طريقة عمل الغريبه الدايبة طعم لا يقاوم كتير سهلة و زاكية
طريقة عمل الغريبه الدايبة طعم لا يقاوم كتير سهلة و زاكية
معكم صديقة زاكي المبدعة بأكلاتها الشهية و حلوياتها البهية الشيف الجميلة Nehad Nasr
الغريبه الدايبة
المقادير:
500جم دقيق
250 جم سمن وياسلام لو بلدي
100 جم سكر بودرة
الطريقة:
بنسقع السمن كويس, وبعدين نضربها مع السكر البودره لحد ما تبيض وتهيش
بعد كده بنزل الدقيق شويه شويه ممكن متخدش الدقيق كله يا دوب تلم العجينة نفسها ومتقلبيش الدقيق كتير
ونحطها في الثلاجة ونريحها نصف ساعة مكمن نبيتها لتاني يوم في التلاجة
نطلعها ونخدمها كويس ونلمها ونبتدي نشكل بتضغطي بصباعك تجويف صغير فيها واحط قرنفل أو مربي أو زبيب أو لولي أو مكسرات زي ما تحبي
التسوية:
على حرارة 140 يا دوب تاخد لون دهبي فاتح من تحت وبس تقفلي علطول
ملاحظاتي ♥
زبدة مينفعش لازم سمنة
اول لما تلاقي اللون من تحت ذهبي فاتح تقفلي علطووول
درجةالحرارة 140 لمدة 15 دقيقة
متحطيش بيض بينشف الغريبة
الحرارة العالية بتشقق الغريبة
السمنه والسكر لازم يضربو لحد ما تفتح لونها وتهيش
السمنة لاااااااازم تبقى ساقعة كويس
وتقدم بالف هنا يا رب
♥♥♥ محبتكم نهاد نصر ♥♥♥
