قصة جنون زوجة لا ترحل قبل أن تكتب تم في التعليقات لتصلك كل المنشورات
قصة جنون زوجة لا ترحل قبل أن تكتب تم في التعليقات لتصلك كل المنشورات
نقدم لكم في قسم المنوعات من زاكي هذه القصة المميزة, نتمنى أن تنال على إعجابكم, وننتظر رأيكم في التعليقات.#جنون_زوجة
#للكاتبة_جمايكا_أحمد
الجزء الاول
#تولين:-لك انا احساسي بمحلو…جوزي مانو طبيعي في حد بحياتو …
#سمر:- متأكدة من هالحكي …يعني لازم تتأكدي بعدين بلشي اتهمي جوزك…
#تولين:-سدقيني لقيت حمرا على طرف قميصو..مو على الرقبة..لا على صدرو..انا متأكدة هاي حمرا شفايف…
#سمر:- مابعرف بجوز لالك..
#تولين:-انا مابستخدم هيك لون…مابحبو..يعني مستحيل كون انا…
#سمر:-طيب شفتي موبايلو..
#تولين:-موبايلو فيه بصمة..مابحسن…افتحو…ليكو عم يدق هشش…
#عمر:-حبيبتي بعدك زعلاني وحيات عيونك انو مافي حد بحياتي بجوز شي بالغلط صار على قميصي …
#تولين:عمر انا بالشغل هلاء مافيني احكي…
#عمر:-ياعمري ياقلبي…افهميني..معقول انا خون حبيبة قلبي…ومشان اثبتلك هالشي انا عازمك الليلة على سهرة اطير عقلك انا مين لالي غيرك…اهاااااا بتعرفي طلعت الحومرة على طرف مكتب السكرتيرة من قعدت عليه…ثواني صورلك..وابعتلك اياه واتس اب. . .
#تولين:-ممممم وليش قلم الحمرا مرسوم على مكتب السكرتيرة معقول بترسم فيه…
#عمر:-شفتي ماعم كدب عليكي…
#تولين:-ماشي حبيبي خلص اسفة…..
#عمر:-جهزي لالي حالك بالمسااا…
في تمام الساعة 8 مساءا…
#تولين:-الوو حبيبتي سمرا شو رأيك بالفستان الاسود اللي اشتريناه سوا…
#سمر:-بجنن ياعمري…ثواني حبيبتي خليكي معي على الخط…
((جرس الباب….))
#سمر:-عمر…هشش تولين ع الموبايل…
#عمر:-ممممم 
😚…
#سمر:-خلينا اقلعها ثواني…حبيبتي تولين ..هاد البواب شوي ياعمري وبرجع حاكيكي….باي
#تولين:-ماشي ياعمري وانا رح قووم خلص بسرعة قبل ليجي عمر…باي
#عمر:-اشتقتلك …اوووف مشتاق لريحتك..
#سمر:-بعد عني. عمر…بدي اعرف مين يلي كانت معك ..والحمرا على قميصك…
#عمر:-ههههه حتى انتي مو خلصان من تولين جيتي انتي …
#سمر:-مع مين كنت امبارح عمر…
#عمر:-احم انتي بتغاري عليه ولا بتغاري كرمال رفيقتك…
#سمر:-عمر لاتاخد الموضوع بعبااطة…انت بتعرف اني بحبك قبل لتتزوج رفيقتي ….
#عمر:-اي بس شو اعمل المال والفخامة والحياة اللي عم عيشها هلاء ماكنت رح عيشها لو ما اتزوجت تولين…
#سمر:-طيب وانا …
#عمر:مممم بعدك متل ما انتي…هلاء انا جيتك نص ساعة..اشوف هالجمال والمس هالنعومة وبلشتي تعيدي وتزيدي باللي فاات ومضى ..
#سمر:-عمر عمر…
#عمر:-تولين ناطرتني على العشا بنحكي بعدين..باي يااا حلوة…
#سمر:-حقير ..ماشي ياعمر رح عرفك مين سمر…
” أسطورة الحب الأعمى! ”
تقول الأسطورة أنه عندما كانت الأرض خاليةً من البشر كانت الفضائل والرذائل تجوب الأرض، وكانت تشعر بالملل الشديد، فأراد الإبداع أن يجعل الأمر أكثر حماساً، فاخترع لعبة ” الاستغماية”! فراقت الفكرة للجميع وتحمسوا لها، فصرخ الجنون قائلاً: أريد أن أبدأ، سأغمض عيني وأبدأ العد، وأنتم عليكم الاختباء، ثم سأحاول العثور عليكم واحداً تلو الآخر! فوقف عند جذع الشجرة ووضع يديه على عينيه، وبدأ العد.. وبدأت الفضائل والرذائل بالإختباء، فاختبأت الرقة في الوردة، واختبأ العطاء في الغيمة، والقسوة في كومة الأحجار، وهكذا حتى اختبأت الفضائل والرذائل جميعاً إلا الحب!
وقف حائراً كعادته لا يملك قراراً لكنه عندما سمع الجنون قد اقترب من المئة، اختبأ في سنبلة قمح، وعندما فتح الجنون عينيه، وكان ذكياً جداً، سرعان ما وجد الرقة مختبئة بين الورد، وشاهد العطاء في الغيمة، واكتشف القسوة عند كومة الحجارة، وأكمل بحثه يكتشف فضيلة ويعثر على رذيلة، ولكنه لم يستطع أن يكتشف الحب، فلم يخطر بباله أن يكون قريباً منه إلى هذا الحد، عند السنبلة التي كان يعد إلى المئة قربها!
غضب الجنون من فشله، وأراد أن يكتشف الحب بأي ثمن، فأخبره الحسد أن الحب مختبأ في سنبلة القمح، فأخد غصناً مليئاً بالشوك وتوجه إلى السنبلة وضربها، فدخل الشوك في عيني الحب وفقد بصره وصار أعمى!
صاح الجنون نادماً: يا إلهي، ماذا فعلت؟! وماذا يجب عليَّ أن أفعل لأكفر عن خطئي هذا!!
فقال له الحب: لن تستطيع أن تعيدَ إلي بصري مهما فعلت، لهذا عليك أن تقودني طوال العمر، ومن يومها مشى الحب في هذه الحياة أعمى يقوده الجنون!!
نطفة – أدهم شرقاوي ||
هيك حبيت بلش قصتي …يمكن كان الحب الاعمى هو سبب جنوني..انا تولين عمري 31 سنة…من عائلة غنية…املك جميع مقومات الجمال..ليس غرورا بل ذكرا…انا عشت في بيئة مثقفة…وعم اشتغل بشركة ابي للكريمات ومواد التجميل…مرق عمري بسرعة وانا عم ارفض كل شخص عم يتقدم لالي سواء من بيئة راقية او غنية او مثقفة او تناسب مستوى عائلتي كنت ارفض رفضا قاطع..اني اقبل بشخص مابحبو..وكنت انطر وقت ماقلبي يدق ويختار شو ماكان مستواه او طبقته او حياته الاجتماعية… انا ماني مجنونة.. بس دهائي ومسعاي بكشف الحقيقة هي اللي جعلتني ابذل كل طاقتي ..لوصلتني للجنون..عمر هو زوجي …او كما سميتو حب حياتي..او الحب الاعمى…مرق اكتر من سنتين على زواجي منو وانا اساسا مابعرف مين عائلتو ووين..كل يلي بعرفوا انو اسمو عمر القباس…بالبداية ماكان يهمني لافصلو ولا اصلو…بهمني اني بحبو وكنت بدي اياه لالي..عمر هو موظف كان بشركة ابي..وسيم جدا وهالشي هو اللي لفت انتباهي لالو…وشخصيتو الرومانسية وكلامو المعسول..وحركاتو الجذابة واناقتو..والمثالية اللي كان يتحدث عنها ودفاعو عن حقوق المرأة ..وانو ضدد اي شخصية رجال بيقهر امرأة..كنت جدا مستمعة لاحاديثه بشغف… كان كل مرة يجذبني لالو يوم عن يوم…
#عمر:-انسة تولين…مرحبا..
#تولين :-((بخجل))عم تحكي معي انا
#عمر:-ليش اتوترتي هيك…اي عم احكي معك …
#تولين:-اهلا فيك…
#عمر:-تسلمي ممكن تشرفينا على حفلة خطوبة اختي…
#تولين:-اختك..
#عمر:-هي مو اختي بس قريبة لالي وكتير عم اعزها واحترمها متل اختي…
#تولين:-تكرم قبلت الدعوة..والف مبروك…
#عمر:-اي ليكو كرت الدعوة. سمر هي العروس…يوم الجمعة ..لا تتاخري…
#تولين:-تكرم…
((هاد كان اللقاء الاول..اللي تعرفت فيه على سمر…كان شخصية كتير ناعمة وراقية…من شفت علاقة القرب القوية بينها وبين عمر…حبيت اتقرب منها اكتر.. كان تواصلي معها كتير قوي ..كان تعارفنا حلو..كسبت وقتها صديقة مقربة…كنت احكيلها عن حياتي..صار مايحلا مشوار الا مع سمر..بس ماكنت اسالها شي عن عمر..هي كانت تقلي عنو كل تفاصيلو اليومية …
الجزء الثاني…
((يوم عن يوم تفكيري وسرحاني الطويل بعمر ..كان مخليني وافق على اي فرصة تصير لأقابلو… وصار هاليوم اللي كان فيه حفل بشركة ابي لحصولنا على التميز الدولي..ويومها عرف عمر اني بكون بنتو لعامر صاحب الشركة..
