على ابنها حنونة وعلى كنتها مجنونة ادخلوا وأعطونا رأيكم

على ابنها حنونة وعلى كنتها مجنونة ادخلوا وأعطونا رأيكم
نقدم لكم في قسم المنوعاات في زاكي, هذه القصة الاجتماعية الهادفة, نتمنى أن تنال على إعجابكم, من يُنهي قراءتهاا يكتب كلمة “تم” في التعليقات, ويخبرنا رأيه في القصة.

#على_ابنها_حنونة_وعلى_كنتها_مجنونة
#للكاتبة_جمايكا_احمد

الجزء الاول والثاني والثالث والرابع والخامس..السادس السابع الثامن التاسع العاشر انتهت

#تيته:

أوييها ….”ياهيثم ” يـا واحـد
أوييها…. “سوزان” يـا اتنيـن
أوييها ….اللي ما يصلّي عالنبي
أوييها…. لـيعـدم العـينتيـن
لي لي لي لي ليش

\
#حماتي:آويها …عريسنا عريس العز يا غالي
آويها … وملبوسك الجوخ ولوكان الحرير غالي
آويها … وحق النبي ومريم العدرا وإبنها الغالي
آويها … خالي ياعريس من العيب ومن العار ياغالي

#امي:آويها عنا نجاصة ….
آويها متل المصاصة
آويها يلي بيحكي علينا بالعاطل
آويها يبعتلوا بقلبوا ألف رصاصة
\

#حماتي:آويها ..إيش هاد وإيش منوا
آويها ..إيش هاد وإيش فنوا
آويها … هيدا فرح هيثم
إنشالله بفرحة أولادوا
نزغرد هيك ونعمل أكتر منوا

#امي:
آويها …ياعروستنا شوفي شوفي …
آويها …وكيف العوازل عم يتغامزوا عليكي
آويها … هني ما مثلك ولا بيتشابهوا ليكي

#تيته:أوييها…. شـو هالنهار المش لايـق
أوييها…. لمينا علينا الخـلايق
أوييها…. وطقت قلوب الكناين
أوييها…. ولَمّن حقت الحقايق
لي لي لي لي ليش

#تيته : قومن حاج حتى بفرح اولادكو بتتجاكرن قومن جهزوا اغراض الفرح

#امي :سوزان قومي امي نجهز الفطار حاكم اليوم عشاكي بالجحيم

#حماتي : اي نار جوزي ولا جنة هلي ماهيك يا حماتي

#تيته : والله من وراكن راح اتنكدو على العرسان

#سوزان : انا زهقت من هالمناورات تبعت كل يوم قايمة احكي مع هيثم

(مسا مسا اكيد شفتو اوييها تبعت فرحي اي بعدو مابلش بس رح بلش احكي انا عن قصتي …حابة اعيشكن الاجواء من البداية انا سوزان عمري 20 سنة بعيش مع عيلة فيكو تقولو مسرحية شوي نحنا من عاداتنا مابنجوز لغرب يعني بس للقرايب انا امي وحماتي قرايب وحماتي بتكون مرة عمي اللزم يعني اخووه لابي .. نحنا معروف عنا بالعيلة عيلة الصبيان مافيها بنات كتير بس انا وبنت عمي ميسون كمان بنت عم تاني مو اختو لهيثم .. هيثم بكون خطيبي العريس الايطالي متل مابنقلو لانو كان عايش بايطاليا بيدرس وشكلو متل الايطاليين برونزي وعيوني خضر وطويل ومفتول العضلات شلولخ عمروا يناهز 26 سنة يعني فلفلة الشباب … قصتي بلشت من يوم ماعرفت انو ابن عمي هيثم جاي من ايطاليا يتزوج وكان لازم يختار يا انا يا ميسون .. بس لانو شاب مميز انا عملت المستحيل لاحصل عليه ومارح تسدقو لوقلت انو صار مسابقات ليتم الفوز فيه … نروح بالبداية للاجواء اللي فيها امي وحماتي .. طبعا يمكن هادولي اكبر اعداء بالشرق الاوسط امريكا وروسيا متل ما تيته بتوصفهن او شنغل ومنغل دايما صوتهن بالمجاكرة طالع مانهن حبايب وامي كانت مانها حابة ياخدني ابن عمي هيثم مشان زود المحبة اللي بينها وبين حماتي هههه بموتوا على بعض …. بس اقلكن مين السبب اكيد ماغيرها الكنج الكبير ..الراس الكبيرة …..بروسلي العيلة وهي تيته تراتراترااااااا ..اقدملكن تيته صفية … مخزن وصيدلية وبنك وقاضي العيلة لابعدها كلمة ولابعدها مشورة ….هي السبب العداوة بين امي وحماتي هي سبب الحرب الباردة اللي بتصير هلاء … بحكم انو نحنا عنا املاك كبيرة بالبلد تحت حكم بروسلي فالتفرقة العنصرية اللي كانت تعملها تيته بين ام الصبيان اللي هي حماتي وبين امي اللي جابتني …بس السبب وين انو هي حنونة اكتر علينا وحنونة على ابي لانو جاب بنت فشبت النار بين كناين تيته …من قديم الزمان الا هذا الاوان …..
( يوم اللي سمعت انو هيثم جاي يخطب وحدة فينا يا انا ياميسون حفلت يمين معظم مايكون الا لالي .. مستحيل ميسون تحصل عليه بحفر قبرها ولاتاخدو ..انا وقتها خطرت لالي الفكرة الشيطانية انو مافي غيروا بروسلي هووو الكنج هو اللي مافي بعدو كلمة وخاصة من بعد ماسمعت اقوال انو تيته بدها ميسون لهيثم لانو ام هيثم مانها طياب مع امي .. انا شبت نار المحاصيل بقلبي ..نيزك وانفجر بصدري … اخدت حالي ونزلت عند تيته وقلت لازم اغير رأيها بلشت شيل وحط وغسل وارفع لدرجة صف النمل اللي كان يمشي على باب شقة تيته غيرت اتجاهو …لحست البلاط بلساني … شقوق الزواية كنستهن بشعري ماتركت شي الا صوت اللمعة الطن بتعرفوه هاد طلع منها .. يعني صارت تيته تشوف وجها بالبلاط …

#تيته : سوزان شو قصتك تيته مانك على بعضك شو هالكرم والنضافة اللي نزلت عليكي

#سوزان : ولا شي تيته قلت اجي رتبلك البيت

#تيته : قلتي اترتبي البيت ..امك بحياتها ماعملتها

#سوزان : امي هاديك مو انا .. صدقي ياتيته بحبك شفتك بالحلم انك بين بستاين خضراء لابسة توب ابيض

#تيته : شو يعني رح موت

#سوزان : بعيد الشر تيته ماهيك شفتك كانك بالجنة وعم تنادي لالي شربك من ماء زمزم\

#تيته : هههه تعي ولي

#سوزان : اخ اخ اذني اذني انقبعت انشلعت

#تيته : بدك تحكي ولا شوو

#سوزان : والله بحبو ياتيته والله

#تيته : حبك برص وعشرة خرس..مين هو يامقصوفة الرقبة من متى عنا بنات بحبو بدك كرباج على جعابك

#سوزان: تيته فهمتيني غلط والله مابحب برا العيلة بس سيبي ذاني ورح خبرك

#تيته : ماشي يالا قولي واياكي تكدبي بعلق مشنقتك على باب الحووش

#سوزان : تيته هي ميسون بشو احسن مني لتقولي انها لهيثم انا ماني معبية عينك مو انا بنت ابنك اللي بتحبيه …

#تيته : ههههه بتحبي هيثم طلعتي يا زعرا مانك قليلة والله …قومي طيب بتفكرن انو هيثم هيك بسهولة تحصلن عليه قومي من هون في شغلات كتير لازم تعملوها مشان اعرف مين بتستاهلو
#الجزء الثاني

(انا اطلعت من التعب لبيتنا كانت امي وابي قاعدين بيحكو عن موضوع هيثم وانا اول ماسمعت اسمو مديت خرطومي قصدي داني لعند باب غرفة امي لاسمع شو بقولو..

