يالنجي والتقديم بشكل بسيط بدي تشجيعكم
يالنجي والتقديم بشكل بسيط بدي تشجيعكم
معكم صديقة زاكي الشيف فتافيت ليلكي أحمد
الطريقة:
لحشوة متل ماتعلمنا من أمهاتنا …..بصل مفروم ناعم يسوى مع زيت الزيتون ومن ثم يضاف للرز المنقوع والمصفى ويقلب جيدا نضيف بندورة مفرومة ناعم وملح وحمض (ليمون أو دبس الرمان أو ملح الليمون أو حمض الحصرم حسب ماتفضلي )ويقلب الرز مع الخلطة جيد ويرك ليتشرب الرز من الخلطة
نضيف بقدونس مفروم ونعنعة خضرا وفليفلة خضرا في الأخر مشان ماتسود الى الرز ويقلب
أنا أفضل التوابل البضاء والحامض الأبيض متل الليمون والحصرم الفاتح ليبقى الرز أبيض والخيار لكي
لازم تكون حبات ورق العنب مرصوصة بجانب بعض بشكل جيد ولازم نكبسها بشي الو وزن بعد رصها في الطنجرة ولازم ماتستوي أكتر من اللازم
وحطي في قعر الطنجرة أي قطع من الخضروات وبعدين حطي صينية مقاس الطنجرة ورصي عليها اليبرق وقت بتقلبي اليبرق بطل بشكلو
المرة السابقة حطيت صينية القالب المنتحرك للتشيز كيك
هادي المرة حطيت صينية ألمنيوم من مقاس الطنجرة
لازم تخلي اليبرق في الطنجرة في البراد ليبرد تماما بعدين تقلبي بتطلع الصينية من فوق وبكون متل القالب
يارب تكون خبرتي البسيطة في المطبخ الها فائدة للجميع
ملاحظة:
لازم الرز يكون منقوع لفترة مليحة
يعني أنا بنقع الرز من الليل ……واذا بدك تستوي اليبرق بدون طنجرة الضغط لازم الحمض ماتضيفي لأخر 10 دقئق بكون اليبرق أريب يستوي
أما بطنجرة الضغط حطي الحمض مع اليبرق بستوي