#عمر ا:-استاذ عامر بشرفني اني احتفل بتطور شركتنا …
#عامر:-اكيد يا ابني وانا بالاكتر طالما في موظفين مثاليين مثلك.. اعرفك على بنتي تولين…
#عمر:-بنتك تولين…اهلا وسهلا…
#تولين :-اهلا فيك…
((من بعد الاحتفال اللي اقامو ابي…حركات عمر وتقربوا مني كان عم يزيد…اهتمامو ومثاليتو اللي اصبحت متل ملاك طاهر نازل على الارض..كانت كتير عم تأسرني..لعند ماهو بيوم صارحني بحبو ..وانا وقتها ماقدرت اخبي مشاعري كنت متل يلي ناطرة فرصة لتفضح كل يلي بداخلها..قدام هالشاب…قلتو بحبك..بدون ما افكر بعقلي…كان همي ارضي عواطفي..بدون ما انظر لاي شي عم يدور حواليه ومين هاد وشو بكون ومن وين…شو ماضيه مين هني رفقاتو..شو هي حياتو..غمضت عيوني وعلقت حالي فيه..وكنت متل البلسم لكل احزانو ..كان كل مرة يجي يقلي قصة شكل عن حياتو ..كان يخليني احزن عليه بطريقة غريبة ماكنت بعرف انو الرجال مابستحقو الشفقة….
#عمر:- اخ امي رح موت لو فارقتني ياتولين..رح موت…
#تولين :-بعيد الشر عنك حبيبي..ان شاء الله بتقوم بالسلامة…
#عمر:-انا لازم سافر. بدي شوفها بس مابقدر حاسس كل ايدي ورجلي مقطعين..مافي بايدي حيلة كل يلي معي بعتهن لالها كرمال الدوا…..
#تولين :-حبيبي انا بساعدك ..لك عيوني لالك كم عمر عندي…
#عمر:-لا ياعمري انتي شو ذنبك تتحملي تكاليف هاي امي وانا اللي لازم اتحمل تكاليفها…
#تولين:- عمر ..انا وانت واحد وهاي امي..وبتمنى بيوم تعرفني عليها …روح سافر لالها وهاي المبلغ اللي رح تحتاجو .. وشو ما احتجت انا رح جيبو من ابي..رح اشتقلك بسفرك. بس كرمال امك الله يقومها بالسلامة.
.#عمر:-تعي احضنك ماعرفان شلون ردلك الجميل..انتي غيرتيلي حياتي ..انتي انقذتيني…رح افديكي بعمري ياحياتي…
#تولين:- انت حبيبي ياعمر …انا مو بس بالمال بفديك ..انت اطلب عيوني مارح قصر معك…
((بعد يومين على سفر عمر…))
#جنان:-ياعمري ليش اتاخرت…
#عمر:-مشاغل حبيبتي كتير…قومي بسرعة حضري المشروب كتير لسهراتي معك…وينو جوزك الملطووش…
#جنان:-مسافر هههه قلعتو …
#عمر:- لك انتي قوية ..يخرب جنانك ياجنان…
#جنان:-لك جنني موتني عم يشك فيني مابعرف عنو هالمخلوق …شو ماعملت مابيعجبو….
#عمر:-اخ لو انتي لالي لعرفت قدر هالجمال وهالخصر وهالرقص اللي بياخد العقل هههههه..
#جنان:-وين رح نروح نسهر اليوم حبيبي..
#عمر:-شفت لالك بار…اووووه على اتقل شي…جهزي حالك..
((مرت الايام وانا بانتظار عمر على شووق ..كانت كل لحظة بتمر وانا قلبي عليه …ماقدرت اعمل شي ..الا من شفتو وقتها اون لاين على الفايبر…كان صوت عجقة وموسيقى .. بس بعيدة عني كانت…
#تولين :- الوو حبيبي طمني عنك…
#عمر:-ايهئ..احم الوو اي حبي 
😭 مش قادر احكي تعبان…
#تولين:-حبيبي شو صوت هالموسيقى هاي…
#عمر:-هاد فرح عم يمر من جنب المشفى…حبيبي ماني سامعك بحكي معك من تروح الضجة…
((مرقت الايام على عجل…وقتها قررت ارتبط بعمر.. وهيك اتزوجنا بسرعة كبيرة ..بدون فرح وبدون اي مقدمات خطوبة…كنت عم عارض اهلي فيه…امي اللي رفضتو وابي اللي ماعاد يحكيني بسبب قراري ..طلبت اطلع عيش برا حياتي واخد كل وارد مالي لالي..اشتريت بيت وعشت فيه انا وعمر …كانت حياتي رائعة..ماكنت اهتم لالي مصاريف او اي حفلات او سهرات…حتى لو كانت سفريات عم تكلف الاف الدولارات ماكان يهمني شي المهم …اعيش اللحظة مع عمر……لوقت ماعرفت اني حامل…
#عمر:-دخيل عمرك كل مرة بتفاجئيني بهدية جديدة..وشو ياترى جوا الصندوق …وياترى شو المناسبة اكيد ساعة فيها حبة الماس..او سلسلة ذهب. ممممم
#تولين:-من اقلك افتحها بتفتحها…
#عمر:-ماشي..
#تولين:-واحد اتنين .تلاتة…
#عمر:-شو هاد الشوز ..شو صغير..شو هاي لبيبي..هههههه شو مزحة هاي..
#تولين:-حبيبي انا ااا انااا انا مممم
#عمر:-شووو
#تولين:-انا حامل ….
#عمر:-شو قلتي عيدي تاني …
#تولين :-حبيبي انا حامل…
#عمر:-انتي انجنيتي شي…
#تولين:-حبيبي ليش بتحكي هيك…
#عمر:- شلون صار هالشي وانا عامل كل احتياطي…لا لا مرفوض هالشي…
#تولين :-حبيبي شو قصتك..
#عمر:-انا مابدي هاد الولد بكير عليه ماني متهيئ لالو بالمرة..ماني جاهز مابدي اياه من بكرة تروحي تجهضيه….
#تولين :-حبيبي شو هالحكي اروح اجهض فرحة عمري ….لازم تفرح ماكان لازم تصرف هيك انت كسرتلي قلبي بردة فعلك انا كنت جاي فرحانة لالك..
#عمر:- حبيبي لاتبكي..مابهون عليه دمعتك..بس انا ماقدرتي انجيب ولد ما احسن اصرف عليه…يقلي بابا بدي شي وما اقدر لبيه…
#تولين:-حبيبي انت بتشتغل وانا عندي بحسابي بالبنك مصاري…وهيك بنعيش احسن عيشة مع ابنا…
#عمر:-هالشي مابكفي. انا بدي ابني مستقبل لالو قبل لينولد…
#تولين :-حبيبي الله يخليك خليلي ابني…
#عمر:- انا قلت مرفوض من بكرة تروحي تجهضيه ..يا انا ياهو ..
((نمت يومها وانا دمعتي بعيني معقول اتنازل عن ابني… بسهولة…كان قرار صعب اختار بين عمر وابني…متل السكين من كل مكان بتجرح…ماكان لالي الا روح لابي..اطلب منو نصيبي بالميراث…
#تولين:-بدي نصيبي بالميراث…
#امي:-انتي انجنيتي بدك تورثي ابوكي بالحيااا…شو عمل لعقلك هاد المخلوق…
#تولين :-بحبو ورح ضلي حبو….انا بدي ابني حالي بدي اعمل مشروع لالي…
#امي:-تعرفي انتي تستاهلي كف يصحي عقلك الميت…
#ابي:-اتركيها اعرفي انو ميراثك وصل.. ومابدي شووف وجهك بعد هيك اعتبري ابوكي مات….واعرفي انو بيوم من الايام الشخص اللي بعتي اهلك كرمالو رح يجي يوم ويبيعك كرمال حالو..اتذكري كلمات ابوكي منيح…
((اطلعت من بيت ابي وانا ماعم اهتم لشي كان كاسر خاطري ابي..بس كنت بدي ارضي عمر بأية طريقة ليتركلي ابني …
#عمر:-شوو هادول من وين…
#تولين:-هادولي حصتي من ميراث ابي…
#عمر:-لشوو كل هالمال…
#تولين:-لمستقبل ابنا…الله يخليك خلينا نعيش عيلة وحدة..
عمر:- ياعمري مابصير …مابعرف شو بدي قلك…هالمال كان لازم انا جمعو من تعبي لاعيشك احلى عيشة….خلص رح افتح فيه مشروع والمبلغ اللي رح اكسبو رح ارجعو كلو لالك…
((وافق عمر وقتها على المبلغ واخدو مني بدون ما يطلع لورا..نسي الطفل ونسي كل شي…ويومها مارجع الا وجه الصبح….
#تولين:-حبيبي انت سكران…
#عمر:- انا ايهئ اب فاشل…انا احوجت حالي لمرتي…
#تولين :-انا وانت واحد حبي وين كنت وشو عامل بحالك….
((نام جوزي وتاني يوم الصبح قلي انو كان سهران مع رفيقو مشان موضوع المشروع…بس رفيقو غدر فيه وشربوا ويسكي بالغلط..مرق الاسبوع الاول وكان جوزي ما اشوفوا الا قليل واتكررت حالة السكر مرتين…
((وبيوم فقت على صوت حركة بالبيت كان جوزي بعدو مانو راجع من السهر وقفت على اول الدرج عم .نادي..