#امي: والله رباب( ام ميسون ) مبسوطة حاطة ببطنها بطيخة صيفة لان بنتها نفذت لهيثم نيالها

#ابي: من وين اسمعتي هالحكي

\#امي : اسمعت قالولي ناس

#ابي : لا اطمني ريحي بالك لسه ماحد حكى بالموضوع امي لسه ماشارت بشي بعدين واذا يعني ما انتي مابتحبيها لام هيثم قومي اعمليلي شاي نازل لعند امي انا نزليه معك..

(انا كلام ابي ريحني وماريحني يعني معاكو معاكو عليكو عليكو المهم قامت امي تعمل شي وانا ضليت اتنطنط قدامها مشان تقلي نزلي الشاي تحت لعند تيته هي وابي ..المهم امي طلبت مني هيك ونزلت .انتو بتعرفوا هدفي مشان اتصنت واتجسس لايمكن افوت شي وخاصة انو صار هيثم حديث العيلة..

#تيته : ههه موبالسهولة هاي ياابني الشاطرة اللي بتغزل على رجل حمار بكرة بنشووف..

#ابي : فوتي يابي سوزان حطي الشاي وروحي ادرسي..

#سوزان : حاضر بابا بدك شي تيته قولي من عيوني بعملو ..اتذكري بدك شي اعملك اياه..

#تيته : لا بس اقفلي الباب وراكي

(الشاطرة اللي تغزل على رجل حمار شو يعني كلام الالغاز اللي بروسلي بقولو خليني اسال امي

#سوزان : امي بدي اسئلك شويعني الشاطرة اللي بتغزل على رجل حمار

#تيته : اكيد سمعتيها من ستك ماغيرها بتقولها

#سوزان : اي امي والله شو يعني ابوس ايدك فسريها لالي

#امي : يعني شاطرة بكل شي بتحسن تعمل كل شي ومابتقول مابعرف …بتتعلم بسرعة مثلا سحارة البطاطا هاي لومافي غيرها اكل بالبيت …الشاطرة بتحسن تعمل منها عشر اكلات من دون مابتقول ماعنا افهمتي..

#سوزان : ايوون ماشي امي رايحة ادرس وانام شكلو في تعب طويل جاي على الطريق كرمال عيونك ياهيثم..

#امي : شو عم اتمتمي يابنت شو قصتك طالعة نازلة عند ستك

#سوزان : مافي شي امي ..

في اليوم التالي فقت على عياط تيته على الدرج وهي بتنادي..

#تيته : لك يا ميسووون يا سوزان لك يابنات شو نايمات لهلاء

#سوزان : لاتيته فايقة بس كنت ساعد امك..

#تيته : امك هون عندي غسلي وجهك وتعي ..ميسسسسون يابنت يابنت..

#مرت عمي (ام ميسون : اي مرت عمي صباحو شوفي عياطك على الصبح..
..
#تيته: نزلي ميسون بدي اياها..

#مرت عمي: البنت نايمة اليوم اجازة خليها تنام..

#تيته : لك فيقيها هالخووم نووم بدي اياها..

#سوزان : اي تيته اجيت..

#تيته : روحي فيقي ميسون وانزلو..

(اطلعت فيق ميسون رفضت تنزل..وانا اساسا كنت ادعي الله ماتنزل وياريتني مادعيت بعد مانزلت لعند تيته كانت مجهزة مقشة مشان ننضف الحوش …وبلشت نضف فيه لحالي انكسر ضهري وبعدها خلتني اشطف درج شي 7 طوابق صرت امشي متل الفكحة …وبعد شوو لنزلت ميسون وكان الدلع كلو لالها وانا اللي اكلت التعب …

#تيته : هاا ليكها نزلت العروس شو ياعروسة بعدو بكير ماغابت الشمس..

#ميسون : حياتو تيته تؤبرني الخدودات المجعلكين في بعض انتي بتعرفي انو دراستي كتير مهمة وبتحبي تلاقيني متفوقة مو متل ناس احم..

#تيته : ايووه طيب قومي جيبي الفواكة خلينا نتسلى..

(انا بلشت احفر واطحر مش معقول مش مسدقة شو هالخيانة هاد ظلم وافترا هاد عذاب وياريت وقف على هيك شي وخاصة من اجا اتصال لتيته ..

#تيته : الووو اها يا امي جد ياربي

#سوزان : شو في ياتيته

#تيته : لك اسكتي خليني اعرف احكي ..اي يا امي اي اي ماشي هلاء هلاء الحمد لله على السلامة

#سوزان : الحمد لله على السلامة

#ميسون : شكلو هيثم اجا

#تيته : ماشي امي يصل حفيدي بالسلامة ماشي ناطركن..

#ميسون : انا رايحة ارتب حالي باي باي

#سوزان : وانا كمان..

#تيته : تعو لهون وين رايحاات

#سوزان : انا قايمة ارتب حالي تيته..

#تيته : وين راحت ميسون لحقت تطلع ماشي بسيطة قومي نجهز العشا قبل ليوصل هيثم….

#سوزان : ابوس على ايدك تيته شوفي حالي وملابسي كلهن طين ومي خليني روح غيرهن..

#تيته : مو وقتو نص ساعة ويوصل هيثم…

( اخ ياحظي…ميسون طلعت ترتب حالها وحتى تيته ما اهتمت ولا رمت حكي عليها متل عادتها .. اكيد ماهي العروس وانا خدامتها شلون هالغولة تشفق عليه …ياخسارة تعبك ياسوزان … بلشت اشتغل وشيل وحط بالعشا لدق جرس الباب وصوت رجال وانا من منظري لو شفتوني لتقولو شغالة بالبلدية بتنظيف الشوارع …. دخلو الرجال وصارت تيته تهلهل لهيثم وانا ماني عرفاني وين اخبي حالي انحجزت بالمطبخ ….شوي الا ميسون اجت وكانت جد عروس من شكلها ,,, سامعتها انا وهي بتسلم وتضحك مع هيثم ولا امو لهيثم اللي كانت عم ادلل ميسون حسرة بقلبي اااخ كلو منك ياتيته …

#تيته : سوزان ياسوزان تعي ياتيته ..سلمي على ابن عمك…

#سوزان : والله لو على قبري ماطالعة هيك انتي السبب شو صار لو خلتيني اروح والبس..

#تيته : يووه يوووه ليش بتبكي ياتيته…

#سوزان : شفتي ميسون شلون طالعة ما نا قلتلك بحبو لهيثم ليش ماخلتيني اروح اغير تيابي وهلاء جاي تقولي لالي اطلعي سلمي على ابن عمك ماني طالعة قليلو بتقلك الحمد لله على سلامتك او بكرة بقلو ..

