طريقةالبيتزا بعجينة العشر دقائق زاكية و طعمها فووووق الوصف جربوها ما ازكاها

طريقةالبيتزا  بعجينة العشر دقائق زاكية و طعمها فووووق الوصف جربوها ما ازكاها

معكم صديقة زاكي المبدعة بأكلاتها الشهية و حلوياتها البهية الشيف الجميلة Esraa Khaled

طريقةالبيتزا انا بستخدم عجينة العشر دقائق
مكونات العجينه :
معلقتين كبار سكر

معلقتين خميره فوريه

كاستين مي دافيه

كاستين طحين

معلقه صغيره ملح

الطريقة :

بخلطهم مع بعض و بغطي عليهم و بتركهم عشر دقائق بعد هيك بضيف 3 كاسات طحين و نص كاسة زيت و معلقتين حليب و بعجنهم مع بعض حتى يتماسكو و ببلش اشتغل بالعجينه .. .
الحشوه ..

بقطع بصله مكعبات و بندوره و فليفله اي لون بتحبي و زيتون و مرتديلا او لشي يلي بتحبي تحطيه سنيوره .. نقانق الخيار الك ..
بحط البصله بصينيه عالنار و بحط عليها زيت و مكعب ماجي و علبة فطر

و بقلبهم مع بعض و بس تستوي البصل مع الفطر بضيفلهم الفليفله و الزيتون و المرتديلا و البندوره و بحط ملح و زعتر و بتركهم ع النار حتى يتجانسو و تستوي الخلطه ..

بفرد العجينه بشكل دائري و بحط عليها كاتشب و بحط الخلطه عليها و بحط عليها جبنه مثلثات و بدخلها الفرن حتى تستوي من تحت و بس اجي احمرها بحط عليها جبنة موزريلا و بحمرها و صحتين و عافيه ♥