قصة جريمة غير تامة الحلقة العاشرة
هذه القصة مقدمة لكم من قسم المنوعات في زاكي, متابعة ممتعة نرجوها لكم, وننتظرر رأيكم في التعليقات.
#قصص_من_الواقع
#جريمة_غير_تامة الحلقة العاشرة
#بقلم_حلا_الشويكي
رجع هيثم من السفر تعبان .. مو عارف من وين رح يبدا التحقيق ؟ هيفا ؟ من وين رح يبدا ؟!
هيثم : مرحبا
ام هيثم : اهلين حبيبي تعال لحضني اشتقتلك لك دخيل هالريحة
هيثم : امي تعبااااااان بدي نااام وارتاااح
ام هيثم : هيثم ؟
هيثم : نعم يا امي
ام هيثم : ليش عم تعاملني ببرود ؟
هيثم : لا ابدا بس تعبان بدي نام تصبحي على خير
وقفت ام هيثم مصدومة من برود مشاعر ابنها معها
==========================
في المشفى …
الدكتور : انسة هند لو سمحتي ساعدينا .. بدي رقم أي حد من قرايبك أهل والدتك …
هند : اخي ومرتو برات البلد .. ومن زمان ما بنعرف عنهن شي .. بس مشان تكاليف الدفن اعطيني موبايلي بدي اعمل اتصال
الدكتور : تفضلي
( معقول اجا من السفر ؟ يارب يكون اجا انا متأكدة رح يساعدني )
( رد يا استاذ هيثم رد دخيلك رد )
هيثم : الو
هند : ( تبكي ) استااااذ هيثم
هيثم : شبك انسة هند شبك ؟
هند : امي .. امي انقتلت
هيثم : لحظة لحظة .. شو حكيتي ؟
هند : ( تبكي )
هيثم : انتي وين هلأ ؟
هند : بالمشفى
هيثم : طيب ربع ساعة وبكون عندك
وصل هيثم المشفى ببدلتو السودا ونضاراتو السود … وهو على باب المشفى عمل اتصال ….
هيثم : حبيبتي .. هند امها انقتلت انا جيت عالمشفى يمكن نقدر نوصل للفاعل عن طريق قتل ام هند .. ليش عم تبكي هلأ ؟ ولييي شو قلبك مشرشح يلا سكري بنحكي بعدين .. بحبك
طلع هيثم على غرفة هند ..
هيثم : مرحبا
هند : اهلين استاذ
هند وشها تعبان و اصفر عيونها حمرا متل الدم حوالين عيونها سواد الليل
هيثم : شو صاير يا هند ؟
الدكتور : استاذ هيثم بفضل احكي معك انا مو هند لأنها بتتعب
هيثم : تفضل
الدكتور : مو هون استاذ .. تفضل معي على مكتبي
الدكتور : اي استاذ حضرتك شو بتقرب لهند ؟
هيثم : مديرا بالشغل بس
الدكتور : والدة هند تعرضت لضربة على راسها مما أدى لوجود نقطة على الدماغ .. ادت لوفاتها
هيثم : اي ؟
الدكتور : وما في حد اجا يستلم الجثه لحد الآن والآنسة هند وضعها غير سامح للخروج من المشفى حاليا
هيثم : ومين القاتل ؟
الدكتور : اجت الشرطة واستجوبت هند بس قالت انها ما بتشك بحدا
وهنن عم يحكو فاتت الممرضة …
الممرضة : دكتور المريضة عم تلخبط بالحكي شي بتقول امي شي بتقول هيثم شي بتقول رغد
هيثم : (بعصبية) لحظة لحظة .. شو قالت عن رغد ؟
الممرضة : عم قلك عم تلخبط بالحكي والله ما فهمت شي
هيثم : ممكن اجي وقف من بعيد واسمع شو بتحكي ؟ رغد بتكون خطيبتي !
الدكتور : مو مسموح
قرب هيثم وشو من وش الدكتور وطالع مصاري من جيبتو وحطهن عالمكتب …
هيثم : عم قلك بدي فوت رح اكرمك
الدكتور : …….
الممرضة : استاذ هيثم لو سمحت
الدكتور : اسمحيلو يفوت بس لا تزعج المريضة لو سمحت
==========================
في بيت نهال ….
هيفا : خالتو اجا هيثم ما هيك ؟
نهال : اي
هيفا : ليش لهلأ ما اجا يتطمن علي ؟
نهال : بيجي حبيبتي يمكن مشغول لسا مو من زمان رجع من السفر .. بيكون تعبان
هيفا : كان في بجنبي هون ورقة مكتوب عليها رقم شفتيها شي ؟
نهال : رقم مين ؟
انحرجت هيفا وصارت تتلفت وتدور عالورقة …
نهال : اييييييي قصدك رقم بكر ؟
هيفا : اي
نهال : ليكو بالدرج يلي جنبك
هيفا : احم احم شكرا خالتو
ابتسمت نهال وطلعت من الغرفة .. تذكرت بس شافت رغد عم تحكي مع هيثم اول مرة ..
