قصة جريمة غير تامة الحلقة الخامسة و السادسة
قصة جريمة غير تامة الحلقة الخامسة و السادسة
هذه القصة مقدمة لكم من قسم المنوعات في زاكي, متابعة ممتعة نرجوها لكم, وننتظرر رأيكم في التعليقات.
#قصص_من_الواقع
#جريمة_غير_تامة الحلقة الخامسة + السادسة
#بقلم_حلا_الشويكي
الحلقة الخامسة
في بيت هند …
هند عم تحكي عالموبايل .. متوترة عم تروح وتجي بالغرفة
هند : طيب من وين دبرلك هيك مبلغ من وييين ؟؟؟
مجهول : يعني لسا ما تدبر ؟!
هند : لك راتبي يا دوب اشتري فيه دوا لإمي .. ما معيييي من وين ادبرهن ؟
مجهول : من حبيب القلب
هند : حبيب قلب مين ؟
مجهول : من حبيب القلب هيثم !
هند : ………
مجهول : عطيتك اخر فرصة .. وانتي جنيتي على حالك .. رح تندمي
هند : اندم ؟ الوووو لك الوووو … الله يلعنو سكر الخط
رمت هند الموبايل عالتخت وانهارت من البكى .. سمعتا امها واجت لعندها
ام هند : هند شبك ؟؟
هند : اطلعي برا
ام هند : انا امك وبتحكي معي هيك ؟!
هند : عم قلك اطلعي برااااا
قامت هند متل المجنونة دفشت امها لبرا الغرفة وسكرت الباب
هند : الله يلعن هيك عيشة ما بتنطاق
==========================
تاني يوم الصبح … صحي هيثم من النوم عمل فنجان قهوتو بالبيت وشغل غنية فيروز ..
أنا لحبيبي و حبيبي إلي
يا عصفورة بيضا لا بقى تسألي
لا يعتب حدا ولا يزعل حدا
أنا لحبيبي وحبيبي إلي
عم يشرب القهوة ويدخن .. فجأة خطر على بالو نهال .. وتزكر بس سألها ليش بكيتي هلأ ؟؟
( والله انا حبيتو .. هو خانني معا حبيتو كتير وتركني )
( هيثم عم يحكي بينو وبين حالو … ليش تلبكت وصارت ترجف واخدت حب مهدئ بس بكيت بعد ما سألتها ليش ما كانت تحبني .. مين يلي خانا ومين يلي تركا ؟ انا بكم موضوع بدي فكر ؟! اووووووووف والله تعبت )
طفى سيجارتو ولبس ونزل على شغلو بس هالمرة ما كانت هند بإستقبالو ..
==========================
في مكتب المحقق …
منذر : سيدي الظاهر رغد ما الها علاقات مع الجيران لأنه اغلبهن ما بيعرفوها
– ما بيعرفوها ؟؟!!
منذر : اي والله .. ويلي بيعرفوها بيعرفو انها بنت نهال ومن زمان ما شافوها بس
– طيب ابو رغد .. وعيلتو كلهن اعرفلي تفاصيل حياتن بدي البلد كلها يتحقق معها .. المهم ينكشف الفاعل
منذر : حاضر
==========================
في بيت ام سعيد …
نجوى : حبيبي شبك معصب ؟
سامر : ولا شي .. ولا شي اتركيني
نجوى : حبيبي
دفشا سامر وقعت عالأرض
ام سعيد : ولي على قامتي شبك نجوى امسكي ايدي حبيبتي وقومي .. شبك سامر ليش هيك عملت ؟
سامر : ……….
نجوى : ( تبكي )
نور واقفة من بعيد وعم تطلع عليهن وتضحك ضحكة شماته
فات سامر على غرفتو بلا ما يحكي ولا حرف ركضت نجوى وراه وبعد 5 دقايق طلعت من عندو عيونا متل الدم .. بكيت كتير بالرغم من انه ما طلع صوتهن برات الغرفة .. بس الظاهر كان في حرب باردة جوا الغرفة وهالحرب كسرت قلب نجوى كتير
ام سعيد : شبك يا بنتي ليش بكيانة ؟
نجوى : مرت عمي .. ضميني لصدرك تعبانة .. تعبانة كتييير
ام سعيد : يا حياتي انتي .. سلامة قلبك يا قلبي
==========================
في بيت هيثم ….
