المقادير

• كيلو برغل ناعم
• كيلو لحمه هبره(بدون دهن )
• بصله
• معلقه صغيره من ملح وكمون وبابريكا وفلفل اسود وسبع بهارات
• نص كاسه سميد اي نوع متوفر

الخطوات

منغسل البرغل يفضل ناعم ممكن اشقر او اسمر او خليط ومننقعوا مع البهارات والبصل تقريبا ساعتين او من قبل بيوم هاد الشي بيرجع لوقت شغلك منفرم البرغل مع البصل ونص كيلو لحمه هبره على ماكينه الكبه منفرمن مرتين لما نخلص الكبه فرم بعد الدور الثاني منجيب شويه مي بصحن ومنرش رشات خفيفه على البرغل ومندعكو منيح

منجهز الحشوه منفرم البصل ومندبلوا على النار وبعدا منحط كميه اللحمه الباقيه لحتي تستوي منضيف ملح وفلفل اسود وسبع بهارات بس تبرد الحشوه على الاخر منبلش شغل بالكبه اما بتعملوا بالطريقه العاديه او انا بعمل كرات صغيره وبحطا على كيس بلاستك وبرقن بصحن اختاري الطريقه الأسهل منخلص الكميه كلا ومنحمي زيت حرارتو وسط ومانحط كميه كبيره من الكبه مشان مايبرد الزيت وتفتح معنا الكبه

انا حطيت لكيلو البرغل نص كيلو لحمه هبره

والنص التاني هو الحشوه

اما بالنسبة للكبه اللبنيه طبخت لبن بالطريقه المعتاده وقليت الكبه وسقطا باللبن

( ممكن انو تسلقي الكبه بمي خمس دقايق اذا بتفضلي تخففي زيوت )

ممكن اضافه الجوز للحشوه

السميد بيعطيني قرشه طيبه للكبه المقليه

قدموا الكبه مع سلطه خيار بلبن وصحه وهنا للجميع