#تيته : هيك لكان ماشي تصطفلي ..

(بعد ماراحت تيته مافي ثواني الا راجعة…

#تيته : تعا ياهيثم ياتيته ليكها بالمطبخ قاعدة ….
.
#سوزان : مانها هووون ياتيته صوتها طالع عم تتصهون وتتمايع باالصالون ليش لتجيبي هيثم لهوون…

(وانا من شفت هيثم من خيال شباك المطبخ جاي لعندي ماعرفت وين اتخبا الا ورا فرن الغاز يامصيبي على هالحرجة ..

#هيثم : احم احم نحن هنا شو ماحابة تسلمي علينااا…

الجزء الثالث

#هيثم : احم احم شو يابنت عمي مانك حابة تسلمي على اللي جايين من السفر..

#سوزان : برضيك يا ابن عمي تشوف حالي هيك اللي يخليك روح من اتحمم واغير تيابي بسلم عليك…

#ميسون : شو حاطك ورا الفرن شو عم تصلحي اسطوانة الفرن هههههه تعا هيثم نقعد نحكي وتقلي شو صار معك بسفرك…

#هيثم : شو هاد اللي جنب الفرن صرصوور اعطوني الشحاطة اضربو قبل ليوقع فوقك يا سوزان..

#سوزان : صرصوور هو وقتو هاد وواااااع؟؟

#ميسون : هههههه شو هالمنظر كلك شحااار هههههههه ياويلي استني صورك…

#هيثم : ههههه هههه مش قادر اتحمل ضحك…

#سوزان : انا ماني مسخرتكن انتو الجوز بعدو هيك انا الحق عليه اني جيت اعمل مع تيته مشان استقبالك…

#تيته : العما طرئك ميسون ليش بتضحكي تعي تيته تعي خلص لاتبكي الحق عليه انا والله….

#سوزان : انا رايحة لفوق تعباني بدي اتحمم وانام…

(اطلعت لبيتنا وانا سامعة ضحكتهن من الدرج وانا ببكي من قهري على اللي صار تعبت مشان ميسون تنبسط ووتتهنى بهيثم ..اتمنيت تنشق الارض وتبلعني اتحممت والبست بجامتي ودخلت غرفتي لانام ماسمعت الا صوت اعمامي وتيته وامي ومرت عمي ام هيثم وكمان هيثم دخلو بيتنا وانا من سمعت صوت هيثم غطيت راسي بالحرام ..

#امي : امي انتي نمتي قومي بيك بدو اياكي ..

#سوزان : قليلن امي نايمة مابدي اطلع قابلهن…

#امي : قومي بدو اياكي ضروري لا تعصبيني….

( قومت ورحت لعند ابي ماهمني البس تياب حلوة اساسا انفضحت وانا باسوء حالاتي .. دخلت وقعدت وهيثم مارفع عيونوا عني وهو مبتسم….

#ابي : انا ماعندي اعتراض انا موافق مارح لاقي احسن من ابن اخي هيثم ..

#تيته : اي ولو هو في احسن كمان من الشاطرة سوزانتي .. حبيبة تيته هاي ..

#سوزان : شووو ماني فاهمي شي

#هيثم : يعني ياعمي نقرا الفاتحة قبل لارجع ايطاليا ولا شوو ولا بدكن روح اخطب ايطالية

#سوزان : وميسون

#تيته : هيثم اختارك انتي تيته بدو بنت فهماني ومأدبة وشاطرة بتسمع الكلام…

#سوزان : فهميني امي..

#امي : يعني يا امي نصيبك ورا الشمس ….

#حماتي : شو يعني ورا الشمس ام سوزان ماعجبك كون حماية لبنتك ولا خايفة مني..

#امي : انا ماقلت هيك ام هيثم شو قصتك بلشنا..

#تيته : شو يا كناين ارجعنا من تاني لا انتي ولا هي لالكن في احفادي بلشو اقروا الفاتحة البنت موافقة…

#امي : حماتي شلون عرفتي موافقة يعني لازم نسالها يمكن ..

#تيته : مايمكن ولا غيروا مين اللي اجا لعندي وقلي بحبو ياتيته..

#سوزان : واااع تيته خلص خلص…

#تيته : ههههه ماشي اقروا الفاتحة الف مبروك..ز

( انا من تيته قالت الحكي هاد وانا بلشت شر وهر عرق منظري بالجامة وقدام هيثم وخطوبة وفضيحة كمان ريتني نعامة ودفنت راسي بالارض .. بعد ماقراو الفاتحة بلشو يحكو بتفاصيل الخطوبة وامي وحماتي كانو قاعدات عم يجاكروا ببعض وهاي تتأمر وهاي تطلب وهاي يعجبها وهاي مايعجبها انا غفيت من التعب على الكنب لدرجة صرت شوخر ومن فقت الصبح لقيت صوت شخااار عم يعيد ويزيد جنب راسي ..

#سوزان : امي شو هاد الازعاج اللي جنب راسي لمين هاد الموبايل….

#امي : موبايل هيثم وهاد صوت شخوارك من نمتي امبارح على الكنبة سجلوو…

#سوزان : العما جد هالحكي يافضيحتك ياسوزان فضيحة تلوى الفضيحة…

#هيثم /: ههههه صباحو شو يا موسيقت بيت هووفن.

#سوزان : ليش هيك عملت..

#هيثم : ههه مو انا تيته قالت سجل لالها صوتها مشان كل ما اتعذبك بالليل سمعو لالها…

#سوزان : تيته بسيطة بدي غير تييابي ممكن..

#هيثم : لا ماممكن انتي هلاء خطيبتي وكمان بتحبيني موهيك ههه…

الجزء الرابع

#سوزان : هلاء شووو يعني وقع الفاس بالراس….

#هيثم : والله هيك شي بعدين اول مرة شوف بنات من يفيقو من النوم حلوين على عكس اللي كانت كلها شحار امبارح قومي عازمك على فطار برا البيت ومشان نروح نشتري خاتم خطوبة….

#سوزان : ههههه

#هيثم : ليش بتضحكي سئيلة

#سوزان : ولا شي قايمة البس واجهز؟…\

#هيثم : اي ياريت تلبسي شي فضفاض وطويل..

#سوزان : طيب ماشي…..

؟(جهزت حالي ولأول مرة حطيت ميك اب وطلعت خصلة شعر حلوة هيك من حجابي والبست جلبابي الوردي وكنت بجنن وطايرة من الفرح كان نفسي شوف شعور ميسون من تلاقيني لابسة محبس خطوبة وهيثم كامش ايدي….

#سوزان : خلصت..

#هيثم : شوهاد ارجعي امسحي الارقووز اللي على وجهك وضبي شعرك وغيري هاد الجلباب انا مرتي مابتلبس هيك ؟..

#سوزان : بعدني ماني مرتك

#هيثم : من اولها عناد ست سوزان خلينا على البر اذا مابدك تسمعي كلامي ..شووو قلتي..

#سوزان : لا خلص حاضر متل مابدكززز

#هيثم : شاطرة احب البنات اللي بسمعو الكلام مشي يالا…

(اطلعنا انا وهيثم اللي طول الطريق وانا نفسي اخزق عيون البنات اللي عم يزاوره بعيونهن ..وهو من يشوف بنت يتبسم وانا متل يلي بدي انجلط مش قادرة ……وفجاة وقف هيثم ليجيب قهوة ..مرق شاب وبلش يعاكسني وهو من شافو من بعيد عقلو وطار من محلو وبلش يشتم الشاب دبت الغيرة فيه ..

