمي.. اجو علينا وسهرو معانا وامي واختي هند ساعدوني بضب الشناتي.. وودعونا الكل لانو طيارتنا رح تطلع بعد ساعتين كان لازم نتركهم ونروح على المطار… بالطياره كنت كتير مبسوطه وكنت مشلبكه بايد لؤي كنت خايفه لانو اول مره بطلع طياره.. وهوا كان يضحك عليا ويحكيلي بس اول مره وبعدها بتتعودي…اوصلنا وفورا رحنا على الفندق حطينا الشناتي وبدلنا ملابسنا واطلعنا نتعشى بمطعم على البحر ونسهر اول واخر سهره بحياتنا سوا… ما بنسى هديك الليله طول عمري… سهرنا لنص الليل وانبسطنا كتير وانزلنا اتمشينا على البحر.. وبعدها لؤي حكالي خلص تعبان تعالي نرجع على الفندق… واول ما وصلنا على طول نمنا وفقت الصبح على لؤي بحكيلي يلا بدنا ننزل على البحر… حكتلو كتير بدري لسى الشمس ما طلعت… حكالي انا بدي اشوف طلوع الشمس عند البحر يلا قومي…. قمت وانزلنا وقعدنا على البحر ما كان في حدى غيرنا… اول ما قعدنا طلع لؤي ورقه من جيبتو وحكالي بدي اتوقعي على هاي الورقه يا عمري… انا سألتو على شو بدي اوقع؟ حكالي هاي سند تمليك لشقه رح تكون باسمك هديه زواجنا حبيبتي… انا ما سدقت حالي حضنته بقوه وحكتلو غريب ما جبتلي سيره وبعدين ليش اتاجرت بيت طالما في شقه ملك… حكالي حبيت اعملك مفاجأه… وقعت على الورقه من غير ما اقرأ ولا اعرف شو فيها.. كنت عميا بحبو.. وما كنت متوقعه انو يخون حبي ويكون نصاب ومخادع…. بيقلو الحب اعمى وانا فعلا كنت عميا وكان عندي ثقه فيه ما الها حدود… بعد ما وقعت اخد الورقه وخباها بجيبتو وحكالي قومي نتمشى على البحر ونحط رجلينا جوا المي…. بلشنا نمشي على المي وانا خايفه واحكي للؤي حبيبي لا تفوت لجوا انا بخاف من البحر وما بعرف اسبح… وهوا كان ساكت… يا لؤي خلص خلينا نرجع على الشط… خايفه لؤي ليش ساكت؟ خايفه يا لؤي… وفجأه لما صارت المي واصله لوسطي دفشني لؤي بالبحر بقوه وصرت بنص البحر وهوا هرب وحكالي شكرا على التنازل عن املاكك سلام يا بنت عمي…. وانا بلشت اغرق واصرخ لؤي شو عملت؟ انت مجنون؟ الحقني انا بغرق لؤي لؤي…. وبعدها حسيت البحر بسحبني وما عاد حسيت بشي…. ولما فقت لقيت بوجهي دكتور بحكيلي الف سلامه… كنتي بوضع صعب وكان كتير في مي على الرئه بس الفضل للمنقذ مهند هوا الي انقذك من الغرق واسعفك على المستشفى… انا كنت ساكته ومصدومه اني لسى عايشه.. حمدت ربي وصرت ابكي… الدكتور حكالي انا ما رح اضغط عليكي رح اتركك ترتاحي… لكن لازم نعرف شو صار.. سألت الدكتور وين الشب الي انقذني؟ نادى الدكتور على مهند وفات لعندي على الغرفه.. واول ما فات حكالي: انتي شو يا انسه كيف هيك بتفوتي على البحر وانتي ما بتعرفي تسبحي؟ يعني كنتي ناويه تنتحري؟ شابه بعمرك شو بينزلها على البحر بهيك وقت بدري كتير؟
