طريقة عمل مربى الفراولة خطوة بخطوة مع الصور
المقادير:
كيلو فريز
نص كيلو سكر
ظرفين جيلو فريز بودره
تلات معالق نشا كبيره
ملعقه صغيره حمض الليمون
– مربي الفريز العيار بطنجره كبيره تحطي مثلا زبدييه كبيره فريز وبنفس الزبديه تعبي نصها سكر يعني كيلو فريز بدها نص كيلو سكر واذا بتحبو الصوص اكتر وانا بستخدمو للحلويات بزيد السكر يعني بصير تلات ارباع الزبديه سكر.
– هلا بالطنجره تحطي مره فريز ومره سكر لحد مايوصل لنص الطنجره ونترك الفريز والسكر ليله كامله وكل فتره نروح انحركها وتاني يوم بصير عندنا صوص وبدوب السكر تقريبا.
– هلا بنحط ظرفين جيلو فريز بودره فوق الطنجره وتلات معالق نشا كبيره ونحركهم ونشغل النار وكل شوي انحركو وانتبهو لانو بفور المربى ونتركو شي ربع ساعه يغلي على نار هاديه واخر شي نحط ملعقه صغيره حمض الليمون ونتركو يغلي غلوه وتطفي عليه.
– بس يبرد حطي بصواني وخطيه بشاشه عندك وحطي عالشمس لمده خمس ايام وكل يوم حركيه.
– هلا اذا الجو والشمس قويه بدك اتحركيه اكتر من مره باليوم لانو بينحرق وجه الفريز وبس اتحسي الصوص تخن ونشف شوي شيليه وحطيهن بقطارميز, وصحه وهنا Ghalia jamour.
لمتابعة هذه الوصفة المميزة, والحصول على وصفات أخرى شهية, تابعونا على جروب “زاكي”:
طريقة عمل مربى الفراولة