تكملة قصة جريمة مغفورة لأحلى شلة أنس
نرحب بكل قراءنا الأعزاء في زاكي, نعرض لكم اليوم في قسم المنوعات في زاكي أحداث هذه القصة المميزة, التي نأمل أن تنال على رضاكم, قراءة ممتعة وجميلة نتمناها لكم, وننتظر رأيكم وتعليقاتكم على القصة.
الجزء التالت والاخير
( ما عم اقدر صدق شوعم اسمع لك انت كيف بتعمل فيني هيك انت بلا ضميرولا احساس بلا مبدا انا شو عملتلك لتعمل هيك بحياتي كلها ما شفتك بحياتي ما اذيتك ليش لحتى تأذيني ليش لتجرحني لك ليش )
احمد( رزان اسمعيني والله انا ما كان بدي اأذيكي بس انجبرت والله انجبرت )
رزان ( اخرس ما عاد بدي اسمعك الله لا يوفقك دمرتني ودمرت كل شي حلو فيني )
احمد( كان لازم ينعمل فيكي هيك بسبب ابوكي )
رزان ( شو عامل ابي لك انطق ولا قلك ما عاد بدي اسمع منك كذب وافترا منك ولنفرض ابي عامل العجايب انا شو ذنبي اتحاسب عنه شو ذنبي تاخد بتارك مني انا لك فهمني )
احمد ( ابوكي الكلب استغلها لاماني
بهديك الليلة اجت لعنده اماني تطلب منه يأمنلها شغل عنده كانت حابة تطلب منه شغل الي بس اانا منعتها فطلبت شغل الها كان رد ابوكي عليها انه انتي بنت حلوة وبتجيبي مصاري كتير وهو اول واحد استغلها
اماني كانت الغيرة عامية على عيونها بدها تعيش بدها تكون غنية بدها يصير معها فلوس انجرفت ورا ابوكي وانصاعت لكلامه
كانت كل ليلة تطلع ليشغلها بشغل وسخ حتى تقبض من وراه مبلغ وقدره
حسيت عليها متغيرة معي فاتحتها انكرت انه هي متغيرة وصارت تصرخ بوجهي ،،،،، حتى قررت راقبها وقدرت اكتشف انها بتشتغل شغل مو منيح حكيت معها مرة ومرتين وعشرة بس خلص البنت خربت وما قدرت امسكها حملت حالي ورحت حكيت لابوها بحكم اني بعرفه من قبل وكنت قاري فاتحتها معه
بهديك الليلة مسكها ابوها ضربها وحبسها بالغرفة لحتى صحينا على خبر انتحارها )
رزان( وشو عرفك انه ابي وراه هالقصة كلها )
احمد ( بنفس الليلة الي انتحرت فيها تركتلي رسالة مع امها وكانت كاتبة كل شي صار معها انا قلت لابوها كل شي واتفقنا انه ،،،،)
رزان ( انه تنتقمو من ابي عن طريقي تمام وكيف قدرت تخطفني وتعمل كل هالقصة )
احمد ( بعرف شب بيشتغل بالمطار وكابتن الطيارة بكون رفيقه دبرنا كل شي وتحت تهديد السلاح مشيت الامور متل ما بدي
والله ما كان بدي هيك بس كنت شوف وجه اماني بكل خطوة بكل حركة كنت شوفها معلقة بتيابي وعم تستنجد فيني )
رزان ( انت واحد كذاب وانا مو مصدقتك وفوق منها انت واحد حقير انا بكرهك وبكرهك كتير كمان وبكره اماني معك لانه قد ما كان الانسان فقير ومعتر هالشي ما بيعني يكون وسخ وبلا اخلاق
وبوعدك انت وابوها لاماني تاخدو حسابكم )
احمد ( متل ما بدك وصدقيني لو اشتكيتي علي رح اعترف بكل شي وما رح فكر انكر )
رزان ( ليش بقا صحي ضميرك )
احمد( صحي قلبي ما قبل ما يصحى ضميري )