#هيثم : مبسوطة على حالك مااا … بتحبي تتلطشي حكي..

#سوزان : لا مابحب بس يعني كما تدين تدان..

#هيثم : شو يعني ست سوزان هالحكي

#سوزان : يعني انت ماكنت تتبسم للبنات المايعات طول الطريق وكأني ماني مالية عينك يابصباص ..

#هيثم : هههه يعني بتغاري…

#سوزان : لاا بس ماني رجل طاولة قدامك…

#هيثم : يقبشني رجل الطاولة احلى رجل طاولة فيكي يابلد …لك كل البنات مافي متلك تعي وصلنا ..

(اشترينا الخواتم وبلشت يجيب لالي هدايا من هون وهون انا كل تفكيري بميسون مش قادرة اتوصل منظر وجها وهو كلو فسافيس حب شباب من الحالة النفسية اللي رح تصيبها ههه…

#هيثم : ليش بتضحكي بخباثة….

#سوزان : هيثم بدي اسئلك سؤال وجاوبني بصراحة

#هيثم : اسالي

#سوزان : انت ليش خطبتني وماخطبت ميسون مع انها احلى مني

#هيثم : بدك الصراحة ولا بنت عمها..

#سوزان : خلص جاوبني..

#هيثم : ياستي انا مابهمني الجمال لان كنت عايش باوروبا وشبعان جمال…

#سوزان : شو يعني انا ماني حلوة..

#هيثم : ههههه شوفي شو رح قلك ..انا من زمان عيوني عليكي ودايما كنت اسال عنك ومن يقولو لالي كبرت وصارت عروس افرح .,, طلبتك من امي بس امي رفضت وقالت مابدها مشان امك ,,وقالت مافي الا ميسون وهي صارت تقول للكل اني بدي ميسون لابني ,, وبصراحة انا ماكنت احبها لميسون من يومها سئيلة .. من تيته خبرتني انك اعترفتي بحبك لالها .. ومن قالت لالي طرت من الفرح ماسدقت حالي وانتي مسكينة بلشتي تتعبي مشان ترضي تيته وهي من كانت تقلي كنت اضحك انا ..

#سوزان : شو افهم من هالحكي..

#هيثم : يعني انا بحبك من زمان…

#سوزان : احم احم..

#هيثم : طيب بدي اسالك انا كمان…

#سوزان : اسال…

#هيثم : انت ليش بتحبيني مع اني ماعملت لالك شي تحبيني عليه…

#سوزان : بدك الصراحة ولا اختها ههه بتذكر مرة من طعميتني شوكلاه ونحنا صغار…

#هيثم : هههه ماني متذكر شو اكلت امبارح…

#سوزان : بلا سئالة ونحنا صغار انا وميسون كنا عم نلعب وانت كان معك شوكلاه طعميتني وماطعميت ميسون … هي صارت تبكي واجا عمي ضربك هههه وانت مشان تجاركوا رحت بوستني واعطيتني كل الشوكلاه….

#هيثم : هههههه اويل قلبي بعدك متذكرة بس يعني بوستك يعني في دين عليكي,…

#سوزان : دين شوووو…

#هيثم : مووااااه شو لذيذة وطيبة …

الجزء الخامس…
.

(من بعد ماعمل هيثم عملتو السافلة والمنحرفة وقدام الحشود وبوسني من خدي انا طول الطريق وانا عم عد نمل الارض من الخجلة اللي صارت ا..

شلون شيخ وصايع بنفس الوقت بلبسني فضفاض وضبي شعرك ومن هالحكي وبوسني من خدي ….

#هيثم : مالو حبيبي خجلان وعم يصفن بالارض اهااا هاد شواطات جزمتو مفلوتين وقفي اربطهن لالك..

#سوزان : هيثم اتركن عيب شو يقولو الناس عم يعمل شواطات مرتوا هاد محكوم…

#هيثم : دخيل مرتي انا …
يقولو اللي يقولوه مرتي مابتنزل ضهرها مشان تعمل شواطاتا وانا موجود…

#سوزان : مو مشكلي رح نوصل…

(بعد ماوصلنا كان صوت امي وحماتي طالع على الدرج والاتنين عم يردحو بالحكي لبعض وفضايح وياشماتة ابلة ظاظا فينا …

#امي :- سبقه ولبقه بتمعس البقه بطرف المعلقه والله وصرتي حماية ياكنة..

#حماتي :شرنة-شرشوحه- أم سبع برآبيك- روحي الهي العين تصيبك…

#امي:- يآبنت غسآلة الأوآعي على نهر طوره…- يبليكي بدآء السل على هالوش

#حماتي:- روحي أسألي عن امك وصيتهآ بالحآره ياللي يآكل من بيتهآ الجردآن والصرصور والفآره….

#سوزان : امي شو في صوتكن واصل اخر الحارة هيثم سكتا لامك..

#هيثم : مرت عمي عيب هالحكي شو صار معكن…

#سوزان : امك اللي بلشت مو امي قلها لامك هيثم هالحكي…

#امي:- آل على خشته رآفع بشته زبآل وشآيل ورده <- مدري هو كذآ ولا لآ…

#حماتي :- قآل البسقه شآفت بنتهآ ع الحيط آلت تؤبريني متل اللوليه بالخيط…

#هيثم : امي ليش هالحكي مابصير…

#تيته : ورصااص وحتفة وقريضة وفنى انتي واياها حاااااج ردح مابدكن الا عصااا بهدلتونا بالحارة مارح تبطلو هالمواويل كل يوم… كل وحدة تفووت بيتها بعد يومين خطوبة وفرح الاولاد…

#سوزان : تيته خطوبة وفرح مع بعض بعدو بكير…

#تيته : لا مانو بكير اذا بقيتو على حال امهاتكن هيك مارح تكملو مع بعض احسن تتجوزو وراسك لراس جوزك…

#امي : حماتي وجهاز بنتي مارح نلحق نجهزها….

#تيته : عريسها بجهزها على زوقوا براحتو بل لعي فاضي انتي واياها وتعو ياتيته محتاجكن….

#هيثم : امشي حبيبي يسلملي هالطول ياعرق الفول…

#تيته : هههه اعطيها ياتيته تربايت ستك…

#هيثم : تقبشيني وتقبريني…
يا أرض احفظي ما عليكي…
سبحان الخلاق….
تمشي على رمشي…
يا ريتني علكة بين أسنانك ….
ما يبلى وما يتخ…

#تيته : حاج خلص بكفي سئالة سمحنالو فات بحماروا فوتوا لهون شوي وجاي

الجزء السادس:

#تيته : اي شو بعدني مارحت بلشتو تنحرفوا اي قلولي شو عم تتوشوشو ؟..