هيثم : امي .. انا لازم سافر بس ازا احتجتو اي شي ابعتيلي بحوللكن مصاري
ام هيثم : بتعرف يا هيثم … مشتهية دورلك على عروس وجوزك .. اختارلك البنت يلي بتناسبك
هيثم : …… امي !!
ام هيثم : شو امي ؟؟!! رغد ماتت الله يرحما خلص شوف حياتك واصلا انا ما كان بدي رغد وانت بتعرف هالحكي
هيثم : امي لا عاد تفتحي هالموضوع معي اي ؟
رن موبايل هيثم …
هيثم : الو
هيفا : مرحبا ……….
هيثم : اهلا .. شو عم تحكي انتي ؟ اوعي تروحي لهنيك
هيفا : طيب ممكن نلتقي ونحكي شوي ؟
هيثم : لاقيني بعد نص ساعة بالحديقة
هيفا : ماشي
سكر الخط ودق على موبايل هند مشان يسألها ليش ما اجت عالشغل .. بس كان مقفول … زاد الشك بقلبو وخاف تكون هربت قبل ما تتحاسب
==========================
في بيت بكر …
بكر : يلا هلأ بتكون ام رغد هديت نفسيتها شوي جبتلك رقمها من هند السكرتيرة خدي احكي معها وحددي موعد تزوريها
زينة : بس لازم اخدلها اشي معي يعني علبة شوكولا او هيك اشي
بكر : اه طبعا حاسب حسابي لكل إشي تخافيش علي
اخدت زينة الرقم …
زينة : الو مرحبا معي ام رغد ؟؟
نهال : اها تفضلي
زينة : انا اخت زميل رغد بالشغل وحابة اجي ازورك
نهال : اهلا وسهلا حبيبتي بتنوري
زينة : بكرا بعد العصر بكون عندك .. ممكن العنوان لو سمحتي ؟
نهال : تفضلي
زينة : شكرا .. بشوفك بكرا سلام
بكر : شو صار ؟
زينة : متل ما سمعت
بكر : طيب بدك اوصلك ولا تروحي لحالك ؟
زينة : بروح لحالي
==========================
هيفا وهيثم بالحديقة ….
هيفا : هيثم لا تسافر .. اجل سفرتك ليخلص التحقيق
هيثم : انا مسافر بس عيوني رح تبقى هون
هيفا : كيف يعني ؟
هيثم : بعدين بقلك .. هيفا امانة لا تتركي ام رغد اهتمي فيها
هيفا : ولوووو هاي من ريحة الغالية
وقفت هيفا ودعت هيثم لترجع عالبيت .. بس داخت ووقعت بحضنو
دقايق معدودة وبعدها اتداركت هيفا يلي صار وخجلت كتير .. بعدت عنو وقعدت عالكرسي
هيفا : بعتذر منك
هيثم : انتي منيحة ؟
هيفا : ما بعرف
هيثم : طيب رح وقف واسندك للسيارة
هيفا : ماشي بدي عزبك
سندها هيثم للسيارة وركبو سوا … بعد 5 دقايق وقف هيثم سيارتو
هيفا : ليش جبتني عالمشفى
هيثم : مشان اتطمن عليكي باين على وشك التعب .. انزلي
هيفا : بلا ما عزبك
هيثم : لا ولو .. تفضلي
==========================
في بيت ام سعيد …
ام سعيد : هاد يلي طلع معك بدك تتجوز على مرتك مشان تخلف ؟ كل هالصبر يلي صبرتو هيك تكون جزاتها ؟
سامر : امي انا ابنك ما بدك تشوفي ابني ؟
ام سعيد : انت ما ….
نجوى : مرت عمي لأ لأ
ام سعيد : انت ابني وحبيبي بس حتى لو تجوزت بنت غير نجوى .. ما رح تجيب ولاد
نجوى : مرت عمييييييي
سامر : امي شو عم تحكي انتي ؟
ام سعيد : هاااي الحقيقة .. اللي خبتها عنك نجوى وتحملت تسميع حكي من نور .. ونجرحت كتير وسكتت وصبرت
سامر : ………..