تجاهلته رزان وكملت عغرفتها تكمل ضب تيابها مع كل بلوزة عم تنضب عم تكت كوم دموع ومع كل قطعة عم تنحط عم يوجعها قلبها
اخدت شناتيها وهي طالعة كان احمد واقف مسكها من ايدها
( حاولت كفر عن ذنبي لما تزوجتك على فكرة ام اماني ما طلبت مني اتزوجك انا الي اخليت بالاتفاق كله ورحت لعندها وطلبت اني اتزوجك كان بدي اعمل شي منيح اتجاهك )
رزان( يا ريتك ما كفرت عن ذنبك وبقيت بنظري الانسان المجرم اما هلا حب وكره بقلب واحد ما عم يجتمعو
شوفك شيطان وملاك بنفس الوقت ما عم اقدر
الله لا يسامحك يا احمد )
غمض عيونه بالم ( متل ما بدك رزان )
طلعت رزان من البيت وراحت لبيت اهلها
دخلت لعند امها وابوها وجهها ما بيتفسر
رزان( انا واحمد رح نطلق )
ابو رزان ( هاد كان اتفاقنا من اول اكيد هاد الي رح يصير لكان انا بزوجك لواحد متله رح قبضه شوية مصاري تمن هالشهر وكتر خيره )
رزان( ايه ابي انا قايمة على غرفتي ارتاح )
ام رزان( يا علي عليها هالبنت الها قديه ما ارتاحت )
ابو رزان ( لا تخافي عليها بكرة لما تطلق بترتاح وبتنسى والف واحد بتمنى يتزوجها )
ام رزان ( ان شاء الله )
دوامة كبيرة بقلبها متاهة صغيرة علقانة بنصها رزان
من ناح قلبها بحبه لاحمد ومن ناح تاني نفس القلب مجروح من احمد
شعورين مختلفين موجودين بنفس القلب وبذات الوقت
شو صعبه تحب الانسان الي بتكرهه
ابو رزان ( رزان بنتي وينك )
رزان ( ايه بابا انا هون بالمرسم)
ابو رزان ( احمد بعت ورقة طلاقك )
لمعت دمعة بعيونها ( ايه كتر خيره )
ابو رزان ( بس ما قبل ياخد الفلوس الي كنا متفقين عليها
ايه يلا وفر علي يصطفل
وحياتك لزوجك سيد سيده ورح اعملك المعرض الجاي عحسابي )
رزان ( ……)
ابو رزان ( طيب منل ما بدك لا تردي )
اول ما طلع ابوها من عندها مسكت رزان اللوحات لوحة لوحة وضربتهم بالارض
رزان ( لك حتى انت يا ابي بكرهك بقرف منك
انا لازم اعرف الحقيقة بكفي ابقى ضعيفة
احمد ما اخد الفلوس يعني
معقول معقول ابي هيك ولي اذا ابي فعلا وسخ هيك
بس كيف بدي اتاكد
واجهه احكيله انه احمد بيعرف كل شي
لازم كون قوية )
طلعت رزان لبرا لقيت ابوها عم يضحك وفرحان
ابو رزان ( بنتي الحلوة تعي احتفلي معنا بمناسبة خلاصك من كل المشاكل )
رزان ( لسا ما خلصنا ابي
انت شو كان في بينك وبين اماني )
بلع ريقه ( انا شو بده يكون بيني وبينها )
رزان ( انا الي بدي اعرف هلا )
ام رزان( لك بنتي ابوكي كان يحبها لاماني متل بنته )
رزان ( دخلك امي في انسان محترم بيعتدي على بنته وبيجبرها تشتغل شغل وسخ )
ابو رزان ( يا كلبة والله لاربيكي انا متاكد انه هالحقير احمد هو الي معبي راسك بهالسخافات )
وقبل ما يكمل كلامه وصوت صريخه
وقع ابو رزان عالارض مجلوط
رزان ( بابا قوم الله يخليك شو صرلك