انا سكتت ومش عارفه شو اجاوبه؟؟!! حكتلو شكرا لانك انقذت حياتي بس انا ما كنت بدي انتحر
مهند: طيب شو نزلك على البحر بهيك وقت؟ انتي ما بتعرفي انو البحر بعد الفجر بيكون صاخب والموج عالي…
وداد: لا ما بعرف وانا ما رح جاوب على أسألتك.. انا حكتلك شكرا.. ويا ريت تتركني لحالي
مهند: عنجد امرك غريب.. وعفوا يا ستي
انا قعدت ابكي وأسأل حالي الف سؤال؟؟؟؟؟ ليش عمل لؤي هيك.. بس عشان المصاري عمل هيك.. يعني هوا ما بحبني وكان بيمثل.. هوا نصاب وحقير وانتهازي… ليش ليش… الف سؤال وما الهم جواب غير حيرتي وبكائي… ليلتها ما نمت نهائيا ولما اصحيت الصبح اجى الدكتور وخبرني انو فيني اطلع.. وانا حكتلو كيف رح اطلع وانا ما معي ثمن دخولي المستشفى… حكالي لازم حدى يجي ويدفع الفاتوره بس انا كنت متأكده اني اذا رحت على الفندق ما رح الاقي لؤي او اي شي بخصني… اطلعت من المستشفى ومعي شب من الامن ورحت على الفندق… ولما فتت طلبت من موظف الاستقبال مفتاح للغرفه وهوا حكالي اني زوجي رجع المفتاح واخذ الاغراض من الغرفه وحكالو انو بدي يرجع على بلده هوا ومرتو.. كيف حضرتك هون ووين زوجك مدام؟ صرت ابكي واحكيلو حاول يقتلني اخدني على البحر الصبح بكير وغرقني وانا ما بعرف اسبح.وهرب.. . شو رح اعمل بحياتي هسه؟ كيف رح ارجع على بلدي؟ حسبي الله ونعم الوكيل فيك يا لؤي… وهون اجى مهند الشب الي انقذ حياتي وحط ايدو على كتفي ولما لفيت وجهي حكالي
مهند: انا آسف كنت مفكرك بتحاولي تنتحري.. وانتي اتعرضي لمحاوله قتل من زوجك… احنا باي زمن ووين صرنا.. انا رح اساعدك لا تخافي…طول وانا هون لا تهكلي هم شي… وانا ضليت ابكي.. وسألني عن الامن الي معي وانا وضحتلو انو من المستشفى واني ما رح اقدر ادفع الفاتوره سالو قديش المبلغ ودفع مهند فاتورتي وراح الامن وانا ضليت ابكي لاول مره بحس حالي ضعيفه لهاي الدرجه…. ما الي سند ولا ضهر ولا حدى.. ومو حافظه ولا اي رقم لاهلي لحتى اتصل فيهم… اخدني على الكفتيريا بالفندق وطلبلي عصير وصار يحكيلي لا تخافي وممكن تهدي وتروقي لحتى نلاقي حل… وداد: اي حل لمصيبتي؟ ما في حل.. انا رح اضل محبوسه هون
مهند: لا لا تخافي انا هون معك وبإذن الله رح اساعدك ورح ترجعي لعيلتك ولاهلك..
وداد: مستحيل انا يئست من حالي ومن وضعي اذا اقرب الناس وابن عمي عمل هيك فيا كيف رح يكون الغريب
مهند: ممكن تهدي وتوقفي هالبكا وتحكيلي قصتك وانا بوعدك انك رح ترجعي على بلدك..
وداد: وانت شو مصلحتك وشو رح تستفيد؟؟
مهند: ولا شي ما رح استفيد شي.. بس انتي بتشبهي اختي المرحومه كتير ولهيك حابب اساعدك..
