المقادير

• 3 كاسات سميد خشن
• 3 معالق حليب ناشف
• كاسه ونص سكر
• معلقه صغيره ممسوحه بيكربونات
• نص كاسه سمنه حيواني
• كاس ونص مي
• القطر كاستين سكر كاسه مي عصره ليمونه
• معلقه ماء زهر او ورد للنكهه

الخطوات

نخلط السميد مع الحليب والبكربونات ونفركو بنص كاسه سمنه

على النار منحط الكاس ونص مي وكاسه ونص سكر منسخنن منيح ومنحطن فوق السميد ومنحرك هون راح يكون القوام كتير مريق اقرب لشكل المامونيه لاتخافو خلو منقوعه اقل شي 12 ساعه

تاني يوم دهنو الصينيه سمنه

مدو الهريسه وقطعوا ودهنو وجها بالفرشايه قطر تقريبا معلقتين قطر

زينوا بالمكسرات يلي بتحبوا

لازم ننقع المكسرات بالمي ونصفيا منيح قبل مانزين فيا مندخلا على فرن حامي 180 درجه من تحت بدا تقريبا 30 دقيقه وبس نلاقيا نشفت طالعوا ودهنو الوجه مره ثانيه قطر ومنرجعا نشوي الوجه

اخر شي منطالعا لازم تكون سخنه والقطر سخن

منعيد تقطعيا كمان مره وفورا منحط القطر وانتبهي لهي الخطوه القطر بجوز يفور منغطيا ومنتركا لتبرد

وبس تبرد حطيا بالبراد تبرد منيح

ملاحظه كمان مع القطر حطو معلقه سمنه كبيره سر الهريسه بسمنه طعمتا طيبه

وصحه وهنا للجميع