#سوزان : ولا شي تيته بس كنا عم نحكي عن مرت عمي وامي

#تيته : طيب ياتيته شوفي هاي الاسوارة لالك وهاد يا تيته لالك\ ياهيثم

#هيثم : تيته شو هاد انا مابلبس هيك شي هاد من ايام حرب التنك

#تيته: تنك شو هاد من ريحة جدك يالوصخ.. انتو شو بتعرفو تلبسو الا هالخرق ليكو هاد البنطلون ياتيته مقطع امك ماخجلت على حالها تقوم تخيطو لالك مو عيب هالتياب تلبسها
؟؟

#هيثم : هههه تيته هاد مانو مقطع هاد هيك موديلو

(بلشت تيته تتناقر هي وهيثم مشان كانت بدها تلبسو الشروال تبع جدوا ..وهيثم بدو يجن ومايلبسو بس تيته غصبتو وطلع منظروا ..

#سوزان : هههههههههههههههاااااااااااي اي شوووو هاد

#هيثم : لا تضحكي بلا ابظلك عيونك لرا والعب فيهن دحاديل

#تيته: مشان تعرفي زوق ستك كانت على طول تخيط لجدك احسن تياب شوف شلون فضفاض عليك بدل هالسحسلو اللي كنت لابسو ساليت لعند ركبتك ..

#هيثم : تيته بدك شي قايم روح اكل..

#تيته : لا خليك انا رايحة عند جارتنا مجهزة اكل بالمطبخ حطي ..تيته لخطيبك اكل واتغدوو..\

#سوزان : ماشي تيته

(بعد ماراحت تيته بشوي دخلت ميسون اللي كانت منفخة من البكي وعيونها كلهن قهر وجاي متل يلي تنتقم …

#سوزان : ميسون اهلين بنت عمي

#ميسون : بعدي هيك وينو هيثم

#سوزان : ليش بدك هيثم

#ميسون : مادخلك بدي احكي معو على انفراد

#سوزان : لا ماحزرتي بنووب

#هيثم : شو في بلشتو كمان انتو تتناقروا

#ميسون : هيثم بدي احكي معك بس ياريت لحالنا

#هيثم : في شي بنت عمي قليلي تعي فوتي .. اتركينا سوز لحالنا

(دخلت ميسون مع هيثم لجوا وانا متل النار وخاصة من دخلت طبقت الباب كان باب الغرفة قزاز مجلي …يعني بحسن شوف خيالات اللي قاعدين جوا ..

كان الوضع مستتب للحظة وكان الصوت كتير هادي ماحسنت اسمع اي شي.. لعند ماشفت خيال ميسون مرق وصار جنب هيثم وبلش صوت ضحكتها تعلى وبشكل مايع … دفشت الباب بقوة لقيت ميسون قاعدة بحضنو لهيثم ومتكمشة فية وهو عم يدفشها بس هي كامشتو من رقبتو

#ميسون : انتي بلا زوق شلون بتفوتي هيك علينا

#سوزان : انا اللي بلا زوق ولا انتي اللي مانك محترمة وقليلة ادب شلون بتقعدي بحضن شخص مخطووب..

#الجزء السابع :

#ميسون : اول شي لسه ماكتبتو كتاب تاني شي هو ابن عمي وكا رح يصير خطيبي وهو من شوي قلي انتي احلى بنت بالعيلة ومو هو بس بتمناني الف شاب

#سوزان : شو هالحكي هيثم ليش ساكت على كلامها

#هيثم : انا ماقلت هيك بالمقصد انا قلتها انو انتي كتير حلوة وغيري كتير بتمنوكي واني خطبت وبحبها لسوزان

#ميسون : يوووه يوووه هلاء قلت انو تيته جبرتك عليها لسوزان

#سوزان : شو هالحكي احكي شي هيثم تيته جبرتك عليه

#هيثم : لاتردي عليها سوزان

(مافي شوي الا حماتي نازلة وكأنهن متفقين علية ..فاتت حماتي اللي وقفت مع ميسون وصارت ادافع عنها وتأيد كلامها

#حماتي: والله يا امي حاسة فيك معلش يا امي حكم القوى وستك حاكمة وطلع بيدها تجبرك على سوزان ..

#ميسون : شفتي ياست سوزان يعني تيتة جبرت هيثم عليكي ..

#هيثم : خلص حاج حكي بلا طعمي ماحد بجبرني على شي

#سوزان : سلام

#هيثم سوزان لا تردي عليهن والله ماجبرتني تيته عليكي انا يلي اخترتك .. امي شو عملتي ليش هيك كسرتي خاطرها

#حماتي : يعني امي انا مابحبها ولابحب امها ليش تتزوج وحدة مابدي اياها

#هيثم : انا اللي بدي اجوزها مو انتي انا كمان ماني مجوز امها انا سوزان بدي اياها وعقلها راكب على عقلي وانتي ست ميسون اطلعي من حياتي لو سمحتي لولا ما انتي بنت عمي لورجيتك الوجه اللي يصلح معك سلام طالع شوف خطيبتي …

#ميسون : شلون بس مرت عمي ههههه

#حماتي : شاطرة يابنت بس يعني ماحلوة قعدتك على حضن ابني زودتيها شوي اذا عرفت ستك رح تبهدلك

#ميسون : عادي مرت عمي المهم هيثم يصير لالي احلا شي هلاء انو سوزان زعلت من هيثم واكيد مارح تمرق هالشي على خير ..

(بعد ماطلعت لبيتنا فتت غرفتي وطلبت من امي من يجي هيثم ماتستقبلو وحكتلا شو صار وهي زعلت وجنت كمان اساسا امي بدها شي وتتمشكل فيه مع امو لهيثم …ومن قلتها لبست تيابها وجهزت حالها لمعركة الردح فرصة وتيته مانها موجودة …

#امي : يبعتلهآ ستين حمى بنآفوخهآ هالميسون هي وامو لهيثم لك مالاقيه الا بنتي تتحاما عليها هالشرنة بسيطة ..ينكت كرآرك ويشعل نآرك ويشوفك الحكيم ومآيعرفلك دوآ ياميسون يابنت رباب …

#الجزء الثامن ..

#هيثم : مرت عمي وينها سوزان

#امي : لك صهري شوووف بنتي مانها ملطشة لامك وللعيلة حاجتكن خلص روح اخطبها لميسون لترضي امك بعد عن بنتي..

#هيثم : كمان انتي مرت عمي ..سيبك من كلام امي وميسون انا بحبها لسوزان والله بحبها

(فتحت الباب بسرعة لارد على كلامو لهيثم …

#سوزان :وانا مابحبك ياهيثم يا كداب مابحبك وانا مابدي اياك وانا تيته بعرف شلون اني حاكيها ..

#امي : بتفكروني اسكت هيك بسهولة لااا والف لااء وينها وينها

#سوزان : امي وين رايحة تعي لهون امي الله يخليكي مابدنا مشاكل ..

#امي : بعدي هيك بعدي وينك ياربااااب وينك

#مرت عمي (رباب ام ميسون): شو في ام سوزان خير

#امي : اسمعي هاا انا مابدي مشاكل معك طول عمري مابجي جنبك بعدي بنتك عن بنتي اذا بدك اتزوجيها لهيثم روحي راسك لراس حماتي ما تحطو بنتي لعبة

#مرت عمي (رباب): شو هالحكي هااااد يلي بتقوليه بعدين انا شودخلني اذا هيثم انجبر على بنتك..

#مي :متل الحرباية بالوش مرايا وبالقفا صرماية.. سلفة بتجيب المغص

#هيثم : انا ما انجبرت على حد انا اللي بحبها لسوزان اميييييي امييييي وينها امي

#حماتي : هاا يا امي يا حبيبي

#هيثم : امي انتي من مين اسمعتي اني انجبرت على بنت عمي ..

