كيكه الكوكيز وكيكه الجلاش بالجبن
معكم صديقة زاكي الشيف الموهوبة MARWA FAROUK
المقادير
- زبده..دقيق…
الخطوات
كيكه الجلاش
مساء الفل… كيكه الكوكيز تغيير في شكل الكوكيز هي نفس عجينه الكوكيز بس فردتها في صينيه… …جبت ورقه جلاش وفردتها في القالب ده بحيث تغطي كل القالب والاطراف طالعه لبره بعد ما دهنت القالب سمنه وسمسم…وجبت بيضتين وملح وفلفل ولبن وضربتهم..وبقيت اقطع باقي ورق الجلاش حتت طوليه واغمسها في البيض وارص في قاع الصينيه..واحط جبن مشكله وزيتون..واغطي بورق جلاش متغمس في البيض..وطبقه جبن لغايه ماخلصت الجلاش وطبقت الاطراف عليهم في الاخر وسقيت بباقي اللبن وحطيتها في الفرن ولما طلعت قلبتها….
وشويه تسالي كده لزوم السهره..وفنجانين اسبريسو…
اما كيكه الكوكيز…
كوب سكر و200 جرام زبده هضربهم مع بعض كويس..واضيف بيضتين وفانيليا واضرب..اضيف كوبيتين ونص دقيق عليهم رشه ملح ومعلقه صغيره بيكنج باودر ومعلقه صغيره بيكنج صودا..هعجن كويس واضيف نص كوب تشيكولت تشيبس واعجنهم كلهم وافردها في صينيه متغلفه بورق زبده..وادخلها فرن سخن شويه تحت وشويه فوق تحمر…واطلعها بتكون لسه طريه شويه..ماسيبهاش في الفرن مده كبيره عشان ماتنشف…واذوقها بصوص شيكولاته او اي حاجه
