قصة جريمة غير تامة الحلقة الثامنة
هذه القصة مقدمة لكم من قسم المنوعات في زاكي, متابعة ممتعة نرجوها لكم, وننتظرر رأيكم في التعليقات.
#قصص_من_الواقع
#جريمة_غير_تامة الحلقة الثامنة
#بقلم_حلا_الشويكي
هند : اميييييي شبك شو هالدم ولييييييي امييييي .. اميييي انتي فايقة ؟؟!! يا الله شو اعمل ؟ رح اتصل بالإسعاف ….
في المشفى …..
هند عم تبكي بالرغم من قساوتها على امها بس ما تحملت فكرة انه ممكن تفقدها للأبد .. طلع الدكتور من غرفة العمليات …
الدكتور : انتي بنتها ما ؟
هند : اي
الدكتور : ما رح خبي عليكي وضع الوالدة خطير .. بسبب ضربة قوية على راسها ادت لغيبوبة الله اعلم رح تفيق منها او …
هند : لا دكتور لا تقولا مشان الله انا ما الي غيرا بكل الدنيا .. طيب مين يلي ضربا على راسا ما في حد بالبيت اصلا الا انا وهي وانا كنت بالشغل وجيت لقيتها هيك يمكن واقعة عالأرض ؟
الدكتور : لا .. مكان الضربة في منتصف الرأس مستحيل تكون وقعة
وهنن عم يحكو دق موبايل هند ….
هند : الو
مجهول : قلتلك رح تندمي
هند : شوووو ؟؟
مجهول : هاي بداية اللعبة يا شاطرة
هند : الوووو الووووو
نزلت هند الموبايل عن ادنها وهي عم تبكي وتقول الله يلعنك الله يلعنك امي ما الي غيرها بالدنيا امي امي .. انتقمت مني بإمي شو زنبها هي ؟! عم ترجف وتحكي وتبكي
الدكتور : انسة هند انتي منيحة ؟
هند : لا مو منيحة ( تبكي )
الدكتور : تفضلي اشربي مي
======================================
في الأوتيل ….
هيثم عم يجهز حالو مشان يطلع يخلص شغلو ويرجع عالبلد .. دق موبايلو
هيثم : الو .. حبيبتي شبك ؟؟ لك ايييي جاي جاي ليكني رح خلص شغلي واحجز على اول طيارة بس لا تبكي يا قلبي
=======================================
في بيت بكر …
بكر : انا بدي أزورهم خلص رغد ماتت يعني ليش يغار استاذ هيثم ؟
زينة : طيب بنروح سوا
بكر : ماشي خدي موعد
زينة : بس ما بنطول عندهم
بكر : ماشي
بعد 5 دقايق …
زينة : اخدت موعد نروح بكرا الضهر
بكر : ماشي
=======================================
هيثم عند رفيقو بالمكتب … وصلو رسالة عالواتس اب من نهال
( مرحبا هيثم .. انا وهيفا بطريقنا لدكتور تاني غير يلي اخدتها عليه لأنه هي تعبانه وحاسة انو يلي معا مو مجرد ارهاق )
اتلبك هيثم وما عرف شو يعمل رفع الموبايل واتصل على نهال بسرعة قبل ما يوصلو للدكتور
هيثم : الو مرت عمي لا تفهمي هيفا شو عم احكي معك
نهال : اي ؟
هيثم : لا توصلي الدكتور .. انا بعرف انه يلي مع هيفا مو مجرد ارهاق وما بدي تنصدم بس اجي انا بحكي معا
نهال : ( بخوف وتوتر ) اهااا طيب بس اوصل البيت بحكي معك سلام
حطت نهال ايدا بالشنتاية وعملت حالا بتدور على شي ..
نهال : يييييي وينهن وينهن
هيفا : شو في خالتو ؟
نهال : المصاري نسيتن بالبيت
هيفا : لا حطيتيهن انا شفتك
نهال : لا ما في .. لو سمحت لف وارجع
هيفا : خالتو ؟؟!
نهال : حبيبتي بكرا بنرجع نجي لأنه ما رح نلحق نروح نجيب المصاري ونيجي
هيفا : ليش ما نلحق ؟
نهال : صاحبتي جاي لعندي
حست هيفا بشي غريب عم يصير … بس سكتت وحاولت ما تفكر بالموضوع كتير
وصلو نهال وهيفا البيت ونزلو .. طالعت نهال الجزدان لحتى تحاسب التاكسي
هيفا : ليكي قلتلك ما نسيتيهن ليكهن بالجزدان
نهال : ( تلبكت كتير ) اي اي ما شفتهن الا هلأ
=======================================
في بيت ام سعيد ….