بعدها انا اهديت شوي وبلشت احكيلو قصتي وهوا كان مصدوم كتير…. وهوا عرفني عن نفسو.. مهند وعمرو 30 سنه.. ودارس تمريض بس هوا بحب الانقاذ لهيك بيشتغل منقذ على شواطئ البحر.. والسبب غرق اختو ومن وقتها بحارب البحر وبنقذ كل الناس…. وانتهى حديثنا بوعد منو اني ارجع لبلدي واني ارجع حقي من لؤي.. بما انو ما معي شي ولا اي اثبات قرر مهند يوخدني على بيتو.. كنت خايفه اروح معو بس ما كان عندي اي حل تاني… رحت معو وخطواتي متثاقله والهم والالم ووجع الخيانه هد اكتافي.. واول ما وصلنا بيتو فتحت الباب بنوته صغيره عمرها تقريبا 6 سنوات.. اعرفت بعدها انها بنت اختو الي غرقت بالبحر وكان بالبيت امو وابوه.. فتت وسلمت وقعدت وام مهند جابتلي اكل وحكتلها انا ومهند قصتي وكانت تسمع وتبكي على وضعي وحالتي وحكتلي لا تخافي حبيبتي رب العالمين معانا وان شاء الله رح توخدي حقك… اكلت وكنت تعبانه وتقريبا غفيت وانا قاعده اخدتني ام مهند على غرفه وحكتلي نامي هون يا بنتي واذا بدك اي شي خبريني واذا حابه تتحممي وتغيري ملابسك هادي خزانه بنتي فيكي تلبسي من ملابسها… حكتلها نفسي انام يا خاله… حسيت بالدفا والحنيه بهالبيت بذكروني ببيت اهلي… اهلي؟!! يا ترى الحقير لؤي شو خبرهم عني؟ ياه شو مشتاقه لضحكه والدي وحضن امي ونقاراتي مع شقي التوم علي وشقاوه هند اختي… بكيت كتير ونمت وضليت نايمه لتاني يوم الضهر كنت بحاجه للنوم كتير بعد هاليومين الي عشتهم…. لما اصحيت لقيت مهند وامو وابوه قاعدين بيشربو قهوه وسالي الصغيره بتلعب… جو كتير حلو وأسري بمعنى الكلمه.. صبحت عليهم وقعدت معاهم… ومهند حكالي: صباح الخير شو يا ست وداد كل هادا نوم شمستك عاليه
وداد: انا آسفه بس كتير كنت تعبانه.. وجو بيتكم ذكرني باهلي وحسيت بالراحه ولهيك نمت كتير
مهند: لا.. لاتوخدي كلامي جد انا بمزح معك.. عادي خدي راحتك..
وداد: انا حابه اسألك.. هسه احنا شو رح نعمل وشو اول خطوه؟
مهند: انا حكيت امبارح بالليل مع صديق الي بيشتغل بالشرطه الدوليه… ورح نروح لعندو على مكتبه بعد ما تفطري…
وداد: لا عادي ما بدي افطر فينا نروح هسه
ام مهند: يا بنتي فوتي خدي حمام وغيري ملابسك وافطري وبعدها بتروحي.. شوفي كيف وضعك مبهدل يا بنتي…
مهند: اه انا مع امي انا رح اروح مشوار صغير وارجع بتكوني افطرتي وجهزتي حالك
وداد: ماشي متل ما بدكم…
اتحممت وغيرت ملابسي من ملابس اخت مهند وافطرت فطور بشهي… واكلت كتييير… وبعدها رحنا انا ومهند على مكتب الامن الدولي… وهنيك اتعرفت على عادل كتير كان خدوم وهوا الي قدر يسفرني على بلدني بمساعده مهند.. بعد ما خبرتو قصتي بلشت هون المطارده لمده 3شهورما بين اقسام الشرطه بكل اشكالها والمطار والفندق لحتى قدرو يتوصلو انو فعلا انا اجيت انا وزوجي لهون من تاريخ سجل المطار… وطلعت زواج جديد بالتعاون مع سفارتي… وصار وقت اني ارجع على بلدي… بهادي الفتره شفت حنيه من مهند وعيلتو بعمري ما بنساها… وكتير ناس وقفت جبني وهون استذكرت دعاء امي الي كانت دائما وانا طالعه من البيت ابوسها واحكيلها ادعيلي تقوم تدعيلي ( روحي يا وداد الله يوقفلك اولاد الحلال بطريقك) هون افهمت دعاء امي حبيبتي الي… صار وقت السفر وهون مهند اصر هوا وعادل يرافقوني على بلدي لحتى اقدر اخد حقي وانفذ انتقامي