#حماتي :قال: ياللي القلم بايدو ما بيكتب حالو من الاشقيا ..وانت امي كتبت على حالك تكون من الاشقياا

#امي :قالو لكتّار الغلبة نص الدنيا الكن….. قالو النص التاني لميين؟؟

#حماتي :اييييوه شكلك مانك مصلية على النبي يا ام سوزان

#هيثم : مرت عمي خلص ابوس على ايدك حاج من يوم ما اجيت من السفر وانا كل يوم عم شوف هاد السيناريوو

#امي : سوزان ي امي قالوا: عاشقك لا تاخديه ومطلقك لا ترديه..يعني ازبليييه ..

#حماتي :فارة وقعت من السقف قالتلها القطة اسم الله قالتلها اتركني بحالي وانا بألف خير من الله… على الله يكون فهمتي يا اللي فوق بالسقف …

#امي:. راحت الخيل تتحدى مدت الخنفسة رجليها ..واللي بدو يتحدى هاي الحارة من قدها هههاااااي

#حماتي :البرغوت قال للبقة يضرب الشرشوح اذا اترقى…بضلك شرشوحة يا سلفتي ..المهم ياميسون يابنتي والله ماغيرك يحلى لابني انزل يا امي انزل بلا هالنسب اللي بوجع القلب ..

#امي :لابق للشوحة مرجوحة ولابو بريص قبقاب هههه

#سوزان : هههااااي قوية هاي يا امي اعطيني على طواحيني

#حماتي : الجمل لو شاف حردبتو كان وقع وانكسرت رقبتو

#هيثم : انا رح جن منكن سلام عودي لعقلك سوزان رايح جيب تيته انا اتحط لالكن حد …

#امي : الهي يا ام هيثم يبعتلك 12 سوا نار وبارود وهوا وصياح ونياح وهز رماح وعصا وفالج وكرساح وفقر ودين وغضب والدين يامقطع العنتين ..

#حماتي : اويلي على لسانك شو متبري منك يا شرشووحة

#امي :الله يخليلي ياك يا لساني شلون ما درتك بتندار ههههههه

#تيته : ياخرابي على الفضايح كناين رح يجيبو لالي الجلطة يا رب صبرك يا امه لا اله الا الله ..شو صاير ياكناين شوووو مارح نعيش بلا هالقصص والمواويل والردح تبع كل يووم ..شو ما احكي وشو ما اقول مافي فايدة اذن من طين واذن من عجين ..

#حماتي : على قولتك حماتي ..قال بيتحركش بالحمى لتجيه برديه..

#تيته : بلا حماتك يلا زفت الطين انتي بتشوفيني اطلعت من هون بتبلش تعملي حماية على هالصبية قال: يا فرعون مين فرعنك؟؟ قلو ما لقيت حدا يردني… وانتي يا كنتي مالقيتي حد يردك

#حماتي :اي ماشي رايحة على بيتي انا شكلو الحكي مانفع ..سلام

#امي :قال: صار للدبانة دكانة وصارت تسكّر على بكير..
\\

#تيته : حاااج ام سوزان وانتي اطلعي على بيتك وانتي رباب روحي على بيتك ميسون الحقيني انتي وهيثم ..

#امي : اي ماشي فووتي امي شكلك انتي مانك بالجمعة

#تيته : خلص حاج قلنا من ابعتلك تيته سوزان انزلي ..

( كل واحد رح على بيتو بعد درس الردح الي صار …ونزل هيثم وميسون لتحت بس انا ماحبيت فوت لحظة…. الفضول بقتلني ولازم اعرف شو بصير…نزلت وبلشت اتصنت على الحديث ..

#تيته : انتي ماحد رباكي ست ميسون مو عيب عليكي تقعدي مع ابن عمك الخاطب وعلى حضنو مشان تجاكري بنت عمك ..وتسمي بدنها وتقولي على مسمعها انو هيثم ستو جبرتوا …هيثم هو اللي اختارها لسوزان ماجبرت حدا علي حدا اطلعي على بيتك اذا بعرف انك رجعتي تلعبي لعبتك لتأثري على سوزان وتنكدي عليها حياتها والله والله واللي اسمو الله لاخليكي عانس وما اخلي حد يتقدم يطلبك انقلعي من وجهي رفعتي لالي السكر … وانت تيته هيثم والله ماكنت يا تيته متوقعه من اول ايام يبلش درس الردح بين امك وحماتك من اول جيتك لهون بس بسيطة يا تيته امسح جووخ فيني وروح راضي خطيبتك هلاء بكون مكسور خاطرها …

#هيثم : تيته يعني انتي عارفة اني بحبها والله هالعيشة هون بهاد البيت ما حبيتها ومارح اذا اتزوجت عيش مبسوط انتي شايفة شلون الوضع ..

#تيته : انت انطرني بس لارجع من العمرة ياتيته ورح انروح نشوف بيت تسكن فيه انت ومرتك ..

#هيثم : طيب تيته شو الحل فرحي بعد يومين ..

#تيته : انا جهزت كل شي يا حبيب تيته اتحمل حط مرتك بغرفتك …لعند ما ارجع من العمرة

#هيثم : عند امي والله ربنا يلطف

#تيته : اذا ما ارتحت انزل ببيتي يا تيته

#هيثم : لا خلص رح دبرها ان شاء الله

#تيته : اعمامك واولاد عمك جهزوا امور الفرح وقالو انها خلصت غرفة النوم تبعتك بكرة بتجهز انت بس جهز طقم فرحك وكمان بدلة العروس وصلت هيها بالغرفة خدها وروح راضيها لخطيبتك …
.

الجزء التاسع :

( انا اسمعت هالحكي وماني عرفاني طير من الفرح ولا ارقص بمكاني بس قلت مادام هيك هيك انكشفت ميسون وطلعت مدلية رقبتها لفوق وهي عم اتمتم متل المجنونة ..
وهيثم طلع بحبني وبموت عليه خليني استغل هالفرصة لاتقل اكتر مشان هيثم يغازلني ويدللني اكتر ..

اطلعت بسرعة قبل ليوصل هيثم ويكشف وجودي ودخلت البيت وخبرت امي اللي صارت هي ترقص معي …

#امي : هههههه والله يابنتي مانك سهلة بس لاتخافي اذا ستك طلعت على العمرة انا بضهرك ولا يهمك مارح يروب حليباتها لام هيثم الا انا ههههه اخ ياغلي انفش ..قومي قومي شكلو هيثم وصل اتقلي ولا ترضي بسرعة ..اعمل حالك بتبكي

#هيثم : مرحبا مرت عمي فيني احكي مع خطيبتي ..

#امي : اي صهري ليكها جوا بس زعلاني وعم تبكي الله يخليك والله بتتمرض بنتي من الزعل حاجتها بكفي انها وحيدة ماعندي بنت غيرها ومابدي حدا يزعلها ضلعها مكسور

#هيثم : ماشي مرت عمي لاتزعلي من امي فيني فووت

#امي : اي فووت حبيبي فوت

#هيثم : سوزتي حبيبتي بعدو زعلان الحلو مني طيب يعني مابصير.. بعد يومين بدو يصير لالي ويكون زعلان.. طيب فيو يرفع الغطا اشوف وجهو الحلووو..طيب بعدي لهيك اشوف تعبان ونعسان وبدي نام جنبوو

#سوزان : مابصير عيب بعد هيك خليك مع ميسون

#هيثم : ييييي علينا بعدين معك انتي كمان قلت ميسون مابحبها احلف لالك على المصحف مابحبها مابحبها يا مرت عمي والمصحف مابحبها ..