#تولين:-مين هون….عمر حبيبي انت هون رد عليه….مين انتي مين انتي ……..اااااااااااااخ
((اخر شي شفتو من كنت واقعة من على الدرج…كانت وحدة كلها اسود بأسود…
الجزء الثالث
#عمر:-حبيبتي شو صرلك مين عمل فيكي هيك…اسعاااف …
((يلي فقت عليه هو صوت عمر …نقلني على المشفى..بعد ماكان صايبني كسور برجلي وايدي ..كانت لحظات صعبة انك تكون عاجز عن كل شي …كان عمر على طول جنبي..لعند مابلغني الدكتور اني اجهضت..بعدها اختفى ماعرفت وين صار.. مالقيت الا ابي وامي معي ..كانت ايام كتير مرة وصعبة…اللي اتبيع كل شي كرمال يبقا رح اجهاض ابني تعبني نفسيا…طار كل شي…حتى عمر اللي كنت محتاجة وقفتو او كلماتو من يقلي ماصار شي..وانو رح انجرب مرة واتنين وانو الله يعوضنا ماسمعتها….اخدني ابي لعندو وهو عم يشووف فيني نظرات الحسرة…بقيت بهاديك الفترة دق على عمر ماكان يرد عليه…حسيت انو خلص تركني ورح …بعد 3 اسابيع بالزبط…
فَحينَ أعلنتُ عليكِ الحبُ أعلنتِ عليَ الهجرَ، وحينَ بادرتُ بالوصلِ كَفيتيني بالقطيعةِ، فأي ساذج أكونُ إن عدتُ إلى حبكِ..
#المنذر_فرحان
#تولين:-الووو…
#عمر:-حبيبتي…
#تولين:-انا ماني حبيبتك لاتتصل عمر تاني فيني…
#عمر:-حبيبتي امي ماتت…
#تولين:-شوووو متى وشلون…
#عمر:-يوم ما كنتي بالمشفى اجاني اتصال انها دخلت في غيبوبة…حاولت بكل قدرتي ساعدها ماقدرت من اسبوع ماتت..مرقت بكتئاب واحباط..انا خايف…خايف من الكل يتركني..امي وماتت ..وابني ومات وانتي بتقليلي لاتتصل..انا وحيد ياتولين..انا عم عاني..انا مالازم عيش..بدي انتحر وارتاح….
#تولين:-عمر لاتعمل هيك عمر اذا بتحبني..وين انت انا بجي لعندك انا رح ابقا جنبك مارح اتركك رح نجيب ولد واتنين رح عوضك عن كل شي…
#عمر:-حبيبي سامحيني اني تركتك بهاي الحالة…انا اسف حبيبي…
#تولين:-انا ماني زعلاني حبيبي انا معك وجنبك..تعا ناطرتك في بيتنا ….
#عمر:-رح اجي حبيبي رح اجي كتير اشتقتلك انا…
#تولين :-ناطرتك لاتتأخر عمر …
.
عزيزي قلبي
إن لم ينطفئ حنينك لهم برغم كل شئ فانت بالتأكيد تعرف اين يُمكنك أن تجدهم اخرج مني واذهب اليهم إذ شئت، ايُها الابله العاجز.
#عمر:-هههه معتوهة…
#جنان:-مين هاي ياعمري ..
#عمر:-منبع المصاري…قال بتحبني قال…
#جنان:-ههههه تولين..حبيبي ليك المصاري اللي طلبتهن هاد اللي قدرت اضحك على زوجي التشتوش فيهن …
#عمر:-هههه المعتوه التاني طلع معو مصاري كتير…بالله شو الكذبة الجديدة 
😂😂
#جنان :-قلت لالو شاكة فيني مرض..والمبلغ كبير للتحاليل..كان ياويلي خايف متل البيبي الصغير 
😯😯 ههههه وقلي خدي كل راتبي بس طمنيني…اااخ ماقدراني وقف ضحك…وين رح نسهر حبيبي الحلو اليوم…
#عمر:-اليوم مافيني حبيبي رايح لعند المعتوهة…ضروري روووح …انتي بتعرفي بلش يخلصو المصاري…
#جنان:-طيب هاد شو اعمل معو
#عمر:-دبري حالك مرسي على المصاري بحبك جن جوون 😂😂….باي ياقمر…
((كان فيني بالبداية اعرف عن حالي…بس الاحداث اتسرعت.شوي انا جنان متزوجة من جميل عمري 28 ..عندي طفلة..انا اللي اجرمت بحق حالي وبستاهل اي عقاب يصير معي…بس انا كنت ضحية تانية متل تولين…ضحية حب…بس مو بنفس طهارتها..لاني خاينة…اتعرفت على عمر بملهى ليلي…وبلشت علاقتي المحرمة معو…زوجي جميل كان نعم الزوج ..كان اغلب وقتو بالشغل ..كان لالو شفتين شغل..صباحي ومسائي …ايام من التاسعة بالليل حتى الصبح…وايام من الصبح حتى التاسعة بالليل..كان عم يشتغل ليل نهار ليحقق طلباتي اللي ماعادت تخلص لاني كنت هددوا اني اتركوا…وهو كان يعمل المستحيل لابقى معو ومع بنتنا. اللي كان يعتقد اني عم اهتم فيها.. بس بنتي كنت اتركها عند بنت عمي..اللي انا مدمر لالها حياتها ..وكامشها من ايدها اللي توجعها…لان سبق واني كشفتها عم تحاكي وتطلع مع غريب..مقابل ضلي ساكتة كان لازم تدفع الثمن انها هي تعتني ببنتي بحجة انها بتحبها ومابدها تتخلى عنها لحظة..وهالشي كان يعطيني الفرصة لاطلع قضي ليالي مع عمر …بس هالشي ماطول كتير .. بعد ماكشفت مرض بنتي الجلدي العاطل…هالشي كسر ضهري …ماكنت اتصور هالشي يهدني وشو رح ينفعني الندم…بس اللي قدرت اعملو اني اكفر عن ذنوبي …من بعد ماكشفت مرض بنتي وصلت لحالة كان جوزي واصل لديون كتير كبيرة لو بعنا كل شي بنملكو مارح نكفي ربع الديون..ومرض بنتي متل ضربة صحتني…
#جنان:-الو عمر ابووس على ايدك الحقني…
#عمر:-شو في جنان…
#جنان:-بنتي عندها مرض جلدي عم ياكل لحمها..وهالمرض نادر ولازم طلعها برا تتتعالج..وانا مامعي شي عالجها ساعدني اتوسل لالك رجعلي مصرياتي ..او اعطيني لو ربعهن…
#عمر:-عم تذاكي عليه..ولا شايفتيني اهبل عم اركض حافي بالشوارع…انصرفي…ماني فاضيلك روحي شوفي شي عاهر تاني اضحكي عليه…قال بنتي قال…ياكل عضمك وجلدك هالمرض ولسانك الكذاب…انقلعي…
#جنان:-عمر عمر والله مابكذب اسمعني الووو عمر ليش هيك تركتني لحالي…
((كنت على اخر المطاف…قلت عمر مارح يسدقني…الا لما واشوفوا بنتي والتقارير..
الجزء الرابع …
جمعت حالي وتيابي واخدت التقارير وحملت بنتي ورحت على بيتو لعمر..دقيت الباب وانا متأكدة انها مرتو اللي رح تفتح لالي الباب…كنت خايفة شو قلهاا …فتحتلي الباب ست جدا كانت جميلة ..بس كانت متل الذبلانة حزينة وبعيونها شوية دمع ….يمكن عم كذب لو قلت شمعة مطفية…نحيفة . كنت متوترة وخايفة اقلها انا هي حبيبة زوجك اللي عم يخون معي…
#تولين:- مرحبا…
#جنان:-عمر هون…
#تولين :-مممم عمر مسافر رح يزور قبر امو ليش مين انتي …
#جنان:-انا مرت رفيقو..جيت لعندو مشان موضوع …
#تولين:-اتفضلي..اذا بتحبي تنطرية…هو بالمسا قال راجع لان من امبارح مسافر…
#جنان:-اي ياريت انا بحاجتو ضروري …
((دخلت البيت استقبلتني تولين بصدر رحب..كانت كريمة وباينة عليها بنت ادمية وطيبة…
#تولين:-بدي اسالك وخايفة احرجك..بنتك معها جدري لسمح الله…
#جنان:-مممم لاء بس بنتي مريضة وبدي سفرها بدي احكي مع عمر ليعطيني من مصاري زوجي …كرمال عالجها..الله يخليكي اتصلي عليه…
#تولين :-اتصلت حبيبتي قال ربع ساعة ويصل البيت…وان شاء الله بيعطيكي حقك…
#جنان:- هاد البيت لالك..
#تولين :-لالي ولعمر…
#جنان:-عندك اولاد..
#تولين :-
😿…
#جنان :-اسفة ماقصدت …
#تولين :-انا ابني مات اجهضتو من فترة شي شهرين…ليكو وصل عمر…اهلين حبيبي …عمر في مدام وبنتها محتاجينك ..جوا..
#عمر:-مين هاي…
#تولين:-مابعرف فووت شوفها …
#عمر:-انتي شو جابك على بيتي انقلعي هلاء انقلعي يانصابة…
#جنان:-ابوس على ايدك ساعدني اعالج بنتي ليكها قدامك شووف جسمها شوووف ضهرها انا مابكذب …سدقني مريضة هاي التقارير..رجعلي لو ربع المبلغ…
#عمر:-مبلغ شو…لك حاجتك تتبلي عليه اطلعي من هوون تعي اطلعي من هون…
#تولين:-عمر عمر لاتعمل هيك لاتعمل هيك… حرام حرام…عمر وقعت البنت …عمر…
((عمر وقتها جر جنان من شعرها وطردها برا البيت وانا الحقتها كرمال وقفها ..انا رح ساعدها ماعجبني تصرف عمر القاسي معها….