فاتت نجوى على غرفتها وطلعت بعد ربع ساعة .. بإيدها شنطة تيابها
سامر : نجوى ؟
ام سعيد : وين رايحة ؟
نجوى : عند أهلي
سامر : انا اسف
نجوى : بس كنت مفكرني انا يلي ما بجيب ولاد كنت بدك تتجوز وما اهتميت .. وبس عرفت انه انت يلي ما بتجيب ولاد حسيت بجرحي واعتذرت .. تخيل يا جوزي يا حبيبي لو انا من ساعة ما خبرني الدكتور انك ما بتخلف طلبت الطلاق منك .. شو كنت حكيت عني ؟ مو بنت اصل وما بفهم .. بس رحت ببساطة عطيت لحالك الحق انك تتجوز وانك لازمك طفل .. وانا هلأ لازمني طفل .. بدي صير ام .. طلقني
طلعت نجوى وسكرت باب البيت بقوة
سامر وام سعيد مصدومين من قوة نجوى بالحكي
سامر : ياريت خبرتوني
ام سعيد : نجوى .. نجوى تحملت كتير حكي وما رضيت تخبر حدا غيري انه هي بتجيب ولاد .. لانها بتحبك وخافت على مشاعرك بس انت ما خفت على مشاعرها .. وجرحتها
سامر : ما رح ترجعلي ؟
ام سعيد : ما بتوقع بعد يلي صار ترجع .. مستحيل
==========================
في المشفى …
هيفا بغرفة الفحص وهيثم بالإستراحة .. رن موبايلو ..
هيثم : الو
هند : مرحبا استاذ
هيثم : اهلين هند ليش ما جيتي عالشغل اليوم ؟
هند : والله يا استاذ امي مرضانة .. انت تمام ؟؟ الشركة تمام ؟؟
هيثم : سلامتها .. اي كلو تمام لا تخافي
هند : يعني تمام تمام ؟
هيثم : انسة هند في شي ؟ عم قلك كلشي تمام
هند : حبيت اتطمن
طلع الدكتور من عند هيفا …
هيثم : طيب هند بحكيكي بعدين سلام هلأ
اي دكتور طمني ؟؟
الدكتور : والله ما بعرف شو بدي قلك نحنا شاكين بشي .. بس بدنا فحوصات كمان لنتأكد
هيثم : ما بتتأجل ؟ لأني ضروري سافر
الدكتور : لا والله ما بتتأجل
هيثم : طيب
رفع هيثم الموبايل وحكى مع نهال …
هيثم : مرت عمي .. هيفا بدا فحوصات وانا طيارتي بكرا المسا بدي لحق جهز حالي .. بتقدري تجي عالمشفى هلأ وتبقي معا ؟
نهال : اي هلأ بجي ولا يهمك
فات هيثم لعند هيفا ..
هيثم : هيفا انا لازم روح جهز حالي للسفر بس الدكتور طلب فحوصات فورية لهيك رح تجي مرت عمي نهال تبقى معك اي ؟
هيفا : خلص بعدين بنعملون
هيثم : مستحيل الدكتور قال ضروري هلأ
هيفا : (بخوف) ليش ؟
هيثم : ……… والله ما بعرف بس ان شاء الله خير لا تخافي .. يلا انا تأخرت لازم روح هلأ .. رح ضل على تواصل معكن واتطمن عليكن دايما
هيفا : هيثم
هيثم : نعم هيوف
هيفا : ( ابتسمت ) شكرا كتير
==========================
#قصص_من_الواقع
#جريمة_غير_تامة الحلقة السادسة
#بقلم_حلا_الشويكي
في بيت هيثم ….
هيثم : مرحبا حبيبتي .. كيفك محتاجة شي ؟ جيبلك معي شي ؟
وهيثم عم يحكي فاتت امو ..