نجوى : مرت عمي رجعو نور والله حرام خلص انا مسامحتها
ام سعيد : لا يا نجوى ما عاد فيني اتحملها حاجتي
نجوى : ما بدي كون السبب
ام سعيد : لا ابدا هي السبب مو انتي هي يلي عملت بحالها هيك لا تزعلي
نجوى : الله يهديها يارب
=======================================
تاني يوم الصبح …
هند بالمكتب تعباااانة .. ساندة راسا عالمكتب ومغمضة عيونها
عم تستقبل اتصالات الشركة وتخبرهن انه هيثم مسافر وتأجل كلشي وكل المقابلات ليجي هيثم .. بس اخر اتصال لبكها وخوفها كتير
مجهول : شو يا هند مو لو دفعتيلنا المبلغ يلي طلبناه كان انقذتي امك من يلي هي فيه هلا ؟
هند : طيب شو اعمل والله ما كان معي ليش هيك عملتو ؟
مجهول : وهلأ بتحبي تامنيلنا المبلغ ولا نسمع تسجيلاتك للشرطة واعترافك المباشر بقتلك رغد ؟
سكرت هند التلفون وهي متلبكة وعم ترجف .. طلعت من المكتب عم تركض وتتلفت حواليها ركبت بتاكسي وراحت لعند امها عالمشفى
هند : مرحبا دكتور .. طمني كيف صارت امي ؟
الدكتور : والله ما بدي كذب عليكي وضعها حرج جدا .. ادعيلها
رجعت هند لورا 3 خطوات و غابت عن الوعي
=======================================
ذكريات هيثم …..
هيثم : حبيبتي
رغد : اي يا عمري
هيثم : رغوودة
رغد : عيووون رغووودة
هيثم : رغد
رغد : يا روووح رغد
هيثم : بحبك
رغد : بموت فيك
هيثم : اقنعتي امك اجي اخطبك ؟
رغد : بس تسمع اسمك بتعصب ههههه بس رح تقتنع الا اقنعها ما بتخلا عنك انت روحي وقلبي وعمري
هيثم : يعني انو ليش ؟ انا شو عملت لتكرهني بلا ما تعرفني ؟
رغد : والله ما بعرف .. اليوم رح اعمل خطة مشان توافق
هيثم : مجنونة شو رح تعملي
رغد : بالليل بتعرف ههههههه
اجا الليل و دق موبايل هيثم …
رغد : اي حبي .. امي وافقت وأخيرا
هيثم : لك كيييف شو عملتي؟
رغد : انتحرت
هيثم : شووووووووو مجنووونة انتي شلون ؟
رغد : هههه لك لا لا رحت جمعت ادوية البيت كلو وفضيتهن بإيدي وقلتلها رح انتحر ازا ما بتقبلي انه حبيبي يخطبني وبتعرف امي ما الها حدا من يوم وفاة ابي ما الها غيري يعني ما بتستغني عني خافت علي وصارت تبكي وقالتلي اللي بريحك اعمليه
هيثم : ههههههه مجنونة على أساس لو الها غيرك رح تخليكي تنتحري .. طيب هلأ بخبر امي وبنزوركن
فتح عيونو هيثم على الواقع .. وين رغد ؟ يلي تعزبنا كل هالقد مشان نكون لبعض وينا هلأ ؟
ابتسامة مع دمعة من هيثم .. كانت كفيلة تبين حبو لرغد
=======================================
في المشفى …
هند فتحت عيونا وكبست الجرس …
الممرضة : الحمد لله على سلامتك انسة هند
هند : امي
الممرضة : انسة هند عم تسمعيني ؟؟
هند : امي
الممرضة : رح خبر الدكتور انك فقتي
راحت الممرضة لعند الدكتور وخبرتو انه هند فاقت …
الدكتور : الحمد لله على سلامتك .. انتي بخير ؟
هند : بدي امي
الدكتور : الظاهر كانت متعلقة بإمها كتير الله يعينها .. اعطيها ابرة منوم والحقيني
=======================================
في بيت ام سعيد ….
ام سعيد : سامر .. بكرا جهزلي حالك نروح على دكتور مشان قصة الولاد
سامر : حاضر امي
نجوى : مرت عمي وانا صح ؟
سامر : لا انتي ما الك لزوم ههههههه
نجوى : لكن اتعالج وجيب ولاد من غيري ما الي لزوم قلتلي
سامر : تؤبشني الزعلانه عم امزح معك انتي الأسااااس يا روحي
ام سعيد : احم احم نحن هنا هههههه