#تولين:-انتظري انتظري…انا رح ساعدك انتظري…
#جنان:-انا السبب..الله عم يعاقبني ..انا السبب…
#تولين :-خلص ماعاد فيني نفس وقفي ..وقفي…
#جنان:- الله يصبرني خلص اتركيني…
#تولين:-بدي ساعدك انا رح اتكفل بعلاج بنتك كلو…بس وقفي..ولا اقلك تعي نطلع من هون..اركبي سيارتي..انا رح اخدك لمكان امورك كلها تنحل…
((اخدتها معي وانا قلبي كان عم ينتفض على الطفلة كان نفسي احضنها اعوض حنان ابني اللي فقدتو..طفلة بريئة..كمان ضحية سببها عمر وشجعو …اخدت جنان وبنتها لدكتور وجهزت لالها التحويلات كرمال السفر..وباخر الليل من وصلتها قالت لالي كلمتين عرفت معناهن بالاخير…
#جنان:- تولين احيانا الشخص اللي بتلاقيه سعادتك هو بالاساس سبب التعاسة اللي بتعيشيها حذاري …
#تولين:-مافهمت مغزى كلامك…
#جنان:-بعدين رح تفهميه احذري الناس المسمومة حواليكي..انا بتشكرك من قلبي على وقفتك معي..ومتأكدة بيوم رح ردلك الجميل…انتبهي على حالك…
((ارجعت على البيت وانا عم فكر بكلام جنان..والحالة اللي وصلت لالها بنتها بسبب شجع عمر..اللي كنت عم اكشفها يوم عن يوم..وبلش قلبي يدلني …كانت صديقتي سمر هي مخبأة اسراري..بس كل شي كنت احكيه لسمر كنت احس انو عمر بيعرفوا..واكتر من مرة سألت عمر اقلو من وين عرفت يقلي عم اتنبأ…ومن اسال سمر تحلف لالي انو سري في بير.. لعند ما اجا اليوم المشئوم..اللي لقيت فيه على سريري سلسلة ماكانت لالي…وكنت متأكدة انها مو لالي غير الشعر الطويل اللي باللون الاشقر..هاي كانت صدمة كبيرة..لالي .. معقول في حد بنام على سريري…بالبداية خفت ناقش عمر ويعرف اني كشفتو ويصير يعملي اكتر من عذر…وينعتني بالمجنونة كالعادة..خبأت الامر ولا كأني بعرف شي …وحتى سمر ماحبيت خبرها بشي ..تركت لحالي الامر وانا عم اتحسر شوي شوي…خبيتو بين وبين حالي…وكأني ماعرفت ولا شفت شي…
#سمر:-حبيبتي اليوم الجمعة وين حابة تسهري…
#تولين :-انا ياعمري مارح روح اسهر مع الصبايا…بعدين انتي الاسبوع اللي قبل قلتي جاي وبعدين مابعرف شو صار معك ولا جيتي…لهيك اليوم رح خليه روح زور امي وابي مشتاقلهن….
اعتذرت عن جمعة الصبايا اللي كنا عم نعملها كل جمعة…اخدت حالي ورحت زوور ابي…بس مابعرف شو اللي خلاني ارجع لبيتي…لان اليوم اللي لقيت فيه السلسلة كنت مع البنات سهرانة…معقول هاليوم في حد بجي على بيتي بغيابي..وصلت لبيتي كان غرفة نومي مشغلة اضاءتها وبالعادة عمر هالوقت مانو بالبيت …معقول نسيت اضاءتها ..بس من شفت خيال…خفت حسيت انو في حد في بيتي..دقيت على عمر…
#عمر:-حبيبي بعدك مو نايمة…
#تولين:-عمر انت وين حبيبي…
#عمر:-مع رفقاتي ليش حبي…
#تولين :-يعني مافيك تشوف القمر متلي…
#عمر:-شلون بدي شوفوا وهو رح يزور امو وابوه …كتير اشتقتلك
#تولين :-انا وعم شوف السما اتذكرتك بليز ياعمري لحق شووف تعا …
((بهاديك اللحظة خطتي نجحت وقف عمر على البرندا وهو عم يحاكيني كنت عم شوفوا من سيارتي…بس اللي فاجئني انو كان معو موبايل تاني عم يكتب عليه…..
#عمر:-حبيبتي لحظة رفيقي عم ينادي عليه….
((خيال شخص تاني بالبيت وقف عند البرندا بس عمر دفشو لجوا ماحسنت شوف شي او اتاكد من شي …نزلت من سيارتي لاكشف خيانة عمر بعيني ….بس وقتها صار غير يلي كنت متوقعو ..ماسدقت عيوني…..
الجزء الخامس
#تولين:-مين عندك بالبيت…
#عمر:-شو جابك بالوقت هاد…
#تولين :-عمر عم اسالك مين معك في بيتي …
#عمر:-مافي حد…بس انا مابحب هاي التصرفات عم تخونيني جاي تراقبيني…
#تولين :-لكان افتح اشوف مين…بدي اعرف مين يلي معك …بعد عن الباب هيك…
((على لحظات كان بدو يغط على قلبي…معقول توصل خيانتو انو يجيبها لبيتي…فتت البيت كان في اثار للمسات انوثة وسهرة واجواء رومانسية بس مالقيت حد…طيب وين راحت شلون طلعت.. مين هي ..
#عمر:-شو اتأكدتي انو مافي حد…وانو كل هالشي عبارة عن اوهام عم ادور في راسك…
#تولين:-شووف عمر لاتفكر اني ساكتة معناه اني بتحسن تخدعني..مصيري اعرف مين هي اللي لحقت اتهربها من بيتي هاي الاجواء وكاسات المشروب لاتقلي انت يلي كنت تشرب فيها لحالك…هاد الحكي فارغ ومارح يعبي راسي…اذا عم تفكر تلعب بمشاعري يكون بعلمك ختمت علاقتك معي…
#عمر:-ييييي علينا وها وها لك بدي كسر كل شي…انت مرة نكدية انا تعبت منك ومن قرفك…لك شوفيها لو بدي اقعد مع حالي ارتاح…
#تولين:-اتعبت مني ومن قرفي …وليش لتكذب عليه وتقلي انك مع رفقاتك….
#عمر:-لك انتي ماعم تستوعبي..انا تعبان ..بدي ارتاح حرام الواحد يرتاح لك انتي شوو…لك حاجي نكدتي على حياتي وقلبتيها نكد…
#تولين:-انا انا..انا اللي عم نكد عليك ولا هاد انت اللي قلبت حياتي جحيم…لك انا كرهتك انت خاين وانا متأكدة من احساسي ..انا حساسي مابخيبني..انت كان معك شخص هوون وانا شفتك وانت عم تدفشو من البرندا ..
#عمر:-لااااه انتي كتير زودتيها انتي مجنونة على الاخر.. تصرفاتك تصرفات وحدة مجنونة ومريضة . وعقلها مو مساعدها..روحي اتعالجي…
#تولين:-مافشرت…
#عمر:-انا مافشرت يا واطية وهاااا لتتعلمي ترفعي صوتك وتغلطي عليه…
#تولين:-عم تضربني عمر…
#عمر:-واكتر من هيك…اطلعي برا اطلعي…
#تولين :-بعد هيك بدك اطلعني من بيتي….
#عمر:-بيت شو.. نسياني انك حولتي كل املاكك كرمال مستقبل ابنك الوهمي لالي…انت مافي لالك قانونية شي…انقلعي من هون اتحملت قرفك فووق العادة.. برااا برااااا ….
(( كنت ضايعة عم دور بالشوارع متل الوحيد اللي مالو حد…بيتي وماعاد لالي..وابي بعد كل يلي عملتو مافيني ارفع وجهي فيه …كنت زعلانة من حالي..حب عمري هدمني…يمكن بعدني ماصحيت ..لا هلاء صحيت انا اساسا غبية تركت واحد متل عمر يستغلني…شخصيتو الوهمية الكذابة خدعتني …المثالية اللي كان عم يحكي فيها كانت كذب بكذب…مابعرف شو صار فيني صرت هلوس بالطريق..معقول كانت عيوني مغمضة على كل شي..وقلبي اللي دمرني…ابي كان صادق شخص متل عمر لايتناسب مع مستواي طمعو وشجعو وحبو للمال هو يلي عمل فيني هيك…
#سمر:- الووو تولين شو في شو صار معك…
#تولين:-تعباني سمر مافيني اتحمل..عمر ضربني وطلعني من البيت…
#سمر:-انتي وين هلاء…
#تولين :-عم دور بالشوارع متل المجنونة…
#سمر:-ابعتيلي عنوانك اجي اخدك بسرعة لاتتاخري…
#تولين:-ماعرفاني وين روح…
#سمر:-رح اخدك لعندي انا بعرف انك بموقف صعب..ابعتيلي موقعك على الواتس او فايبر…
((مرقت نصف ساعة وانا عم انطر سمر تجي..ارجعت دقيت عليها كان موبايلها بالبداية مشغول بعدين صار مقفل على الاخر…كنت خايفة ..شو صار معها كمان…بعدني مامشيت الا ماشفت شي …حد غطى على راسي بقطعة قماش ودفشني جوا سيارة…ماكنت عم اسمع شي بس صوت الهوا من الشباك…
#تولين:-مين انت شو بدك مني ليش خاطفني فك عن عيوني ….ارجوك مين انت.. اتركني روح…
((كل هاي الاسئلة مالقيت لالها جواب…. كنت عم انهار عصبيتي زادت ..صرت ابكي متل اطفال مابعرف شو صرلي..انادي على امي على ابي..حد يساعدني …لحسيت اني فتت بيت او شقة مابعرف انا وين…وانتركت فيه…ماكان حد فكيت بالقوة اللي على عيوني كان بيت مظلم على الاخر بلشت اتحسس لوصلت لشباك ورفعت الستارة ليفووت نور..كان مقفل بطريقة غريبة ماحد بيحسن يفتحو..بس كنت عم شوف من الفتحات اني ببيت كتير عالي..اتحسست الحيطان لوصلت لفتحة الكهربا…وشعلت انارة البيت اللي كان مجهور ..وكلو غبار واتربة وحشرات وشبكات عناكب وحيطان لونها اسود متل بيوت الرعب …كان الامر مانو سهل عليه…كنت عم ارجف من خوفي…انت وين حد يساعدني مين يلي جابني هون…بقيت طول اليوم وانا عم نادي ودق على الشبابيك ماكان حد عم يسمعني..المكان مقرف الحمام الديدان عم تسبح فيه..والمطبخ الاكل فيه كلو عفن…واطباق ماصرلا ايام مستخدمة….غرفة النوم اللي كلها حقن…اي حقن هاد الشي اللي غط على قلبي…ماقدرت امسك حالي يومها من المنظر بلت على حالي…بلشت ايام العذاب ..دورت على موبايلي مالقيتو…مين ورا كل هالشي…باليوم التاني انفتح الباب وطلع منو رجال ضخم كتير …عن اربع رجاال منظروا مخيف شخصيتو باينة عليه انو مجرم….ماحكا ولا حرف كل يلي عملو رمى لالي بكيت فيه اكل..وورقة…فتحت الورقة وكانت كالتالي مكتوب فيها…
#عزيزتي تولين….