ام هيثم : الله يسمعنا الاخبار الطيبه .. عشقااان يا ضرسااان ؟؟
تلبك هيثم ونزل الموبايل عن دانو وهو عم يدعي يارب تسكر هي الخط قبل ما امو تطلب تحكي معا
ام هيثم : هات الموبايل احكي معا بدي اتعرف عليها
مسكت ام هيثم الموبايل وحطتو على دانها .. بس ما كان في حدا عالخط
ام هيثم : هههههههه يمكن خجلت .. تعال اقعد احكيلي مين هاااي ؟
حك هيثم راسو وتنحنح …
هيثم : امي بعدين بقلك هلأ بدي جهز حالي وروح مشوار وارجع اخد شنتاية السفر وسافر .. خلي الشغالة تجهزلي كلشي
ام هيثم : ماشي
==========================
في بيت نجوى …
نجوى : انا بدي اتطلق
ابو نجوى : دلال احكي مع بنتك ما بدي قوم كسر راسا
ام نجوى : يا بنتي هو قال بدو يتجوز بس ما تجوز يعني يمكن كان معصب
نجوى : لا ما بدي ياه خلص فكر يتجوز علي مرة ممكن يفكر بعدين
ام نجوى : طلاق مافي مااا في
نجوى : اي وانا ما رح ارجع وبس
ام نجوى : دخيل اسمك يا ربي شو صايرلا هالبنت اليوم
==========================
في مكتب المحقق …
– شو يا منذر شو عرفت عن هند ؟
منذر : والله هند خطيرة يا سيدي
– كيف خطيرة ؟
منذر : بتتعامل مع اوسخ عصابة بالبلد .. ملوك التخفي يلي محيرين الحكومة كلها وما حد عرفان يكمشهن
– كيف بتتعامل معهن ؟
منذر : ما بعرف بالزبط بس الها علاقة فيهن
– ابعتلي وراها مراقبة هالفترة
منذر : حاضر سيدي نطلبها للتحقيق ولا لا ؟
– لا .. بس عممو عليها بدون ما تحس .. ممنوع تطلع برات البلد
منذر : حاضر سيدي
==========================
في المشفى …
نهال : خير دكتور طمني ؟
الدكتور : لا توقعاتنا مو بمكانها الحمد لله
نهال : يعني شو ؟
الدكتور : يعني البنت محتاجة شوية راحة لانها مرهقة .. الف سلامة عليها
نهال : الله يسلمك شكرا كتير
رفعت نهال الموبايل ودقت لهيثم لتطمنو ….
هيثم : الو اي مرت عمي
نهال : اي هيثم قال ما فيها شي هيفا الحمد لله بس ارهاق وبدها راحة
هيثم : الحمد لله .. الله يطمن قلبك
نهال : صوت مين يلي جنبك ؟
هيثم : ولا حد
نهال : طيب يلا رح سكر سلام
==========================
تاني يوم الصبح .. راح هيثم لعند نهال اتطمن على هيفا وسلم عليهن وراح على الشركة لياخد اوراق من هنيك
هند : صباح الخير استاذ
هيثم : اهلين انسة هند كيف صارت والدتك ؟
هند : الحمد لله بخير
فات هيثم على مكتبو وشاف ظرف ورق على مكتبو .. فتحو وصرخ بصوت عالي ( هنددددددددددد )
هند : اي استاذ جيت شوفي
هيثم : مين دخل على مكتبي بغيابي ؟
هند : ولا حد
هيثم : متأكدة ؟
هند : اي .. شو هالظرف استاذ ؟
بثواني فكر هيثم انه ازا حسسا انو شاكك فيها ممكن تهرب
هيثم : رسالة من رغد الله يرحما
ومشان يشيل الشك من بال هند اكتر .. قرب الظرف وشمو وضمو بقوة
ورفع الموبايل واتصل بالمحقق .. رغم انه وقتو ضيق وقربت طيارتو ولازم يسافر بس في شي ممكن يكشف الفاعل لازم يقدمو للمحقق دليل ضد هند
==========================
في مكتب المحقق ….
( هند هي المجرمة )
( هند هي القاتلة )
( هند هي قاتلة رغد )
– يا سلاااام .. مين يلي كاتب هيك ؟
منذر : بتوقع هند وكلت حدا بقتل رغد وصار بيناتهن مشاكل لهيك تركو هالظرف بمكتب هيثم
هيثم : احتمال وارد لاني عم حسها شاردة وخايفه طول الوقت
– شددلي الرقابة عليها يا منذر
منذر : حاضر سيدي
هيثم : عن اذنكن ازا استجد شي معي برجع بحكيكن لازم روح هلأ
==========================
في بيت ام سعيد …
سامر : امي بدي روح لبيت اهل نجوى .. اشتقتلها
ام سعيد : رح اجي معك
وهنن عم يحكو سمعو نور وسعيد عم بتخانقو ..