لك روما ام اماني تعو لهون اتصلو عالاسعاف )
اتصلو عالاسعاف واجا اخدوه راحت معه رزان وامها
وبقي جوا غرفة العمليات لاكتر من تلت ساعات
حتى طلع الدكتور وخبر رزان وامها انه ابوها بحاجة لعملية مستعجلة
اتطلعو تنيناتهم ببعض وهزو راسهم انه ايه ما في قدامهم الا هالحل
مع كل الحقارة الي كان فيها ابو رزان ومع كل الحقد الي جوا قلبها اتجاهو الا انها ظلت طول الوقت قاعدة تدعيله
لحتى طلع الدكتور وخبرهم انه ابوها محتاج لدم
ولازم يلاقو متبرع بشكل سريع
راحت رزان وامها مع الدكتور حتى يفحصو دمهم ويشوفو اذا بيقدرو يتبرعو لابوها
الدكتور ( انسة رزان انتي متاكدة انه الي جوا والدك )
رزان ( عفوا طبعا هاد ابي )
الدكتور ( انا بعتذر منك بس مستحيل يكون ابوكي حتى والداتك مستحيل تكون امك )
رزان ( شو هاي حزورة متلا )
الدكتور ( والدتك ووالدك نوع دمهم لما يتزوجو وينجبو اولاد مستحيل ينجبو حدا بنفس نوع دمك فهمتي علي )
رزان ( لك يا ربي شو هالمصايب هي الي عم توقع فوق راسي
امي لك امي سمعتي الدكتور شو عم يقول )
ام رزان ( لك كيف هيك كيف منشان الله والله انا حملت وتعبت فيكي والله استنيتك كل لحظة بلحظة مستحيل يكون هيك اكيد في غلط مستحيل مستحيل )
رزان ( امي انتي مو قلتيلي انه انتي وابي كان صعب يجيكم ولاد اذا جايبيني من شي ملجأ او ميتم امي قليلي الله يخليكي )
ام رزان ( ايه مزبوط ما كان يجينا اولاد بس بعدين ربنا بعد اسمه بعتلي اياكي بحلفلك الف يمين انه انتي بنتي بنت بطني )
رزان ( لكن كيف هيك ااافت يا ربي
امي في شي مو طبيعي عم يصير لازم نعرف شو هو لازم )
فوق كل الهم والالم والمعاناة الي رزان فيها صار عندها نوع جديد من المشاعر اسمه الشك
مين انا
مين اهلي
بنت مين بكون
ليش انا هون
سكرت رزان عالموضوع مبدئيا لحتى طلع ابوها من المشفى وتحسن نوعا ما
رجعت نكتت الموضوع وفتحته
ابو رزان ( لك كيف يعني مو بنتي وليه ختام لتكوني )
ختام ( اخراس ينقطع لسانك لك الدكتور بيحكي حتى انا مستحيل كون امها )
ابو رزان ( والله لاحرق الدنيا مين هاي لك هي بنتي لك بنتي الا موبنتي )
قامت الدنيا عندهم بالبيت وما قعدت
لحتى اجا من ورا صوت ( انا رح احكي كل شي اساسا ما ظل شي الواحد يخسره لازم تعرفو كل شي )
التفتو التلاتة لورا وبصوت واحد حكو ( ام اماني )
ام اماني ( يوم ما ولدت انا والست ختام لعب الشيطان براسي كنت حابة شوف بنتي وهي عايشة بعز ورفاهية وشو ما بتطلب يوصلها
لعبت لعبة وسخة كنت لسا نفاس بس بقدر قوم واقعد
بدلت البنتين حطيت رزان مكان اماني واماني مكان رزان
انا هي امك يا رزان
والمرحومة بتكون بتكون )
ام رزان ( قصدك اماني بتكون بنتي
الله لا يوفقك يا عديمة الاحساس الله ياخدك )
نفذ من الجلطة ابو رزان اول مرة بس بعد هالخبر وقع متل حيط انهد مرة وحدة …..