حبيت فاجئك بمفاجئة اجمل …اللي ياخد.شي مو لالو..رح يجي يوم واخد منو حتى راحة بالو …اتهني بالاجواء الجديدة…لتعفني…
((مين يلي ورا هالرسالة اكيد عمر مافي غيروا لا لا بس عمر مابيعمل فيني هيك صح استغلني وكذب عليه وطردني بس مو لدرجة يوصلني لهيك مكان….غفيت وانا عم فكر بكل شخص مر بحياتي او يمكن كون اذيتو….وبالمسا رجع نفس الشخصية وكان معو واحد بنفس الشكل قربوا لعندي…
#تولين :-مين انتو شو بدكن فيني ..بعدو عني هيك بعدو عني….
((ماكانو عم ينطقوا بشي واحد كمش ايدي وخلانهن لورا ورفع رقبتي لفوووق والتاني بكل قوة وضخامة جسمو قعد على رجليه….واعطاني برقبتي حقنة…اغمى عليه وماحسيت بشي…..
الجزء السادس…
بعد ربع ساعة فقت متل جسمي عم ينفض بمكانو فيني حكة ..صرت اهرش ايدي ورجلي بقوة…لدرجة الامر صار يزيد …جسمي عم ينمل بزيادة ..قربت صرت احك ايدي بقطعة حديد..لجرحت ايدي وماكنت عم اشعر بشي..ماني حاسة بألم …بس في شي عم ياكلني من جوا..صرت دق بالحيطان بدون ما اتألم…كسر بكل شي…اصرخ صرت اصرخ بأعلى صوتي…ماعدت اسيطر على حالي كل شي قدامي كنت احملو ووقعو على الارض اي شي صرت كسروا بدون ما اتوجع..لرجع فتح الباب..رجعو تاني هجمت عليهن وبلشت اتكمش فيه واخرمشهن ..وقتها واحد فيهن ضربني بايدو على وجهي ومن قوة الضربة اتراجعت لورا صرت بدي ارجع اضربوا بلشت كسر بالخشب لاحصل على شي كبير اقدر اضرب فيه..كان التاني عم يصور فيني كل ما تجي لمعة الفلاش بعيوني صير خابط بحالي واصرخ واشد شعري…كانت عم تستفزني…بعدها ضربني على رقبتي وغط عليه ونمت…فقت مابعرف كم يوم نمت بس كانت ليل…كان جسمي بيوجعني كتير كان كلي جرووح وايدي مفرقين بالدم الجاف..هالشي اكدلي اني نمت فترة طويلة…كانت راسي بتألمني كل شي فيني عم يألمني…
ماقدران اوصفلكم العقاب اللي انا فيه حتى عيوني جفو من البكي…بس حرقة عم تكويني…كنت عم حاكي حالي..ماعرفاني شو اعمل….كنت عم اصفن بالساعات…لوقت ماسمعت صوت حركة او همس لا لا صوت حد عم يدق شي…قربت حالي جنب الحيط كان في صوت حدا جنبي..كان عم يدق بسرعة كتير مشغول صرت نادي وادق على الحيط بس ماكان عم يسمعني لوقت ماوقف وصنت ماعاد في صووت…بس هالمرة رجع هو دق بايدو على الحيط ثلاث دقات…انا رديت عليه فيهن….
#تولين:-انت عم تسمعني الله يخليك رد عليه انا محبوسة هووون….
((ماكان في اجابة لشي بس كان يروح ويرجع يدق على الحيط بايدو ..وارجع رد عليه بدقات اقوى واكتر..بس فقدت الامل ماكان عم يسمعني مافي كان لالي حظ بشي…صرت استنجد ربي يطلعني من هون…مرق ساعة …ارجعت دق هو مارد عليه …لوقت اسمعت انو اكرة باب الميت عم تتحرك خفت يجو هادوليك ويعملو فيني نفس الشي يحقنوني بإبرة…كمشت بإيدي عصا وبعدت عن الباب…بس هالمرة مافتح الباب…كانت اكرة الباب عم تتحرك بسرعة وصار دق على الباب…كنت خايفة قرب…بس من شفتو عم يدق نفس دقاتي على الحيط عرفت انو الشخص يلي كان بمقابيل الحيط..بسرعة ركضت لعند الباب….
#تولين :-ساعدني الله يخليك ساعدني…
#مجهول:-مين هون…
#تولين :-انا مخطوفة في ناس عم اتأذيني ارجوك ساعدني…
#مجهول:-مين هني اللي خاطفينك…
#تولين :-رجال ضخام اتنين وعم يعذبوني بالابر..مابعرف شو هي …ارجوك طلعني من هون والله لاعطيك مصاري كتير بس طلعني…
#مجهول:-اختي انا مابدي مصاري ….انتي يلي كنتي عم تصرخي من يومين وصوت تكسير…
#تولين :-اي اي هي انا …عم يحقنوني ابرة مابعرف شو بتعمل فيني..لاقي طريقة اطلعني من هون…
#مجهول:-ان شاء الله …انا ساكن بالبناية المساندة لهاي…من شي اسبوع وعم انقل اغراضي….هاي البناية مهجورة لان صابها حريق قوي من فترة…وبالعافية للقيت مدخل فوت لعندك…انا اسمي كرم…رح شوف طريقة افتح هاد الباب لان موصد كتير وصعب افتحو…
#تولين :-اخي انا اسمي تولين عامر صاحبة شركة تولين للكريمات…امانة تروح لابي تخبروا اني هون وانو في ناس خطفتني…اخي انت سامعني اخي ….وين رحت ارجوك رد عليه…
((وقتها اسمعت حركة مفتاح…اتاكدت انهن اجو..اكيد كشفووه اكيد كمشوووه … مابعرف شو اللي خلاني انقلب هيك وما اخاف منهن..فتحوا الباب وانا واقفة قبالهن…كنت متوقعة يجو يحقنوني ابرة متل العادة لان ماكان فارق عندي شي اذا موتة انا رضيان مابقي اصعب من هيك موت بالبطئ…فاتو وتركت حالي لالهن مشان يحقنوني واموت هالمرة…بس ماعملو هيك رمو لالي بكيت اكل.وقفلو الباب وطلعو كان بالباكيت ورقة تانية…
((مكتوب فيها كالتالي)))
((حلو شعور الجنون…هاد اللي وصلت لالو بسببك…جربية ..))
..
((كنت متأكدة لحظتها انو رح يرجعوا بالعصر يعملو فيني نفس الشي…بس يلي صار بعد ساعة غير هيك…
#كرم :-تولين انا هون سامعتيني…
#تولين :-اي اي وين رحت وتركتني…
#كرم:-انا من شفتن طالعين …اتخبيت منهن مشان مايكشفو اني عرفت ويغيروا مكانك…
#تولين :-انا فكرتهن كمشووك..
#كرم:-لا لا تقلقي ….اختي انا رحت للشركة كانت مقفولة…ومافيها حد…
#تولين :-شركة ابي مقفولة…هو شو اليوم….
#كرم :-اليوم الاربعاء انا سألت قالو انو عندو محاكم .لهيك قفل الشركة…
#تولين :-ابي شو صار معو ……طيب معك تلفون…خد اتصل عليه…
#كرم :-هاتي الرقم بسرعة…
#تولين :- 205428 مش قادرة اكمل الرقم نسيانة…ماعم اقدر جمع منيح …
#كرم :-ااسمعي انا رح ساعدك…اليوم بالليل رح اجي افتح الباب….الظاهر في حد بالبناية….رح اتاكد منها منيح اذا فيها….
