المقادير

• دجاجة
• ارز مصطفى حبة طويلة ٤كاسات كبار
• حبة فليفلة
• ٣ معالق كبار رب البندورة
• بازيلا وجزر
• راس ثومة
• بصلة
• البهارات..معلقتين كبار بهار مشكل..معلقة صغيرة هيل مطحون..معلقة صغيرة قرفة مطحونة..معلقة صغيرة كزبرة ناشفة مطحونة او حبيبات..نص معلقة صغيرة كمون..معلقةة صغيرة كاري..وبكيت كنور بعطي دسمة زاكبة..ملح
• بقدونس مفروم
• ورق غار وهيل حب وعودين قرفة للدجاج
• لوز للتزيين
• معلقة لبن ومعلقة معجون طماطم وشوية بهارات لتحمير الدجاج

الخطوات

اول شي بنحط البصل والبهارات الخشنة الي هي الهيل والقرفة والكزبرة الحبيبات وبنشوحهم عالنار لتطلع ريحتهم بعدين بنحط الدجاج فوقهم وبنخليه ليوخد من طعمتهم وبعدين بغطيه بمي وبحطلو ورق غار وبخليه ليستوي

بعدها بنقع الارز بمي دافية لمدة ثلث ساعة

وعالخلاط بحط راس الثومة مع شوبة من مرق الدجاج وبخلطهم

هسا بتجيبي البازيلا والجزر وبتقليهم مع الفليفلة ليحمرو بعدين بتحطي فوقهم خليط الثومة وبس يغلو شوي بتصفي الارز وبتحطيه فوقهم..وبتحطي البهارات المطحونة الي ضلت ومعجون الطماطم وبتزيدي من مرقة الدجاج لتغمري الارز..وبتخليه ليستوي زي اي رز..وبتزينيه بالبقدونس واللوز

الدجاج طبعا بتحطي معلقة لبن كبيرة ومعلقة معجون الطماطم وشوية بهارات وبتدهني الدجاج وبتحمريه

واخر شي بس تحطبهم بالسدر وتزيني بامكانك تولعي فحمة وتحطيها بقصديرة بنص السدر وتحطي فوقها زيت وبتكمريهاا عطول بتعطي نكهة كتير زاكية وصحا وهنا بدي تشجيع يا شلة الانس

شكلكم نسيتوني😢😢😢