( البقية بحياتك )
لفت رزان وجهها ( احمد )
احمد ( بعرف انك مو طايقة تشوفيني بس جيت عزيكي بابوكي )
رزان( اي اب منهم
ابي ابو رزان الي رباني ومات مجلوط
الا ابي ابو اماني الي ما تحمل الخبر وانتحر متل اماني بالزبط
يا الله ما اقسى الدنيا لما بتحاسب البشر
بالاول اماني بعدا ابي
انت متخيل شو صعبة ابي لما استغل اماني كان عم يستغل بنته
وابو اماني لما خلاك تخطفني وتأذيني طلع عم يأذي بنته
عجبتني الدنيا لما بتصفي حساباتها )
كانت رزان عم تبكي بحرقة ،،،،، ضمها احمد لصدره
( اهدي رزان كل شي بالدنيا بنحل )
رزان ( بقي انت وامي الي هي ام اماني ما اخدتو حسابكم ليش )
احمد ( صدقيني لو تشوفي قلبي كيف عم يموت باليوم الف مرة وهو عم يتذكرك رح تعرفي لحالك قديه انا اخدت حسابي )
رزان ( اطلع من عندي احمد ما بدي شوفك )
بعد مرور ست شهور
كانت رزان بالمرسم عم ترسم تنين شب وبنت واقفين قبال البحر حست بنفسه بصوته بدفا قلبه وهو عم يسألها من وراها من هدول
رزان( شو جابك لهون احمد )
احمد ( قلبي الي جابني والله حاولت حاولت انساكي ما قدرت لك عايشة بروحي معششة جوا شرايني ما قدرت انساكي والله تعبت با رزان والله تعبت
اعطيني فرصة اخيرة ما بيستاهل قلبك تعطي فرصة )
قربت لعنده وحضنته
رزان ( محتاجتك كتير بس خايفة والله انا ما بقا حمل صدمة جديدة والله )
حط ايده عتمها ( ما بقى في صدمات جديدة وعد
كأنه هدول الي بالصورة انا وانتي )
رزان( ايه هيك شي )
احمد ( وانا ليش راسمتيني هيك احول )
رزان ( بتستاهل لاني زعلانة منك )
احمد ( وهلا بعد ما رضيتي )
رزان( ههههه رح زبطلك عيونك وخلي لونهم ازرق كمان منيح هيك )
احمد ( دخيل هالضحكة انا )
نزل احمد ورزان لعند ام رزان ورجع احمد طلب ايدها لرزان وامها كانت موافقة لانه بتعرف قديه رزان بتحبه لاحمد
رجعو يحضرو لحفلة عرسهم مرة تانية بس هالمرة بدقة واهتمام اكتر
لون السجاد بالقاعة لون شراشف الطاولة حتى لون الاكسسوارت الصغيرة كان الها دور باهتمامهم
احمد ( رزان حبيبتي جهزتي)
رزان( ايه جهزت قلي كيف طالعة )
احمد ( قمر بتجنني بس كنت بدي قلك شي )
رزان( شو قلي )
احمد( في حدا برا بده يشوفك )
رزان( مين )
دخلت ام اماني للقاعة ولفت رزان وجهها عنها بسرعة
رزان ( انتي شو جابك لهون بعد كل شي عملتيه الك عين تيجي تشوفيني )
ام اماني ( والله ندمت يا بنتي صرلي اكتر من سنة رايحة جاي لعندك حتى تسامحيني )
رزان( لو بتبقي العمر كله تيجي تطلبي السماح ما رح سامحك )
ام رزان ( خلص يا رزان يا امي المسامح كريم الي عملته ام اماني لا بيغتفر ولا بينتسى بس احنا بشر خطائين وربك من فوق بسامح احنا بشر ليش ما نسامح )
رزان( اتركو جرحي للايام تشفيه يمكن سامحها بس ما رح اقدر انسى حتى لو كانت امي بس لاول مرة بعرف انه الام الي بتربي مو الي بتخلف )
طلت رزان عالناس متل الملكة وحفلة عرسها كانت من اروع ما يكون كانه ربنا بعوضها بهاتفاصيل الصغيرة عن جروحها الكبيرة
بعد كم شهر
رزان ( لك احمد تعا لهون احكيلي كيف بتنعمل قلاية البندورة )
احمد ( اللهم طولك يا روح لك رزان صرت معلمك عليها اكتر من الف مرة حاجة )
بالصالة
ام اماني ( لك ابني طول بالك عليها )
ام رزان ( يوووه ابني بتحب تسالك عن كل شي شو بدك احسن من هيك )
احمد ( يا حبيبي الناس كلها عنده حماية وحدة انا عندي تنتين
رزان وتنين محامي دفاع )
رزان ( هئه رح يصيرو تلاتة امي الاولى وامي التانية وبنتي الي ببطني )
احمد ( يا حبيبي كملت )
رزان ( شو قلت ما سمعت مو عاجبك )
احمد( ما قلت شي عم قول عاجبني عاجبني)