حد او لاء …
(مرق ساعات الليل وكرم ما اجا من شفت حركة الباب فكرتو هو …بس رجعو الرجال الضخام..وكان معو هالمرة مادة مابعرف شو هي…ماكانت حقنة …قرب عليه وحطها على وجهي ….ضخامة جسمو ماخلتني قاوم شي…وغبت من تاني عن الوعي….وفقت وانا الصورة قدامي كتير مشوشة..بس حسيت انو هالمكان مو يلي كنت فيه مو الحيطان السودا والغبار والريحة النتنه…..
#مجهولة:-ليكها فتحت عيونها يا امي تعا شووف…
الجزء السابع…
#تولين :-مين انتي …وين انا ..
#كرم:-تولين هاد انا كرم…هاي امي…
#تولين:-كرم انت طلعتني من هونيك…
#كرم:-اي ارتاحي انتي هلاء في بيت امي…لاتاكلي هم انتي بأمان…
#تولين:-راسي ..
#كرم:-خدي اشربي هاي رح تروقك..انا طلبت دكتورة لالك هلاء رح تجي…لاتشيلي هم شي…
#تولين :-شلون طلعتني من هونيك…
#كرم:-بقيت انطر انا ورفيقي عبد..شي ساعة لتأكدنا انهم راحو…وبمنشار الكهربا ..فتحنا الباب لقيناكي بأرضك مغمى عليكي..اخدتك لبيتي هون..واتصلنا على الشرطة مشان المكان…مابعرف شو صار. ان شاء الله يكونو كمشوهن..لان البيت فيه صناديق مخدرات وهيروين وفلاكا..وهاد يلي حقنوكي فيه…هاد بحول الشخص لزومبي بقولوا عنو المرأة الجميلة من ارخص انواع المخدرات بصير الانسان يقطع ملابسو ويحك جلدو بشراهة وبتصرف بهلوسة وجنون مابكون حاسس بشي واوقات بوصل للقتل او قتل حالو..كان لو جرعة تانية كانت قتلتك…لهيك اعطوكي مخدر تاني ينيمك…وهاد اللي جينا لقيناكي فيه بهاي الحالة…الحقن اغلبها اللي كانت موجودة احتمال يكونوا اطفال بعمر صغير اللي عم يتعاطوها…لان وجدو قائمة اسماء عريضة مع تواريخ ميلادهن واغلبهن مراهقين وسنهن صغير..واحتمال يكونوا عم يستخدموهن بخلايا الارهاب…انتي وصلتينا عن طريقك لطرف خيط عم انلاحقو من زمان…
#ام كرم :-الله يحميك يا ابني..تولين يابنتي ابني محقق كبير بالدولة بشتغل بالقضايا الجنائية والمخدرات…ان شاء الله رح يعرف مين يلي عمل فيكي هيك…
#تولين:-مابعرف كيف اتشكرك …انا عذبتك معي ..شكرا لالك خالتو…
#كرم:-مابدي تشكريني هاد واجبي…
#ام كرم :-قومي خالتو اشربي هاي الشوربة …وجهك اصفر ..كتير رح تساعدك لتعيدي صحتك…
#كرم:- كأنو جرس البيت عم يدق..
#ام كرم :الظاهر هاي الدكتورة..اكمش امي الطبق خليني روح افتح…
#كرم :-لازم تاكلي منيح لتحسني تساعدينا نصل لرقم هاتف بيك لان هو مسافر هو وعائلتك .. ولارقم قدرنا نتواصل معو فيه….
#ام كرم :-سامية…شو جابك هلاء..
#سامية :-وينو كرم مين يلي مشغول بالو فيها…ابنك عم يخوني يا حماتي…
#ام كرم :-وحدي الله شو هالحكي …
#سامية :-لكان وينو. كرم….اخواتي شافوه حامل وحدة …مين هاي..
#ام كرم :- استغفر الله يمكن عم تتوهمي ..روحي على بيتك هلاء جوزك مو هون…
#سامية:-العبي غيرها حماتي…حاجتك كذب جزمتو برا ليكها …كرم كرم…
#كرم :-شو سامية شو جابك هلاء….
#سامية:-مين هي يلي كنت حاملها وطالع فيها لهون…
#كرم :-هالشي مابيعني لالك …خدي حالك واطلعي فووق…
#سامية :-لا مارح اطلع …شو الظاهر انشغالك بشقتنا الجديدة كان للعروس الجديدة وينها وينها…بعد هيك…مين هاي…
✋ عم تخوني كرم انت وامك الحرباية…
#كرم :-اطلعي برا سامية لارمي عليكي يمين طلاق..لانك اتجاوزتي حدك بما فيه الكفاية وليكني صابر عليكي..هاي بنت اوادم عم تمر بظروف لاعم خونك ولا عم اعمل شي غلط هاد شغلي وواجبي اذا ماطلعتي من هون هلاء اعرفي انك مارح ترجعي على ذمتي بتاتا لان هاد اخر انذار لتطاولك وصوتك العالي وسبك لالي ولامي اخر انذار…
#ام كرم :-استهدي بالله يامو الله يصلح حالها لا تعمل هيك..
#كرم :-لا اله الا الله انتي مانك شايفة افعالها صار سيطي على كل لسان من وراها لابتحفظ اسرار وصوتها عالي ومهملة انا قرفت انا مليت…
#سامية:-ماشي ياكرم ان ماجرجرتك بالمحاكم ما اكون سامية…
#كرم:-الله معك ..
#سامية:-خليها تنفعك قليلة الاصل اللي عم تخرب بيوت…
#تولين :-لحظة لحظة…
#ام كرم :-شو قومك ياقلبي من السرير…
#تولين :-لحظة اختي انتي فاهمة الموضوع غلط..
#سامية:-اتفي..
#تولين :-لا تروحي انطري…كرم روح الحق مرتك لاتتصرف هيك وتخرب بيتك…
#كرم :-فوتي انتي كمان جوا …شو اللي قومك عم تزيدي الطين بله على حالك..
#تولين :-بس هي تركتك بسببي..
#كرم :-تصطفل هي من زمان هيك فرطت لالي قلبي.. ارجعي على سريرك ارتاحي انا رايح اشوف الدكتورة ليش اتاخرت …
#ام كرم : روح يامو راضي مرتك بلاها مشاكل بكرة بتتغير مشانها صغيرة بس…جاهلة
#كرم :-ماهو هاد المصيبة مارايح راضي حد …خلي ابوها يرجعها ماغلطت بشي…سلام…
((كرم هو شاب عشريني تقريبا فيه 29 سنة …اما سامية فيها شي 20 سنة او اقل كانت صبية صغيرة ..غيورة جدا ودمها حامي على كل شي..اما كرم هو شخص رزين وشخصية رجولية فووق العادة حنطي البشرة وكريزما عنفوانية دقيقة وهادية…مابعرف شلون اشرحها لالك من يكون عنيف بالامر بكون بنفس الوقت هادي…بقيت عند ام كرم فترة طويلة خلال الايام الاولى كانت خالتو ام كرم هي يلي تعتني فيني…كرم وقتها ماشفتو..كانت ست حنونة. حكتلها كل شي صار معي..كانت كتير عم تتألم على حالي….
#كرم:-مرحبا تولين كيف صرتي…
#تولين :-منيحة كرم طمني شو صار معك…
#كرم :-بدي انام على القضية شوي…لان لهلاء ماعرفنا شي الكل فيهن عم يتعامل بحذر وبطريقة طبيعية..عمر وسمر وجنان وابوكي وامك كلهن بتصرفوا بطريقة طبيعية ومافي حد بقدر يثبت على حالو اي تهمة…اما بيك وامك انا بفضل هالفترة مانحكي معهن شي اللي وصلنا عرفو انك مسافرة فترة نقاهة وهيك عمر خبرهن…اجاني تلفوني بنحكي بالمسا سلام…
.
الجزء الثامن…
#تولين :-خالتو ممكن اطلب طلب…
#ام كرم :-اتفضلي حبيبتي…
#تولين :-خلينا نروح على مرتو لكرم..
#ام كرم :-ليش حبيبتي…
#تولين :-نحكي معها بلكي تعرف الصح…اكيد حقها تغار…ومانها سهلة الوحدة تشوف جوزها حامل وحدة يعني صعبة خالتو خلينا انروح انقلها الحقيقة…
#ام كرم :- ريحي حالتك بنتي..لو فيها خير مارماها الطير…سامية مخها مانو مركب على بعض وابني كرم تعب معها…لا عم تهنيه لا بشغل ولا بالبيت…هي عندها شقة فوقنا ماعجبها تعيش معنا بنفس البيت قال مابترتاح لاني عم راقبها الله يسامحها والله بابي مابفتحو وجبرت كرم يروح يشتري شقة في مكان تاني..الشقة يلي كان عم يرتب فيها..مسكين برجع من الشغل دغري على الترتيب هونيك..وهي 24 ساعة مع اخواتها ونسوان اخوتها ورفيقاتها هي بدها تروح هونيك كرمال تعمل اللي بريحها وادخل اللي بدها اياه في بيت جوزها لان سلفاتها صاروا يحكو كتير عنها…الله يهديها مرة قلتها يابنتي تعي اعلمك الطبخ ابني مشتهي شي اكله منك والله ماقبلت وفتحت تمها هالقد وصارت تقلي انا ماني خدامة..اجا ابني بقلي يامو ماحسنان نام على الزبالة..اطلعت لفووق اساعدها بترتيب البيت الله وكيلك بتقلي رح تجي خدامة امها رح تبعتها ..وبلشت نضف بالقرف وهي دخلت غرفتها على الموبايل يابنتي الوصخ تحت الكنب …والكلب يلي عندها ببول فوق المجلس تبعها …ابني رح يجن..وانا يلي عم صبروا عليها…ليكها عند اهلها بطالب بالطلاق..وكرم مانو فاضيلها مسكين ما اتهنى يوم بزواجو..بقلي يامو جبتيلي تعب بال…بقلو بكرة بتجيب اولاد وبتتغير…قلي مابدها خايفة على جسمها يخرب..لاحول ولا قوة الا بالله …
#تولين :-الله يهديها خالتو…يمكن مع الايام تتغير…
#ام كرم :-والله ابني راكب راسو مابدو اياها خلص..زهق منها وتركها على راحتو…
#تولين :-طيب جربي اعطيني احكي معها يمكن تتفهم مني …
#ام كرم :-طيب ياعمري اتفضلي…خليني دقلك عليها ليكو برن ….
