طريقة الاكلير مع كريم باتيسيير من الألف للياء بدي كتير تشجيع لانسى تعبي ههههه
طريقة الاكلير مع كريم باتيسيير من الألف للياء بدي كتير تشجيع لانسى تعبي ههههه
معكم صديقة زاكي النجمة المتألقة بوصفاتها الملوكية الشيف الرائعة Sanaa Jouni
يسعدلي صباحكم صبايا صري ساعتين .عم ظبت الصور مع الوصفة هههه بدي كتير لايكات لانسى تعبي ههههه يسعدلي صباحكم أصدقائي اليوم انشالله راح أقدم لكم طريقة الاكلير مع كريم باتيسيير متل العادة من الألف للياء أتمنى أن تنال إعجابكم الاكلير سهلة بنفس الوقت صعبة ومعقدة لأن متل ما بنعرف مش مهم المقادير مهم التطبيق صح والالتزام بالطريقة لو سمحتم قد الإمكان مكوناتها موجودة بكل بيت مش راح عقدها كتير بالاكواب راح أعطيها لأن في صبايا كتير بتنق ما نحنا النسوان هويتنا النق هههه والا يهمكم أصدقائي ملاحظة دائما بأي وصفة بنلتزم بنفس الكوب بنقيس كل لعيارات اوكي يللا صبايا.
المقادير:
الاكلير:
كوب ماء
كوب طحين اكسترا
رشة ملح
نصف ملعقة صغيرة سكر
ملعقتين زبدة أو 50غرام
ملعقة فانيليا وسط
برش حامض رشة
ملاحظة ممكن تاخد معنا 4بيض لو البيضة صغيرة أما لو كبيرة بدنا 3 حسب الحاجة
الطريقة :
بسخن الماء مع الزبدة ورشة الملح والسكر لتغلي الماء بنخل لطحين وبضيفو فوق الماء المغلي دفعة واحدة بملعقة خشب بحرك بسرعة لنحصل على عجينة ناعمة متماسكة خالية من أي تكتل
بطنجرة تيفال شي 3 دقائق لينطبخ العجين وينشف بس على نار خفيفة بعدين بترك العجين يبرد نصف ساعة بضيف عليهم برش الحامض والفانيليا وبيضة بيضة لتختفي اول بيضة بضيف التانية لنحصل على قوام ناعم متماسك يعني مش رخو والا جامد يعني بس حطو بكيس الحلواني ما ينزل سائل والا كمان ما ينزل معي من الكيس على ورق زبدة بكيس حلوني بشكل أي شكل بدي إياه عرض ليرة ال500 تقريبا لو ما عنا كيس حلواني بكيس السندويشات بعمل ثقب بزاوية الكيس وبترك مسافات بين الحبات لأن بيتضاعف حجمها
بفرن حامي على نار 220 من تحت من فوق بنصف الفرن بخبزها ممنوع ممنوع نفتح الفرن ابدا بتهبط الحبات وبتعجن قبل ساعة ممنوع بدن تقريبا نصف ساعة بس تشقر من فوق ويتضاعف حجمها بطفي من فوق وبترك من تحت وبخفف النار لينضج قلبها وينشف شي 25 دقيقة بتركها بالفرن المطفي شي ساعة لينشف قلبها على الآخر
بعد هيك بشيلها لتبرد على الآخر بقطعها من الجنب قسمين أو بقمع حلواني بحشيها كريم باتيسيير وبغطسها الوج أو بصوص الشوكولا أو بالشوكولا المذاب
كريم الباتيسيير الأصلي عبارة عن :
كوببين حليب سائل
33 ملاعق سكر
صفارين بيض
ملعقة كبيرة ونصف نشاء
ملعقة طحين
ملعقة كبيرة زبدة
رشة ملح
برش ليمون رشة بس
الطريقة :
بغلي الحليب مع نصف كمية السكر بوعاء ثاني بخفق بشوكة باقي السكر مع رشة الملح والفانيليا والنشاء ولطحين منخولين قبل بخفقن ليفتح لونهم بضيف الحليب الساخن عليهم القليل وبحركهم لعدل الحرارة ممنوع حط كل الحليب بيحترق البيض بقطع يعني بعدل الحرارة قبل وبرجع بضيفهم فوق الحليب يالي ضل
وبحركهم بسرعة ليشتد الخليط ويجمد بضيف عليهم ملعقة الزبدة بتعطيني لمعة ونكهةبصبهم بصحن وبس يبرد شوي بدهنهم بقطعة زبدة صغيرة هيك معش بينشف الوج وبيضل طري .
وبس تبرد بستخدمها وصحتين وهنا تحياتي سناء جوني لنزل وصفات بعد بدي تشجيع منكم ودعم لأعرف حالي مبسوطين أو لأ بالنسبة لشكل الوزة اعملت جسمها وبخبزو لوحد والراس والرقبة عبارة عن حرف على شكل s. وبخبزن لوحدن لأن ما بدن وقت كتير وبركبهم على وبحشيهم كريم شانتي
و صحة و الف هنا على قلوبكم يا رب
♥♥♥محبتكم سناء جوني♥♥♥