(ذكريات نهال)
نهال : ولي رغد مع مين عم تحكي ؟
رغد : ماما ؟؟
نهال : اي ماما يا روح ماما مع مين عم تحكي ؟ هاتي الموبايل لشوف هاتي الووووو مين معي .. بالله شو اروق ؟ اي قلتلي نيتك صافية وبتحبا عنجد .. لا ترجع تدق لهون مرة تانية
رغد : ……. امي ؟!
نهال : يا بنتي ما بدي قلبك ينكسر متل ما قلبي انكسر .. ما بدي تنحرقي بنار الحب ويكون كلو وهم
رغد : بس هيثم بيحبني عنجد .. طيب ليكي بكرا رح خلي يجي وبتتعرفي عليه اتفقنا ؟
نهال : اااخ منك ااااخ
ما فاقت نهال من الذكريات الا على صوت هيفا …
هيفا : خالتو شبك واقفة على باب الغرفة هيك ؟
نهال : اووووه اسفه حبيبتي والله ما قصدت بس سرحت شوي
هيفا : اتصل هيثم بيقول عالاغلب لاقو المجرم
نهال : عنجد ؟
هيفا : اي والله
نهال : يا حبيبي يا هيثم جاي من السفر وتعبان بلا ما يرتاح عم يدور عالمجرم
هيفا : هيثم بيحب رغد كتييييير
==========================
في المشفى ….
هيثم دق للمحقق وخبرو بيلي عم تحكيه هند واجا المحقق عالمشفى ليحقق بقضيتين .. قتل رغد وقتل ام هند
هيثم : سيادة المحقق .. انا في شغلات ما قلتها مشان استر عالبنت بس عفوا يعني هند حركاتها معي كانت مو تمااام ابدا
– متل شو ؟
هيثم : يعني كانت تحاول تتقرب مني بطريقة مو نضيفة ابدا
– انا قلتلك احكيلنا كلشي واي تفصيل صغير ممكن يفيدنا
فات المحقق عند هند وصار يحقق معها مع مراعاة حالتها الصحية المتدهورة
– يا هند ساعدينا مشان نساعدك .. انتي وين كنتي بلحظة قتل رغد ؟؟
هند : بالشركة
– استاذ هيثم شو رأيك ؟
هيثم : لا طبعا الجريمة صارت عال7 ونص المسا الشركة بتنقفل عالل5 المسا … والجريمة صارت عال7 ونص المسا
– طيب مين هيثم يا هند ؟
هند : حبيبي
هيثم : ياااا حبيبي
– طيب يا هند والدتك مين يلي قتلها ؟
هند : امي ؟ ليش امي ماتت ؟؟ اميييييييي بدي امييييييي
طلعو هيثم والمحقق من غرفة هند ..
– للأسف الحالة هي ما بنقدر ناخد باقوالها لانها مو بوعيها
هيثم : بس هي حكت انا قتلت رغد !!
– وهي نفسها يلي حكت انت حبيبها !! وانصدمت انه امها توفت بالرغم من انها بتعرف !!
هيثم : وشو الحل ؟؟
– ننطر يومين تانيات بس رح خلي حراسة على باب غرفتها لحتى تصحصح ونعرف نتفاهم معها
==========================
في بيت ام سعيد ….
سعيد : شو يا نجوى ما حملتي بعدك ؟
نجوى : عفوا ؟ شو ما سمعت ؟
سعيد : عم اتطمن على نسل اخي شبك زعلتي
نجوى : الله يرزقنا ذرية صالحة
سعيد : والله الظاهر ما رح يرزقكن
سامر : سعيد اخرس شو رأيك ؟
سعيد : تعال لجوزك بنت تجيبلك طفل يحمل اسمك احسن من هاي اللي بلا فايدة جواز عالفاضي
سامر : الظاهر انك ما رح تنخرس الا بس قوم كسرلك ياه لراسك .. نجوى فوتي جوا
نجوى : ممكن نفوت انا وانت لجوا ؟
سامر : فوتي لجوا بدي ربيه لهالواطي
نجوى : حبيبي كرمالي تعا نفوت انا وانت سوا يلا
سامر : رح مشيلك ياها يا حيوان لأنه كلنا بنعرف انك واطي ولو طلبت مرتك ترمي امك بالبحر رح ترميها وانا متأكد هالكلام مو منك هالكلام من مرتك الخبيثة
نجوى : خلص حياتي تعال معي جوا يلا روق
ام سعيد : شبكن صواتكن طالعة ؟
نجوى : ولا شي مرت عمو ارجعي نامي وارتاحي لا تشغلي بالك