#تولين :- الو…مرحبا هاد رقم سامية…
#مجهولة :-انا امها مين معي…
#تولين :-قليلها وحدة بدها اياكي ضروري …اسمها تولين..
#ام سامية :-ماشي لحظة…سوسو ..ماما في وحدة على التلفون بدها اياكي..اسمها توبين
#سامية:-مين هاي …الوو مين معي..
#تولين :-مرحبا سامية كيفك حبيبتي..
#سامية:-اهلين مين معي…
#تولين :-انا تولين البنت يلي شفتيها ببيت خالتو ام كرم…قبل لتسكري الخط اسمعيني..كرم مالو ذنب..
#سامية:-ولالك عين تتصلي ياجربة ياوسخة يابنت الشوارع …لك ان ماخليت سمعتك طين ما اسمي سامية..اسمعي ولي خديه للمعتوه كرم مابيلزمني اللي ببيع بنت متلي كرمال وحدة متلك مابتسوى مابيلزمي واياكي ترجعي تتصلي هون يا غبية ..اتفي على اشكال خربات الييوت..
((كنت مصدومة من الحكي…ماشفت اللي سماعة التلفون اتخدت مني بقوة وكان كرم…
#كرم:-سامية انتي طالق…..
#تولين :-كرم لاء لا لاتعمل هيك…
#كرم :-بكرة ورقة طلاقك رح توصلك انا مابتلزمني وحدة متلك …
((قفل الهاتف بوجهها وهي ماوقفت اتصالات قام طفى التلفون من الكابل…وقعد قبالي..
#تولين :-انا اسفة والله كنت بدي اصلح بينكن مابعرف انو الامر رح يوصل هيك…
#كرم :-سمر…
#تولين :-مالها سمر…
#كرم :-شو بتعرفي عنها …
#تولين :-هي رفيقتي المفضلة…ومافيني اتخلى عنها كانت بيت اسراري..وهي الشخص الوحيد اللي بثق فيه…كانت تساعدني كتير وتوقف معي…
#كرم :-شو علاقة سمر بعمر…
#تولين :-مممممم عمر كان يعتبرها اختو…واول مرة قابلتها فيه يوم خطوبتها…
#كرم :-خطوبتها…اها وشو صار بخطيبها..
#تولين :-خطيبها يوم الحفل ماكان موجود..لانو حسب ماقالت مسافر…بس بيوم اتصلت عليه من كنت انا وعمر متزوجين وهاي اول ايام زواجنا …
#سمر:-حبيبتي تعبانة…ماني قدراني اتنفس…
#تولين :-سمر ياعمري صاير معك شي…
سمر:-انتي وين تعي…
#تولين :-انا مع عمر بالمطعم هلاء بجيكي…
#سمر:-انا ماني قدراني انسى خيانتو لالي تولين …
#تولين :-حبيبتي هو خانك مالازم تبكي عليه هيك ..يصطفل ازبلية لاتهتمي لالو…
#سمر:-مافيني انساه عم شوف خيالو بكل مكان..بحبو انا تولين والله بحبو..ماني قادرة استوعب انو خاني كرمال وحدة تانية…
#تولين :-خلص حبيبتي هلاء جايين انا وعمر لعندك..
#سمر:-اااه ياقلبي ياريت…
#تولين :-حبيبي قوم خلينا نروح لعند سمر حالاها النفسية تعبانة . ومحتاجة لالنا من صوتها باين كتير تعبانة…
#عمر:-لا لا بدك بوصلك لالها ..انا مافيني روووح….
((وهيك عرفت انو سمر خطيبها تركها…وخانها…بس علاقة عمر وسمر من بعد زواجنا ماكانت منيحة كان يعتبرها اختو بعدين ماعاد تنطاق…
#كرم :-طيب البنت اللي اسمها جنان…اللي قلتي لالي انو جوزها كان شراكة مع عمر…حبيت خبرك انو اوصلت لالو وقلي انو اول مرة بيعرف هيك اسم ..وهو تعبان لان بنتو من فترة قصيرة ماتت…وقدرت اوصل لجنان…وحكيت معها…جنان كانت على علاقة حميمية مع عمر…كان يروح يسافر لعندها بغياب زوجها يعني بالمشرمحي كانت عم تخون زوجها بفراشو مع عمر..وعمر كان يستغلها مثلك باسم الحب..وذكرتلي موقف انو مرة انتي اتصلتي مابعرف لشو انو امو مريضة وبعتي لالو حصتك بميراث بيك هيك شي…
#تولين :-اي هاد الشي صار لان يومها كانت امو مريضة وطلب مال يروح يعالجها وخبرني انها ماتت..العما كان عم يخوني مع هاي جنان الله ينتقم منو ومنها…
#كرم :-لاتقلقي ربك مانو غافل عن شي..هي اعترفت بلسانها بكل شي وطلبت هالشي يبقا سر لان اللي ساتروا ربنا نحنا مالازم نفضحو..وهي اخدت عقابها بموت بنتها المسكينة ..وهي حالتها لايرثى لالها الله يغفر لالها …المهم اللي عرفناه اكتر انو عمر ماعندو اي مشروع او محل او وظيفة متل ماقال لالك هو مابيملك اي شي من هاد…
#تولين :-يعني مالي وين راح..
#كرم :-هاد اللي جاييه لالك بالحكي عمر عم يشغل مالو بالمحرومات..والتهريب والمخدرات..الرجال الضخام اللي كانو ساجنيتك تم القبض عليهن…وكان لالهن سوابق واعترفوا انهم موكلين من جهات يعني ماقالو عن عمر شي.. عمر ذكي جدا لدرجة ماترك عليه اي غبرة…فتنا ببيان نيابة على بيتو تفتيش مالقينا اي اثبات على تجارتة بالمخدرات…المهم انا مجهز لالك مفاجئة….وكمان شغلة ماحلوة فابدي تعرفيها منهن مو مني….
#تولين :-مين هني…
#كرم :-عبد طلع لالي الضيوف
الجزء التاسع …
#تولين :-مين كرم…
#كرم :-ارتاحي هلاء بتعرفي …
#تولين :-امي وابي …شو صارلك بابا ليش على كرسي متحرك.. ..
#كرم :- روقي شوي …
#امي :-اشتقلك بنتي شو صار بحالك..ليش عملتي هيك
#كرم:- فوتوا ياجماعة هلاء بنتفاهم …
#تولين :- ليش ماعم يحكي شي..بابا…رد عليه انا اشتقتلك بابا سامحني دخيلك..
#كرم :-الوالدة رح تخبرك كل شي صار…
#امي:-ليش هيك عملتي فينا يابنتي شوفي حال ابوكي لوين وصل ..صابتو جلطة بالقلب من ورا الصور والفيديو اللي شفناه انا ماربيتك على هيك..
#تولين :-فيديو شو امي ..حد يفهمني..
#كرم :-عمر كان عم يبتز بيك بصور لالك وكان رافع عليكي قضية جنون وتعاطي مخدرات ودعارة..وبيك كرمال يوقف الفضيحة كان لازم يدفع مقابل هالشي اتنازل عن الشركة لعمر ..واتنازل عن صحتو كمان…
#تولين :-شو هي الفيديوهات..
#كرم :-في فيديوهات لالك وانتي بلا تياب مع الرجال الضخام..وهاد الشي وضحتو لاهلك انك كنتي بحالة اغماء يعني الصور كانت مو بإرادتك..اما الصور والفيديو التاني كان وانتي بحالة هلوسة من حقنوكي بالفلاكا برقبتك هاي المخدرات اللي خبرتك عنها بتعمل الشخص زومبي..وبيك مقابل انو يستلم هيك فيديوهات كان لازم يتخلى عن شي كتير..بس انتي اطلقتي من عمر طلاق غيابي لانو تهمك بالخيانة..والجنون متل ماقلنا قبل…
#عمر:-عمر الحقير ورا كل هالشي ..