من لؤي.. ودعت سالي واهل مهند وبكيت كتير يومها وسافرت وارجعت على بلدي وانا بالطياره كنت كتير فرحانه واخيرا انا رح ارجع واشوف كل احبابي كتير اشتقت لاهلي…. لما وصلنا رحنا على فندق وحجز مهند غرفتين وحده الو ولعادل.. ووحده الي.. ومن هون بلش انتقامي واخدي لحقي من النصاب لؤي.. اول خطوه كان لازم اعرف شو خبرهم لما رجع بعثت مهند على شغل علي اخي وجابو على الفندق بطريقتو.. ولما دق باب غرفتي بلش قلبي يدق كتير مشتاقه لروحي وشقي واخي حبيبي علي… فتحت الباب ولما شافني شفت ملامح الصدمه والاستغراب على وجهه وحكى وداد؟؟!!! اختي انتي عايشه؟ وهجم عليا وحظني وصرنا نبكي كتير ومهند كان واقف وببكي كمان وانا احكيلو اشتقتلك اخي كيفك وكيف اهلي مشتاقه للكل… فوت اخي.. وفات علي وانا ومهند وعادل خبرناه بكل شي بالتفصيل… وهوا عصب وغضب كتير وصرخ آه يا حقير يا واطي يا لؤي والله لاشرب من دمك اخص عليك هيك بتعمل ببنت عمك ومرتك والاهم انها اختي… انا اوقفت وهديتو وحكتلو بدك تشرحلي بالتفصيل شو حكالكم لما روح.. علي: ولا شي يا اختي ببساطه حكالنا انو انتي عملتيلو توكيل وانتو خاطبين بالتصرف باملاكك.. وانك اول ما اوصلتو اصريتي تفوتي على البحر وانك اغرقتي وهوا دفنك ورجع… وبعدها قعدت افكر باللي صار لما كنا على البحر وفهمت انو الورقه كانت توكيل بتاريخ قديم وخلاني اوقع عليها… وافهمت من علي انو طالب بكل شي انا بملكه وانو والدي اعطاه كل شي بدو اياه لانو كان زعلان على موتي ومو هامه اي شي من ورثتي او املاكي…. سألت علي عن الكل.. وللاسف خبرني انو والدي صابتو جلطه لما سمع خبر موتي… وهوا بالبيت وانو علي ووليد اخي التاني ماسكين الشركه هم ولؤي… صرت اكره اسمع اسمه او اي شي بخصو.. ومن هون بلش التخطيط لاسترجاع حقي وما رح يهدالي بال غير ولؤي بالسجن ولا رح ارتاح غير وهوا بالسجن اتفقت مع علي انو يوخد مهند على الشركه ويعرفو على لؤي انو مستثمر وجاي على البلد وبدو الشركه تستلم مشروع مهند وهون يوقعو فيه.. وفعلا تم تنفيذ الخطه بشكل دقيق ولؤي انخدع وصدق انو مهند مستشمر كبير…. وعرضو عليه المشروع الوهمي وهوا وقع على اوراق كتير بتخص المشروع وبدون ما ينتبه وقع على ورقتين تنازل عن كل شي بيملكه والتانيه طلاقي وخلاصي منو… وكان من بينهم الصفقه الوهميه الي رح تخليه يروح بداهيه… مشروع وهمي وطلب قرض لتمويل المشروع وهون بعد تنازله عن كل ما يملك ما رح يقدر يسدد اي شي ورح يصير اسير ورى قضبان السجن… وفعلا بذكائي وحنكه مهند ومساعده علي وعادل اقدرت اني اوقع لؤي بالفخ وكان اكبر انتصار الي لما دخل السجن وانا رفعت عليه قضيه محاوله قتل وشهد عادل ومهند معي بالمحكمه.. كان اكبر انتصار الي لما فات السجن ورحت لعندو واول ما شافني انصدم وعرف انو انا ورى دخولو السجن وحكتلو انو مهند صديق الي اتعرفت عليه محل ما تركني وهرب وهوا الي ساعدني بانتقامي منك وعلى فكره من بين الاوراق الي وقعتها وانت مش منتبه ورقه طلاقي… وهيك بكون انتقمت منك ورجعت حقي والاهم اخلصت منك… سلام يا ابن عمي ….. لما اطلعت من عندو واطلعت برى السجن قعدت ابكي كتييير وبحرقه لاني انظلمت كتير وشفت ايام صعبه.. بسبب اقرب الناس الي.. طبعا اتفاقت مع علي انو ما يحكي شي لاهلي انو انا عايشه