#سوزان : خلص خلص ماشي وانا بحبك بكفي صراخ

#هيثم : ما انتو طلعتوني من خرجي …نفسي افرح كل يوم قصة وسيرة بدكن اطفشوني ..

#سوزان : ههههه خلص متل مابدك خلص اهدى حبيبي اهدى ..اجبلك عصير ..

((سهرنا سهرتنا انا وهيثم وامي اللي كل شوي تروح لعند الباب وتسمع صوت ضحكتها للكل مشان اتجاكر حماتي ..يوم ومرق وتاني يوم بلشنا انجهز حالنا للفرح وخلصنا امورنا وتالت يوم كان يوم فرحنا اللي ماعرفنا شلون رح يمرق بلشنا تجهيزات وانا امي رحنا لاحسن كوافير موجودة بالبلد بس حماتي وميسون ومرت عمي رباب سافروا لمدينة تانية من عز الصبح مشان يروحو لصالون تجميل غير يلي رحنا لالو …امي طلبت مني نبقى بالصالون لقبل تجميع الناس كلهن .. صارت الساعة 6 وانا عم اضغط على امي نرجع ..وخاصة انو هيثم جنني وهو يتصل مشان نلحق نتصور ونروح صالة الفرح ..ما ارتاح لامي بال الا لما اتاكدت انو حماتي وصلت الصالة قبلها …بعد شي ساعة وصلنا انا وامي الصالة ومن اجا هيثم يستقبلني لنفوت لجواا..

#امي : اللهم صلي عليك يانبي.. عريس ياعمتي عريس شو هاالاناقة اسم الله تحرسك

#هيثم : مرت عمي شو هالجمال طالعة بتجنني .. وينها عروستي

#امي :هههه بالسيارة ليكها ..

#هيثم : اووووووف مين هااي

#امي : سوزان شو تهت عنها

#هيثم : مش معقول هاي عروستي ياربي ياربي ماعدت فوت الصالة بطلت

#امي : ليش يا عمتي

#هيثم : اذا فتت والله بصيبوها بالعين وبتروح فيها انا ماني ناقص طالعة بتجنني يا خطيبتي شووهاد لك الله يلطف شو رح يصير فيني اليوم احم احم ..

#سوزان : وانت طالع بتاخد العقل ابن عمي تشكل اسي ان شاء الله

#هيثم : بعيد الشر عنك حبيبي يالا رح يبلشو تعي نفووت..

الجزء العاشر …

((فتنا لجوا الصالة اللي كانو كلهن منبهرين فيني وبهيثم حتى حماتي اللي رح تجن من شافت امي احلى منها اويل قلبي انا بس المفاجات من خلصت كان فرحي حافل ومليان مناقرات بس المرة هاي بالاغاني وكانت امي وحماتي مقسمين الاغاني لالهن وبلشت اغنية امي اللي نزلت تهز وتخلع عليها وهي ..

كايده العزال انا من يومى
ايوه اه ايوه اه

يا بت يا ام التطريحه ايوه اه
يا احلى من الموز ابو ريحه ايوه اه
عليكى حته تسريحه دا انا من يومى

كايده العزال انا من يومى

يا حلوه يا ام التوب الاخضر ايوه اه
والطرحه من شارع الازهر ايوه اه
خليتى ايه لاهل البندر دا انا من يومي

………………………………….::::::::::::::::::…….

(وامي عم ترقص وتتمايل على انغام الاغنية وحماتي بمكانها عم تحرك تمها شمال ويمين وعم تتطحر بارضها ..شوي نادو على حماتي لتبلش اغنيتها اللي ابدعت فيها وطلبت من تيته تنزل ترقص معها وبلشت تتمايل على انغام الاغنية وتقلد بكلمات الاغنية قدام تيته …

حماتى يا نينا دلوعه عليا
تصحى من النجمة يانينا
و تقولى قومى يانينا
و تقلق راحتى يا نينا
من عز نومى يا نينا
أعجن و أخبز و أطبخ و أجهز ..
على الصينية
حماتى يا نينا دلوعه عليا
حماتى يا نينا دلوعه عليا
اليوم بطوله .. يا نينا
تفضل تهاتى .. يا نينا
يا بِت ودى .. يا نينا
يا بِت هاتى .. يا نينا
و إن جيت أسرح و ألا أستريح ..
تعمل قضية..
……………………………………………

( اللي بقول الفرح كان فرحي كداب هاد فرح مجاكرة بين امي وحماتي ..والناس بس صافنة وبتضحك علينا وهيثم اللي كل سوي طالع يشرب سيجارة من هالمنظروكل شوي يشوف ساعتو ..ماعرفت شلون مرق الوقت الا اجا هيثم بقلي ..

#هيثم يالا خلص الفرح خلص الحمد لله . قومي السيارة جاهزة رح نروح نقضي شهر عسل..

#سوزان : هيثم يعني اليوم مارح نروح على بيتنا ..

#هيثم : لا تيته طلعت حاجزة لالنا فندق بدبي رايحين نقضي شهر عسل هونيك ..

#حماتي : شو امي لوين رايحين مابدكن توصلوني معك بالسيارة

#تيته : لا مشي روحي بسيارة جوزك العرسان مسافرين على المطا ر

(طلعنا على المطار وهي مرت عمي عم تدبك برجلها من القهر قضينا شهر عسل بحياتي ماشفت متلو حنان واهتمام وغزل اويلي مابدي اوصف لالكن شو صار ..بس صار اللي صار ..كانت امي كل يوم تقلي شو اعمل وشو ساوي مشان ادلع على هيثم اكتر ..بس حماتي ماكان يمر يوم الا تتصل قال وتبكي اشتاقلت لهيثم ماهو هيثم طول عمروا مسافر ولا مشان مقضي شهر عسل معي ..حماوات اخر زمن ..بعد ماخلص الشهر رجعنا انا وجوزي لان كانت تيته رايحة على العمرة بس هالمرة اخدت ابي وامي معها مشان ماتبقى هي وحماتي يتناقروا بغيابها ووصت عليه هيثم مشان مايترك امو تزعلني .. بعد مرور يومين على سفر تيته وامي بلشت اتعب ومافيني قوم من فراشي واحب ابقى نايمة ..ماكنت بعرف شو بصير معي بس هالشي نرفز حماتي ..

#حماتي : شو وينها البقة لهلاء مافاقت امي شو خلص شهر العسل ..

#هيثم : تعبانة امي تعبانة خليها ترتاح

#حماتي : يوووه اللي بسمعك مقشة بالبيت مابتكمش شو دلع عرووس ..