#كرم :-مابدنا انفعال او اي تهور منك..كل شي صار وانتهى هلاء بدنا نخطط لنكمش عمر متلبس بتجارة المخدرات..والاشخاص اللي معو..اهم شي..وريحي حالك الرجال الضخام اعترفوا انو هاي الفيديوهات كانت مو بايدك
وانها اوامر …واعترفوا لالنا مين هني الاشخاص يلي عم يمولوهن بس لهلاء عمر مو بالقائمة…انا رح اتركك مع بيك وامك …وبدي منك تكون اهدى وماتنهاري اهم شي لنحسن ناخد حقك.. …
(( ماكنت استبعد انو عمر ورا كل هالشي ..الحال اللي وصلت لالو فيه والفضايح والمصايب وخسارة ابي تعب عمروا بالشركة..كل هاد من ورا مثالية عمر..انا السبب مني..ضيعت حالي وضيعت ابي وعائلتي باسم الحب كل نظرة كان ابي ينظرها لالي وهو جالس كانت كل عتاب..ولوم لالي كأن بقلي كنت عم انصحك بس انتي ماعم اسمعي لالي…وامي اللي طول الوقت تبكي. .وين مارحت كنت اعمل مصيبة خالتو ام كرم حاولت تهون على امي كتير…وانا يلي قاعدة مافي حد يهون على قلبي بشي..كذابة لو قلت حزينة على حالي..انا بستحق كل شي صار معي…المصيبة يلي كشفتها من كلام امي انو كل القرايب والجيران والمعارف صار عندهم خبر انو بنت عامر اطلقت بسبب جنونها…واني بنت مجنونة…البنت المتعلمة المثقفة اقل شي صار ينقال عنها فقدت عقلها…طلب كرم من امي وابي يرجعو لان في عالم عم تراقب بيت اهلي ورفض اني ارجع معهن مشان ماينكشف امري..وبالليل شي الساعة 2 …دخل لعندي كرم..طلب مني البس تياب دافين واجهز حالي لمشوار مهم…
#كرم :-لاتتاخري البسي شي جاكيت تقيل….
#تولين :-حاضر كرم …
وعلى الطريق كنا عم تناقش بموضوع مرتوا انو خبرني انو ورق طلاقها انتهى..وماعاد في شي يربطو فيها..صار يذكرلي مواقف عن تضحيتو لالها وتعبو كرمال يرضيها…بس كانت نهاية هالشي انو هو صدها وبعدها عنو لينتهي من الحب اللي كان مخليه صابر. ومتعبو .على عكسي اللي ضحيت بكل شي كرمال ارضي عمر بس كانت جزاتي هاد الحال…
#تولين :-هاد بيت سمر..
#كرم :-اي بعرف …بدي منك هلاء تطلعي لعندها انا طلبت من الخدامة تترك الباب الخلفي تبع المطبخ مفتوح..كرمال تفوتي..لاتخافي انا بضهرك ..بدي اتواجهي الشي يلي جواتك…انا جبتك لهون لتعرفي حقيقة سمر..
#تولين :-سمر ليش…
#كرم :-سمر هي السبب يلي انتي فيه…هي ورا كل شي الخدامة خبرتني انها سمعت من كانت تحكي مع الاشخاص يلي عملو فيكي هيك وهي يلي اعطتهن موقعك..لعلمك سمر هي حبيبتو لعمر..ويوم ماقلك تعي احضري خطوبة هاي ماكانت خطوبة هاد كان فخ كرمال يصيدوكي ويستفيدو منك..لانهن بيعرفوكي مين بتكوني وكل الكلام الكذب اللي قالو عمر انو ماكان يعرفك هاد كذب بكذب…دور الثعبان واللف والدوران اللي لعبوه عليكي كرمال المال…سمر كانت بتتوقع انو هي فترة ويتم التخلص منك..يعني يستفيدو شوي وخلص ويتركك عمر كرمال يرجع لالها ..بس هاد الشي ماصار لان طمع عمر وشجعو وخسارتو صفقات كتيرة هو يلي كان مستمر في علاقتك معو…اها في شغلة اخيرة كمان احتمال تكون سمر هي ورا وقعتك من على الدرج يعني هي يلي دفشتك لانها ماكانت بدها شي يربطك بعمر او يربط عمر فيكي…كانت عم تتقرب منك لتعرف كل صغيرة وكبيرة..وكانت تستغل كل لحظة لتخرب عليكي حياتك… وهي يلي طلبت يصوروكي بالطريقة هاي لتعطي عمر دليل اخير وتنتهي انتي ويحقق مرادو وتنال هي رضاه ..شيطانة …بعرف انك مصدومة بس لازم تقوي حالك اكتر لتاخدي حقك منهن هاد اخر الثقة.. واعتبرية درس لالك انك ما اتأمني لحد شو ماكان والشخص اللي ديتو مصاري اقتليه كان من البداية من اول ماشعرتي ا انو عمر قبل منك هيك مبالغ كان اتاكدي انو هالشي بسبب انانيتو وحبو للمال..الرجال بينعرف من هيك تصرفات..يالا وصلت السيارة..
#تولين :-سيارة مين..
#كرم :-هاداك اللي نزل مين…
#تولين :-عمر 
😟..
#كرم :-اكيد عمر مابدها حكي …يالا صار دورك انزلي فوتي من هون…لحظة لحظة لاتتهوري بشي..
#تولين :رح ورجيك ياعمر جنوني..مو انا مجنونة اي لكان …ان ما اخدت حقي منك..
(كرم بقي واقف برا لعند ما احسنت فوت…وانا الخوف يلي كان عندي انقلب كلو لكره وحقد وقوة…اول مافتت من باب المطبخ حملت سكينة معي مع انو كرم كان محذرني لا اتهور…دخلت كانت سمر نصف عارية بحضن عمر..كانو عم يشربوا كأس انتصارهم. .كنت عم شوف شياطين قدامي.. شياطين تستاهل القتل..رفيقتي واللي كان جوزي. قتلوني بالحيا.مابعرف شو يلي خلاني فووت لعندها لسمر كانت هي بتستحق اكتر من هيك وبلشت اضرب فيها بالسكين بدون ما اشوف شي..لعند ماوصل كرم اخد مني السكين وعمر كان عم يرجف بزاوية الغرفة خوووف مني.. كانت سمر عم تنزف دم وتترجاني اوقف وما اقتلها…
#سمر:- بتوسل لالك لاتقتليني شو مابدك رح اعمل سامحيني تولين سامحين..
#كرم :-خليك بمكانك لاتتحرك عمر…
#عمر:-اسجني بس لاتخليها تقتلني …
#تولين :-
😢 شايفها هاي اللي قدامك البنت الضعيفة الطيبة شايفها..ماماتت بعدها موجودة جاي تاخد حقها بايدها مجنونة انا ياعمر..لك مرتك كنت حبك ضحيت بكل شي بملكو كرمال ابقى معك كنت اتحمل كل الحرمان والاذية منك..شو استفدت قلي مصاري لك قدمتهن لالك على طبق من ذهب.. بعت اهلي كرمال اختياري الغلط.. قتلتلي ابني بسبب افعالك…
#عمر:-مو انا سمر هي سمر…
#تولين :-اي بعرف انو رفيقتي الحقيرة هي ورا كل شي..بس تعرف مابلومها بشي لانها ضحية حب مخادع بس هي بطريقة شيطانية حبتك ..لك بكرهكن كلكن..بكرهك عمر بكرهك…
#عمر :-شو مابدك رح اعمل بس ما تخليه يصورني بهاي الحالة…
#تولين :-ههههههههه..ليش بتفكر الامر بمر بسهولة…اي يلا رح اتنازل وخلص بدك انت واياها تعترفوا بالصوت والصورة كل شي عملتوه فيني مع ذكر كل الاشخاص يلي ساعدوك ..وانتي ست سمر الرسائل يلي كنتي تبعتيهن لالي رح تعيشي اللحظة فيهن بس مو هون بالسجن ان شاء الله …
((مابعرف شو اللي خلاني ارجع اضرب عمر كل ما بدو يكذب روح اضربوا كف ذليتو متل ماذلني..وسمر ..كذالك كل موقف عملتو فيني كنت عم ردو لالها …هيك اخر ثقتي فيهن…وهيك اخر استضعافهن لالي..ربي نصرني بالاخر عليهن..عمر انحكم بالسجن 13 سنة..وسمر 20 بشروعها بالقتل لابني ولالي …يعني رح تقضي عمرها هي واياه بالسجن وتعيش لحظات الحب هونيك…اما املاك ابي فرجعت لالو الحمد لله وفيديو عمر انتشر بالاخبار تحت مسمى جنون رجل وعشيقته…وانا بقيت اكتر من سنتين كنت اكره حد يفوت لحياتي اللي صار معي اكدلي انو الحب عبارة عن نزوة يا بتوصل للسعادة يا اما للهلاك متل ماصار معي..بس هالفكرة اتغيرت من بعد ماكرم دخل حياتي…وزوع حبو بقلبي بالطريقة الصح…ماعدت ابحث فيه عن مثاليتو …بحثت بكرم عن عفويتو وشخصيتو بطبيعتها…صح فات عمري على الزواج وكرم اصغر مني…بس الحياة مابتوقف لا على سن او طبقة او اشخاص معينة…بس اهم شي الواحد يختار شخص معروف اصلو وفصلو ورجال بالمواقف مو بالكلام…والمثالية ماهي الا خدعة بستخدمها الرجال او اي انثى لتوصل لهدفها…كرم اتقدملي للزواج وانا مترددة وخايفة اني انكسر مرة تانية.. بوادر محبتي لالو بلشت تظهر…هو اللي عم يشتريني. كان…كسب محبة ابي وعائلتي وعم يسعى ليكسب محبتي بطريقة اكبر…بدي منكم تعطوني نصيحة بخبرتك …وسؤالي هاد للسيدات اللي اتزوجو بطريقة تقليدية مو على حب معقول الحب بيجي بعد الزواج..والاشخاص اللي اتزوجو على حب بعدو باقي ولاهي فترة نزاهة…كتبت قصتي لتستفيد كل صبية عم تجري ورا شخص باسم الحب..قصتي وصلتني للفضيحة والموت بس مابعرف قصتك لشو رح توصلك يمكن بحكم العادات والتقاليد توصلك لشي ابشع من حياتي…
#انتهت
حبيبتي اذا قرأتي جاوبي على السؤال رأيك بهمنا وشير بطريقك دخيل دباديبك