واني ارجعت على البلد.. لاني حابه اشوف نظرات الدهشه والاستغراب على وجههم اول ما يشوفوني… وفعلا بعد ما خلصت قضيتي واهلي ما بيعرفو شي كان علي جامع كل العيله ومخبرهم انو عامللهم مفاجأه…واتصل عليا وخبرني انو الكل جاهز وبيستنو برجعتي وما حدى بيعرف بشي… سكرت حساب الفندق ورحت انا ومهند وعادل ورنيت الجرس وفتح علي الباب وفتت على بيت اهلي… ياه شو اشتقت لريحته لحيطانه لاهلي لكل فرد من عائلتي بدون استثناء بعمري ما غبت عن حدى فيهم وصارلي 4 شهور ما شفتهم…كان لقاء صعب على الجميع احاطته مشاعر السعاده والبكاء والوجع ما بعرف كيف بدي اوصفه… لكن لقائي الاصعب كان مع والدي المجلوط بسبب موتي المزيف . لما شافني رجعتلو الحياه وقام من تختو وحضني وصار يبكي بحياتي كلها ما شفت دموع والدي… وبحياتي كلها ما اتخيلت اني ممكن امر بهيك مرحله صعبه…. قعدنا واسهرنا لمنتصف الليل وحكيت قصتي لعائلتي وكلهم كانو مستغربين انو لساتني عايشه بعد ما فتحو بيت عزا الي وانو الخيانه والضربه القاتله ما اجتش غير من اقرب الناس… صار وقت انو مهند وعادل يرجعو على بلدهم ودعتم انا وعائلتي وشكرتهم كتير على وقفتهم بجانبي طول الفتره الماضيه… وانا قدمت طلب بالمحكمه لحتى استرد هويتي واخبرهم اني عايشه مو ميته… وبلشت اشتغل بشركه والدي.. ووالدي بلشت صحتو تتحسن… ورجع للشركه ونور حياتي برجوعو واقف على رجليه…. بعد شهر صدر الحكم على لؤي بالسجن مؤبد مع الاشغال الشاقه… بتهمه القتل العمد وتزوير واخذ قرض وعدم قدرته على السداد… وبعد 3 شهور..وانا غارقه بشغلي.. خبرتني سكرتيرتي بانو في شب وبدو يشوفني ومو راضي يحكي اسمو… حكتلها خليه يتفضل… ولما فات كان مهند.. لمعت عيوني وفرحت كتير بوجوده وبصراحه اكتر كنت مشتاقه الو ما بعرف من وين اجتني كل هادي المشاعر… كلها سوا لما شفتو… سلمت عليه وعيونا التقو وحكو كلام كتيير ما قدرت شفافنا تحكيه..
مهند: كيفك وداد وكيفك وضعك حاليا؟؟
وداد: اهلا وسهلا نورت.. الحمد لله على سلامتك.. انا كتير منيحه
مهند: الله يسلمك… بصراحه وداد ومن غير مقدمات ومن غير ما تسأليني سبب وجودي هون… انا من وقت ما سافرت وانا بفكر فيكي ليل ونهار وانا جاي لهون بطلب زواج منك وانا من الآخر بحبك وولهان فيكي وبعشق لحد الجنون
انا كنت واقفه وقعدت من الصدمه ولساني ارتبط وما عدت قادره لا افكر او احكي اي شي وهون دخل على مكتبي والدي وعلي وحكولي احنا موافقين شو يا وداد؟ ما رح توافقي؟
انا ضحكت وقتها وكنت خجلانه واطلعت بمهند وشفت بعيونو حب كببيييير وكان ناطر جوابي وانا حكتلو اني موافقه مهند ما رح الاقي حدى يحبني ويخاف عليا زيك… وارجعنا كلنا على البيت لاتفاجأ بوجود ابو مهند وامو وسالي الصغيره عنا.. وبعد اسبوعين اتزوجنا كان عرس بيججنن.. وكان مهند مصفي شغلو ببلدو وجاي لهون وماخد بيت صغير قريب من بيت اهلي… وسكنت انا ومهند واهلو بنفس البيت وعشت بسعاده لاتوصف… وجبت نايا ومازن… وربيت سالي كمان احسن تربيه وما فرقت بينها وبين اولادي… مهند عوضني عن كل الوجع والالم.. ونساني كل الماضي السيئ اللي عشتو….
وبالنهايه بحب اختم انو للانتقام مذاق حلو اذا كنت مظلوم واذا كان لاسترداد حق مسلوب بالقوه.. انا استمتعت بانتقامي لاني استرجعت حقي……
النهايه # انتقامي