المندي على طريقتي زاكي بشكل مش عادي
المندي على طريقتي زاكي بشكل مش عادي
معكم صديقة زاكي المبدعة بأكلاتها الشهية و حلوياتها البهية الشيف الجميلة ام ينال البشتاوي
المندي على طريقتي زاكي بشكل مش عادي
الطريقة :
اول شي في طنجره بحمس بصل وثوم وبعدين بقلب فيهم الدجاج طبعا مقدار دجاجتين وبعدها بضيف مكعب دجاج ورشتين ملح وملعقتين صغار بهارات مندي وملعقتين بهارات اكل عادي وملعقتين فلفل اسود وملعقتين خل ابيض وملعقتين بهار هيل ناعم وملعقتين كاري وورق غار وملعقتين بابريكا ونقلب الدجاج مع كل البهارات وبعدها بضيف ماء وبنسلقه لنصف ساعه او حسب ما بدك
هلا الرز بتنقعي ٧ كاسات او حسب الكميه اللي بدك اياها وبتبهريه نفس البهارات اللي حطيناها على الدجاج بس بكميه اكتر شوي يعني مكعبين ماشي وملح اكتر وبتحطي زياده على البهارات معلقه كبيره صويا صوص وملعقه كبيره دبس رمان وبضيفي البازيلا والجزر وانا بدك حمص حب بس انا ما حطيت طبعا الجزر بتسلقيه ونفس اشي البازيلا
هلا بعد ما بتخلصي سلق الدجاج المي اللي سلقتي فيهم الدجاج بتطبخي الرز فيهم طبعا اذا بدك تلوني الرز عادي اوتخليه اصفر بتحطي صبغه الزعفران لون اصفر
هلا الدجاج بعد ما استوى بعمل اله خلطه تحمير وبحمره على الفرن
8 ملاعق لبن كبار 3 ملاعق رب بندوره كبار وعصير نص ليمونه وملعقتين زبده كبار وبتحطي ملعقتين بهارات وفلفل اسود وكاري وبتحطي معلقتين خل وشويه دبس رمان وصويا صوص و6 فصوص ثوم ورشتين ملح وشويه وملعقه بابريكا طبعا هاد كله بالخلاط وبتبلي الدجاج ساعتين بالخلاط او مباشره عادي وبتحمري بالفرن
واخر خطوه بدخني الرز والدجاج بالفحم
وبتزيني بالزبيب والفستق
♥ وصحتين وعافيه يا رب ♥