#هيثم : امي انا رايح ساعد ابي خليها ترتاح

(قفلت لعى حالي باب غرفتي وحماتي ماسكتت تلقيح حكي من ورا الابواب بس انا اللي صار معي اني راجعت بالصالة كل يلي ببطني وهي صارت تنط على المنظر اللي شافتوو

#حماتي : يعوووو لك شووو هاد شو هالقرف هااااد

#سوزان : هلاء مرت عمي بنضفو والله مرضاني

#حماتي : مرضاني كدب هاد دلع ما انا عارفة وحافظة دواوينك هاي تعاليم امك

#سوزان : خلص رح نضفوو

(بلشت نضف بمكان ماراجعت وانا ماعم شووف قدامي ..ومن رجع حماي وهيثم واولاد عمي اتعشو وارتاحوو ..ومن سال عني هيثم قالت لالو اني اتعشيت ونمت وانا ماحطيت شي بتمي كانت عم ادلل هيثم وانا متل بنت الشوارع ملطوعة لحالي مرضاني ماعرفاني شو بصير معي مالي نفس لشي وكل مابدي حط شي بتمي بحس حالي بدي راجع …

#هيثم : حبيبي فيكي شي قوومي اشربي كاسة الحليب هاي

#سوزان : حليب لا مابدي ماني طايقة ريحتو بعدو عني هيك ماني متحملة ..

( هيثم ماعرف شو بصير معي ومن سال امو قالت انو دلع مرق اسبوع كامل على هاد الحال لعند مارجعت تيته من العمر هي وامي ونزلت مشان اطمن عليها من التعب شافت وجهي اصفر ونحفاني
…

#تيته : اويلي على أمتي ياتيته انا بعرف الجوازبسمن بفتح الوجوه ليش وجهك اصفر هيك ..شكلك ماعم تاكلي منيح

#سوزان : باكل ياتبته مافيني شي

#هيثم : لا والله مابتقبل يا ستي تاكل شي ..

##تيته : قومي كلي معنا قومي اشووف

#سوزان : تيته مابطيق ريحة الزفرة الله يخليكي اووووع

#تيته : هههه ياعيني عليه ياعيني ام سوزان مابتعرفي متي بنتك بتجيها هاديك الشهرية

#امي : شو بعرفني انا

#تيته : شو شلون بعرفك مو انتي امها العما على امهات هالزمن … تيته متى بتجيكي هاديك الشهرية ..

#سوزان : كل 6 الشهر

#تيته : اليوم 28 الشهر يعني هههههههههههه اسمع ياتينه روح على الصيدلية اسمعت انو في شي جديد شو اسمو هاد اللي بفحص الحمل متل هيك اصبع بطلع عليه شحطين اتنين …
#هيثم : مافهمت شي تيته

#تيته : شكلا مرتك حامل ياتيته بس خلونا نتاكد روح على الصيدلية

#هيثم : حامل مرتي حامل

#سوزان : ماني حامل شو هالحكي تيته

(طلع هيثم دغري على الصيدلية مافي دقايق الا راجع معو الجهاز وطلبت تيته فووت وافر عليه ومن اطلعت اعطيتها الجهاز كان حدسها صح ..اثبت الجهاز اني حامل ..كمشني هيثم وحملني وبلش يدور فيني بالبناية ويناديني ام عبدوو ام عبدوو دخيل الله ياجماعة راح يجييني عبدوو..وعلى صوت حماتي اللي نزلت تسال شو في وخبرها هيثم اني حامل..

#حماتي: حامل قول والله يا امي رح يصير عندي حفيد

#هيثم : اي امي مرتي حامل والله

(هاداك اليوم الفرحة لاتوصف كانت كل العيلة طايرة من الفرح معاملة حماتي اللي كانت بس حنونة على ابنها صارت حنونة على ابن ابنها اللي ببطني هلاء وكل شوي جايبتلي شي اكلة ..واي شي مشتهيتو اتجيبوا ..

#حماتي : خدي الحسي السكر اللي على ايدي بقولوا بتجيبي صبي بيشبه ستو

#سوزان : مرت عمي بس هاي خرافات ..

(يومها حكمت عليه مرت عمي على هاي الخرفات قال بيطلع الولد بيشبها الوضع ماوقف على هيك كانت حماتي اتجاكر امي باهتمامها فيني ..ويوم اللي عرفو انو اللي ببطني صبي كل البيت صارت ازرق امي تشتري تياب لونها ازرق وحماتي كذلك ..كل حتى جهاز البيبي مجاكرة بمجاكرة اجا ميلادي اللي دخلت حماتي وامي لكشك الميلاد وامي على اليمين وحماتي على اليسار والشاطرة اللي تقوميني مشان ادفع بصراحة مجاكرتهن هي اللي خلتني ادفع بسرعة مشان اخلص ويحلو عن راسي ومن اجااا الولد اوووف يابا ..هو انا شفت ولد ماكنت شوف ابني الا عند ما ارضعو كل شوي الاقي عليه تياب جديدة امي من تلبسو تياب من يلي شرتهن تروح حماتي تغيرهن لعند ما اجا اسبوع ابني اللي لازم يحممو فيه الطفل …

#حماتي : لاااا هيك كتير انا اللي لازم احمم ابن ابني انا ستو و انا اولى فيه

#امي : وانا ستو كمان ولازم احمموا وحاجتك طول اليوم كامشتيه

#هيثم :امي مرت عمي الطفل رح ينخلع هيك حرام انا ابوه وماكمشتو بالمرة خلص ارتاحو انا رح خلي مرتي اتجيب كمان ولد وتاخدية انتي وبصير لكل وحدة حفيد والتالت لالنا ..

#سوزان : لااااااه بياضة انا عندك كل يوم ولد .مين قلك اني رح عيدها ..هو دخول الحمام متل خروجوا

#تيته : وينها عبودي جهزت لالو حمامو شو شكلكن عم تتجاكروا على هالطفل اتركو متل بشكير الحمام صار من ايد لايد انا بدي احمم ابن حفيدي الله يطول بعمري واحمم اولادو كمان وضلي قاعدة على قلوب الكناين اللي صاروا ستات وعندهن احفاد وعقولهن متل فص التووم …

هاتي ازغلط ياتيته لالك …

اويها وطل سن الدهب
اويها لا فالصو ولا خشب
اويها والمسك على جيدو
اويها والحنة على ايدو
اويها وقلبي يحبو ويريدو
اويها وعن قلبي شيلوا العتب

…
#حماتي :أويها بينك وبينا مش فارقة

ومحبتك جوات قلبا خارقة

ومبارح ياهيثم شفتك لوحدك

واليوم عبود متل الشمس حدك شارقة ..

#امي :
اويهااااااااااا
عــريسنــا وسيــم صغيــر
مـــا طبـــق الاسبوعين
أويهــا
حممناه بــإيــام الــورد
أويهــا
بــدنــا نطهروا بــإيــام اليــاسميــن..

#تيته :أويهـــا زرعنـــا بيتنجــــان
أويهـــا يـــا كنـــايـــن هـــالــزمـــان
أويهـــا يــا قليـــلات المــــروّه
أويهــــا يـــا طـــويـــلات اللســــــان

#تيته : خلص حاجتنا ياتيته سكر هالشاشة بكفي فضايح على قروب جمايكا

#هيثم : لا اعوذ بالله ياتيته ماخلصت انا

اويها وعذبوني من صغري
اويها وطققوني من قهري
اويها يوم قالوا مخطوبي
اويها حببوني من صغري
اويها ولموا النقوط لموا
اويها واليوم رح تلتموا
اويها وتشهدوا على طهري
وعلى قبري رايح دغري

لي لي لي لي لييييش

سكروا هالشاشة انا رايح اردح وزغلط مع امي وحماتي طقت مرارتي ولازم اواكب الظروف

#انتهت

حبيباتي القصة تحت التعديل من الاخطاء الاملائية رايكن حبيباتي دخيلكن