ام سعيد : لحظة لشوف شبهن نور وسعيد
دقت ام سعيد الباب ..
نور : اي اكيد امك جاي لتشمت فيني .. سمعتنا بنتخانق قام فرحت
سعيد : اخرسي واحكي عن امي بأدب وليه حيوانة
فتح سعيد الباب وراسو بالأرض …
ام سعيد : انا جاي اشمت فيكي ؟
نور : اي لكن .. راحت حبيبة قلبك نجوى وزعلتي عليها انا مارح تزعلي علي
ام سعيد : حجم السم يلي بقلبك عم يخليكي تفكري هيك
راحت ام سعيد جهزت حالها وراحت هي وسامر لعند نجوى عالبيت
في بيت نجوى ….
سامر : انتي ما بتحبيني ؟
نجوى : جرحتني
سامر : يعني ما بتحبيني ؟
نجوى : مبلا بحبك
ام سعيد : طيب يا بنتي ونحنا كتير بنحبك وانا ما عاد اتحمل البيت بلاكي .. روحي البسي وارجعي معنا عالبيت
نجوى : ……… ما بدي
ام سعيد : كرمالي ؟
نجوى : وبتوعديني ما يفكر يتجوز بعد هيك ؟
سامر : انا بوعدك
نجوى : بدي وعد من مرت عمي
غمز سامر لإمو انو توعدها
ام سعيد : بوعدك حبيبتي
نجوى : ماشي هلأ بجهز حالي وبجي معكون
ام سعيد : (والضحكة بعيونا) بتنووووري بيتك يا روحي
نجوى : نورك يا عمري
==========================
راحت زينة لعند نهال ..
زينة : الله يصبركم خالتو
نهال : الله يحميلك شبابك حبيبتي
زينة : كتير اخوي كان يحترم رغد كتير حكالي عنها
نهال : مين كان ما بيحب رغد .. الله يرحمها ويخليكي لأهلك
==========================
بعد ساعات ….
هيثم بالمطار عم ينطر طيارتو كل شوي يتطلع على ساعتو بتوتر وتردد لازم يسافر مشان شغلو بس مو حابب وخايف ..
طالع موبايلو وبعت مسج ( حبيبتي .. ازا ما بدك سافر ما بسافر )
كان الرد .. ( اي لا تسافر انا محتاجتك )
( حاضر حبيبتي )
( هههههه لا بمزح معك سافر خلص شغلك بس لا تتركني خليك على تواصل معي )
بهالوقت صار موعد طيارتو .. ابتسم وحط الموبايل بجيبتو وطلع بالطيارة
==========================
في بيت نهال ….
هيفا : خالتو انتي ليش ما بتحبي هيثم ؟
نهال : مين قال هيك بالعكس انا كتير صرت حبو
هيفا : اي صرتي تحبيه بس ما كنتي تحبيه ليش ؟ بالرغم من انه ما عمل شي يزعجك ما ؟
نهال : …….
هيفا : احكيلي خالتو
نهال : كان عمري 20 سنة بس حبيت ايمن
هيفا : ايمن ابو هيثم ؟
نهال : اي .. طبعا انا من لما شفت هيثم عرفت انه ابن ايمن .. كتير بيشبهو .. شكلو حركاتو كلامو .. الشي الوحيد يلي ما بيشبهو ابدا … اخلاصو .. هيثم كتير وفي وكتير بيحب رغد
هيفا : وايمن شو عمل معك ما فهمت ؟!
نهال : بعد حب 44 سنين .. تزوج بنت غنية وهي يلي وصلتو لهون .. يعني تركني بلا ما يودعني وسمعت انه تزوج
هيفا : وشو دخل هيثم لتكرهيه ؟
نهال : خفت يكون قلبو حجر .. وما عندو ضمير .. وخاين متل ابوه
هيفا : لا يا خالتو هيثم كتير منيح
نهال : اي مع الوقت وبعد الحادثه تاكدت انه كتير منيح بس بعدني عم شوف بعيونو نظرة ايمن
==========================