سنة أولى زواج قصة واقعية حلقة 4+5
نرحب بكل قراءنا الأعزاء في زاكي, نكمل لكم اليوم في قسم المنوعات في زاكي أحداث هذه القصة المميزة, التي نأمل أن تنال علىى رضاكم, قراءة ممتعة وجميلة نتمناها لكم, وننتظر رأيكم وتعليقاتكم على القصة.
#قصص_من_الواقع
#سنة_اولى_زواج
#بقلم_لؤلؤةالبحر
الحلقة 4
مشينا ياجماعة اول كم يوم وكل يوم ميرا الاميرة بتتعلم درس يعني بتقدرو تحكو اول أسبوع نجحنا في قلي البيض ووضع العازل تحت الأواني الساخنه وأهم شي تعلمت المجدرة وعرفت انه العدس بنسلق وأنه الفطور أي شي غير الحليب …هسا جينا انه العبد الفقير لله ما اشترى مكنسة كهربا ..لانه قصرت معي المصاري فحكيت بس استلم الراتب الي كان بعد اسبوع من جيت مرمورتي. ..وقبل بليلة. ..
قصي : خلص يا حبيبتي بعرف انك بتتغلبي بالمكنسة الي من سنة ستي بكرا بقبض وبطلع عطول اجيبلك واحدة
ميرا : عنجد حبيبي ..الله يخليلي اياك ..بدي مكنسة مثل الي بالتلفزيون اليوم فيه قناة حكت على مكنسة بتشفط المي ….حبيبي وين نمت …ييييه نام
( المهم شكلي غفيت وهي بتحكي وما انتبهت عليها مسكينة وعلى أحلامها …رحت تاني يوم قبضت وجبت المكنسة….وهي المكنسة جاي برميل وشكلها ها…بس شكلها بشبه الي بالتلفزيون كانت نازلة وعليها عرض قلت يلا مش غلط …حملتها وروحت ..وقديش فرحت حبيبية قلبي ميرا الاميرة. .
قصي : عجبتك حبيبتي ..
ميرا : بتجنن حبيبي ..كتير حلوة ولونها احمر بجنن
قصي : لونها …. المهم حبيبتي بتعرفي تستعمليها. ..اكييييد
ميرا : اه ..اه .. بعرف ..بعرف …يييي مش حل رجعت غفيت حرام خليني اتركو ينام واروح اجربها. ..
( على علمي يا جماعة غفيت ….بوردت على هوا المكيف بعد صحن معكرونة نصه فلفل بس بهمش اتعودت. …صحيت عليها جنبي بتعيط. ..)
قصي : مالك حبيبتي شو فيه شو صاير ..زعلتي عشان نمت
ميرا : لا بس المكنسة بعرفش مالها ..شكلهم غاشينك فيها
قصي: ليش شو صاير …المكنسة جديدة وعليها كفالة. .شو الي صار
ميرا : بعرفش اشتغلت شوي وفجأة طفت …قوم شوف
( قمت وياريتني ما قمت …مش الأخت ميرا ..قصدي حبيبتي ميرا طلعت مفكرتها مثل الي بالتلفزيون وبتشفط المي …ورايحة تشفط مية المطبخ منها….أول ما شطحت نطحت طب كنسي يابنت الحلال الدار بالاول …لا قال عشان المطبخ بعيد ومسمعش الصوت واصحى..حنونة الأخت …حنووونه. ..عليم الله فتحتها للمكنسة مش انا مهندس كهربا لقيتها بتنقط مي ….الكيس جواتها بعصر …يا جماعة الخير …صرت انا بدي أعيط ….طلعت عليها شو بدي احكي الله يسامحك بس يما …بس بهمش يا جماعة بتظل ميرا الاميرة بنت خالتي والله خالتي لو زعلتها لتطلعلي من كل مكان مش بس التلفون. .وفداها مليون مكنسة بهمش …ورحت ألحق العرض مرة ثانية بلقي اجيب غيرها …
وفعلا جبت وكان الدرس الي تعلمتو. …هاي مكنسة السجاد فقط لا غير ….بهمش محدش بيجي متعلم يا جماعة …مع اني مش عارف مرتي غير أدب الإنجليزي شو متعلمة. ..
قعدت يا جماعة ليلتها من قهري صافن بحالي وطار النوم من عيوني وهي حبيبية قلبي نامت بعد ما أنهت يومها على خير …ولأول مرة بعرف أنها بتحكي بنومها…وبدك تعرف كل قصة حياتها اسمعو منها وهي نايمة …والمصيبة طلعت بتنام غزلاني نص عينها مفتحة وهاظ البوبو رايح جاي عليم الله التمست. ..غطيت راسي بالحرام وقريت الفاتحة والمعوذات ونمت. ..
