هاي قصة ومشكلة لصبية معنا بالجروب بدها نصيحة

اسرة قصص من الواقع
نقدم لكم هذه القصة الواقعية من قسم المنوعات في زاكي
هاي قصة ومشكلة لصبية معنا بالجروب بدها نصيحة

( ماسة تعي امي ردي عالتلفون )
ماسة( اهلا اي احنا بيت ابو اسامة تعي امي تفضلي
حطت السماعة عجنب ونادت على امها بهمس
ماما تعي في وحدة بدها اياكي)
هي كانت ام احمد وحدة بتعرف قرايبها لماسة وخبروها انه اهل ماسة عندها ماسة حقيقية بنت كاملة مكملة ادب وجمال واخلاق
اخدت ام احمد موعد من ام اسامة لحتى تجي هي وابنها ويشوفو ماسة
متل اي صبية بتحلم بهاليوم لبست ماسة وتزبطت لجية احمد
كان لقاء عادي تبادلو فيه النظرات وشوية حكي وخلينا نقول اعجاب متبادل
بعد يومين دقت ام احمد على ام ماسة واخدو موعد لحتى يجي الرجال ويطلبوها رسمي
كتير اجا خطابين لماسة بس دايما كانت تتفركش على ابسط سبب بس خلص سبحان الله لما النصيب بيجي ما في شي بيوقف بوجهه
تمت الخطبة وبعدها العرس والامور مستقرة ما في شي
بس لقدام بلشت الاقنعة تنشال والحقايق تبين والحياة الحلوة تتعكر شوي شوي
ماسة( احمد حبيبي انت هون )
احمد( هون وين بدي كون يعني )
ماسة( كنت بدي قلك شغلة اختي سوزان عاملة عزيمة غدا الي ولخواتي شو رايك تخليني اروح )
قرب احمد لماسة ومسكها من ايديها ومن شعرها ( اسمعي وليه انتي بتعرفي انا قصة وديني عند اختي وديني عند رفيقتي مو موجودة بقاموسي
هو مشوار واحد الك بالاسبوع عند اهلك واذا بتزيدها بحرمك منه كمان)
ماسة( طيب ليش ليش انا نفسي روح وشوف خواتي ورفقاتي والله طق قلبي لا عم بتخليني لا روح ولا اجي ليش هالسجن )
ما كانت بتعرف ماسة انه هالكلمات الي نطقتهم رح يتسببولها بقتلة من زوجها
ما كانت بتعرف انه الرجل الي انخدعت فيه وحبت ترتبط فيه كان صعب قاسي ما بيرحم
لما بكتر الحرمان ولما بتكتر كلمة لا بصير الممنوع مرغوب
نفسها ترجع تتواصل مع رفقاتها بس احمد مانعها تحكي معهم
نفسها تتعرف عالعالم الخارجي بس كمان احمد مانعها يكون عندها فيس او واتس او اي شي تتواصل مع العلم منه
نفسها تاكل وتشرب براحتها بس احمد من كتر بخله ما بجيب لماسة شي بحجة انه بغار عليها ما بلبسها الا طويل
وبحجة انه خايف عليها تنصح ما عم تشبع اللقمة

نفسها تكون ام بس بس

ماسة( احمد منشان الله صرلنا اكتر من ست شهور متزوجين خليني اروح عالدكتورة بس اعرف ليش ما حملت )
احمد( روحة عالدكتورة ما في لو بتظلي تبكي من هون لبكرة )
استسلمت للامر الواقع وما عاد نقت عليه لانه بتعرف لو ظلت تنق لمدة اسبوع كامل ما بتغير شي بالعكس ممكن ينتهي النقاش بسبها وضربها
فكانت تختصر قد ما بتقدر ،،، لكن متل ما بقولو ما في شي بالدنيا بظل مخبى ،،، والي بيتخبى الا ما يجي يوم وينكشف
دارت الايام وعرفت ماسة انه احمد ما بجيب ولاد احمد عقيم ومع هيك حطت على جرحها كومة ملح وسكتت
بس لكل انسان طاقة معينة وكمية صبر ممكن تنفذ باي ساعة
خاصة لما يكون مانعها من كل شي حواليها ومن الناس
والجنة بلا ناس ما بتنداس
راحت ماسة وشكت لاهله عن احمد وعن طبيعته
ماسة( عمتي منشان الله انا تعبت احمد متسلط ما بيرق ما بيحن حاولت معه بكل الطرق
ممنوع البس ممنوع اكل لولا اهلي علي هم الي بيشترولي لبس و اكل وشرب كلن متت من الجوع
ممنوع رفقات ممنوع اخوات طيب وبعدين انا شو اعمل)
ام احمد( والله يا بنتي ما بعرف شو اقلك الله يهديه بس والله ما بطلع بايدنا ايشي عليه )
طيب والحل والنهاية قررت ماسة تتمرد على صبرها
تكسر صمتها ولجأت لاهلها تشكيلهم
اهل ماسة متل كل الاهالي عز عليهم وضع بنتهم كسرهم الذل والاهانة الي هي عايشة فيه بس خايفين من كلمة مطلقة
مجتمعي العزيز ،، اسرة قصص من الواقع انا الي اربع شهور حردانة عند اهلي وقررت امشي بوراق الطلاق
بس زوجي من اسبوع عم بحاول يرجعلي عم يحلف انه تغير عم يقولي والله انا ما عدت احمد الاول
ارشدوني شو اعمل للعلم مو اول مرة بوعدني يتغير
بس انا هي اول مرة بتغير وبكون متاكدة انه لازم اخد قرار
يا ابيض يا اسود ما في رمادي ساعدوني بخبراتكم وبكلمة طيبة انصحوني