طريقة عمل المخلل الحر peperoni
طريقة عمل المخلل الحر peperoni
معكم صديقة زاكي النجمة المتألقة بوصفاتها الملوكية الشيف الرائعة Oumaima Hakim
مساء الخير يا احلى صبايا
طريقة عمل المخلل الحر peperoni🌶🌶🌶🌶
المقادير :
كيلو حر 🌶
ليتر ماء 💦
كوب خل 🍷ابيض او احمر تفاح او عنب او اي خل
ملعقة كبيرة سكر 🍚
ملعقة وسط ملح الليمون 🍚
ربع ملعقة صغيرة شبة مطحونة 🍚
وازا ماموجودي ممكن الإستغناء عنهاالشبة اسمها عالمي Alum
ربع كوب ملح بحري خالي من اليود 🍚
او تلات ملاعق كبار
للنكهه ممكن حص ثوم وممكن كزبرة حب او اي شي بتحبو من البهارت الصحيحة او المطحونة
انا عملت 4 كيلو
طريقة التحضير :
اول شي بنغلي ماء 💦 وبس تغلي ♨️ منبردها تمامآ ❄️
بنغسل الحر وبنصفية🗑 منيح من الماء
وبنعقم مراطبين نضاف⚱️⚱️⚱️ بمسحة خل حتى تتعقم
ومنصف بلمرطبان الحر كعب وراس حتى يساع كمية منيحة بلمرطبان ⚱️⚱️⚱️
وبحط بلماء الخل والسكر وحامض الليمون والشبة المطحونة وبذوبيهن مع بعض وبتصبيهن فوق الحر لافوق بس ناقص واحد سم وازا عندك الشبكة 🕸🕸🕸 البلاستيك يلي بتكون على وجه المرطبان حتى لايطلع الكبيس لافوق ويطوش ويهتري او ازا المرطبان⚱️البلاستيك الو طبة بيمشي الحال وبتركهن على صنية لانو بيفورو حتى لا تسبح الماء بلخزانة المونة يومين تلاتي وبعدين بحطهن بلمكان المناسب وبس نفتح مرطبان بنحطو بلبراد حتى لايخرب وبيقعد سنة واكتر خارج البراد طالما بعدو مسكر
وعملت مقطع شرحات رقيقة مخلل للبيتزا 🍕كتير طيب هيك اسهل والمرطبان بيساع كمية اكتر
وعملت مقطع خشن للتفريز ❄️❄️❄️ للبيض والبندورة 🍅🍳 او المعكرونة 🍝 او للكبسة 🍛او
باي طبخة 🍵 بتحتاج حر او سلطة بتحطي لانو نحنا بي المانيا في مناطق ماكل الوقت في حر اخضر او 🌶
بقطعهن شوية خشنيين وبصفيهن🗑 حتى اتخلص من الماء💦 من يلي نزلت اثناء التقطيع لانو لما حطهن بلفريزر مايمسكو بيبعض بخليهن لمصفاية 🗑لابين ما خلص كبيس المخلل بيكونو صفو بحطهن بي علب خاصة للتفريز او بي اكياس للفريزا وكل ساعتين وبحركهن شي تلات مرات حتى يجلدو ومايمسكو بيبعض هيك بيضلو مهرهرين وقت الحاجة بشيل بسهولة
صبايا المقادير بتمشي على كل المخللات وطريقة التحضير
و صحة و هنا ^^