💑💑💑💑💑💑💑💑💑💑💑💑💑💑💑💑💑💑
#قصص_من_الواقع
#سنة_اولى_زواج
#بقلم_لؤلؤةالبحر
الحلقة 5
هيك يا جماعة عدينا مرحلة القلي والحرق والمجدرة والشخير والمكنسة الي نحرقت وجينا لمرحلة الإبداع ميرا الاميرة ناوية تعمل كيكة يارب لك الحمد والشكر …ومتشجعة قال أخذت الطريقة من جروب عن الفيس ….
ميرا : الله معك حبيبي …اليوم بس ترجع رح كون عاملتلك كيكة مفاجأة
قصي: عنجد حبيبتي والله نفسي بكيكة من كيكات ام قصي … خالتك يعني مش تغاري
ميرا: لا حبيبي شو أغار بس هاي كيكة مع اناناس خالتي أم قصي بتعملش إلا العجل بعرفها انا قررت اتفوق عليها ولا يهمك حبيبي الله معك …
( بدها تتفوق يا جماعة داخلين احنا امتحان قدرات وانا مش عارف….وصلت عالشغل والله يا جماعة الفار بلعب بعبي …خلص حاسس حيصير اشي …مسكت التلفون وقعدت اترقب ..ترن وتحكي الحقني. …فش 3 ساعات مرت عبين ما نامت وصحيت بدها تبدع ….وإلا التلفون برن …الحقني. ..رحت ركاض …وفتحت الباب وبتطلع …وإلا ميرا الاميرة حبيبتي بدون حواجب وشعرها هايش وبتعيط …
قصي: خير حبيبتي مالك ..شو صاير
(وهي بتعيط وبعد مرور ساعتين لتهديتها وتغطية كل المرايا بالبيت عشان ما تشوفش شكلها ..طلعت الله يهديها فاتحة عين الفرن ومدخلة الكيكة ربنا الله …بس ناسية تشعلو. …وراحت اجا عبا لها تعمل قهوة حطت القهوة عالنار …وفتحت الفرن تطل ع الكيكة …وإذا يا جماعة ربكو ستر منيح اجت بالحواجب والشعر منيح وجهها ماراح والله كان العالم كله ما خلصني من خالتي حبيبتي الله يحفظها ….وهيك من وقتها انا بكره الكيك وبطلت اوكلو…بس بعد هالتجربة اتعلمت كيف تشعل الفرن والحمدلله …أهم شي حبيبتي ميرا الاميرة أنها بخير …مالو بنجيب كيك جاهز…
…عدينا قصة الكيك …المهم صارت تتعلم كل مرة درس يا جماعة …وبالنسبة لحواجبها وشعرها وديتها مشغل وزبطوها. ..هي أي شي بتجنن من ربها حلوة …حبيبتي مرمورتي. …
اجا ثاني يوم وعشان ادللها ..حكتلها ما تعملي شي انا بجيب غدا ….هو مش عشان ادللها أكثر ماهو عشان بطلت اقدر كل يوم اطلب إذن ألحق المصايب..وطلعت من الدار وغلطت غلطة عمري من سرعتي نسيت مفتاح الدار ..حاكم كنت قبل بيوم فاصلو عن المفاتيح عشان كنت بدي انسخه . ..وهون وصلت الشغل اتذكرته. .حكيت بهمش بس اروح برن لها عالجوال بتفتح ميرا الاميرة مش قضية. ..خلصت شغلي ..روحت ..رن عالجوال بتردش. .دق عالباب بتفتحش. .التلفزيون صوتو طالع ..سامعه..طب وبعدين والله ما خليت حجر بالشارع إلا رميتو ع شباك الغرفة لاني عارف من المكيف مش سامعة …وظليت 4 ساعات على هالحال …طالع نازل اشي أدق ..واشي ارمي حجار …لأجى الفرج من ربنا وحست ها أنها اتأخرت وكانت جيعانة. .فتحت جوالها ورنت ..لا وشو زعلانة اني مخليها بالجوع وناسيها. . أما أنا الي انهديت وانا بدق وبرمي حجار مزعلش….عليم الله كنت بدي احطها بكرتونة وابعتها طرد مستعجل لامها .. بس بقدرش هاي ميرا الاميرة …بنت خالتي لازم أتحمل وهالمرة انا اخدت الدرس لا تنسى مفتاحك بالبيت وتركن على حبيبتك ميرا …
انتظروني غدا